SOLOMON HLA 3:6 - Lai (Hakha) Common Language Bible 2006

⁶ Zei hna dah maw fing le tlang lakin ra ai cu, Frankinsen zihmui le maw mura khu khi bang, Chawlet nih maw an zuar tawn zihmui khu a hluan.

SOLOMON HLA 3:6 交叉參考

EXODUS 30:34

Bawipa nih Moses cu, “A tanglei zihmui, stakte, onikha, galbunum le frankinsen thiang kha aa zat cio ah la hna law

PHUNGTHLÛKBIA 7:17

Ka ihkhun cu mura le aloes le nakzik zihmui in ka thuh cang hna.

SOLOMON HLA 1:13

Ka ṭang cung i ka pom ka bihzun lioah, Rim thaw mura zihmui thawl a hluan.

SOLOMON HLA 1:3

Naa thuh chiti rimhmui nih zam ai kaw Na len min chiti bungh ko lo ai ri, Cucah leng duh raan cuang na si.

SOLOMON HLA 3:7

Hei zohhmanh u, mang bawi Solomon zawnhnak doṭhiang Israel mi chungin val ṭha cem thim hna kaw, Kam lo ralṭha sawm ruk nih veng hna

SOLOMON HLA 4:6

Khua nih dei lai aa zal, thlizil nih hrang siarmar, Mura umnak tlangpar sang ah le frankinsen umnak mual ah cun kal ai lang.

SOLOMON HLA 5:13

A bel hna cu rimhmui kung ciinnak si maw rimhmui an chuahter; A hmur hna nih mura rimhmui dor in tla, Lili par dawh bang si ai.

SOLOMON HLA 5:5

Tho rih ning kaw ka tum valpa cu, innkhar hrenh hunh lang, Ka zaṭial kut in mura zihmui luang hna ai, innkhar hrenh tung tiang.

SOLOMON HLA 8:5

Ho lengnu maw ramlak in rung lang, Lung a tum cia thlanghnun valpa he zaṭial tlaih in um ai hna. Semnak na nu nganfah tuar buin na chuahnak hmun Epal kung toiah in ṭhang ai ing,

ISAIAH 43:19

Thil thar ka tuah ding tu kha i ngiat u. Cucu atu ah hin a um lio cang, a hmuh hmanh nan hmuh khawh ko lai. Ramcar chungin lam pakhat ka kalter lai i cuka ah cun tiva luang kan pek hna lai.

JEREMIAH 2:2

“Va kal law Jerusalem vialte nih an theih nakhnga va au tuah, Bawipa bia cu hi bangin a si: Na ngaknut lio i na ka tlaihchannak le Hammi na si lio i na ka dawtnak kha ka hngalh camcin ko, Thetse ram, zeihmanh cinthlak lonak ram ah khan na rak ka zulh lengmang ko.

JEREMIAH 31:2

Mah hihi Bawipa bia cu a si: Vainam in a luatmi hna nih khan thetse ram ah zaangfahnak an hmuh; Israel mi hna nih dinhnak kha an duh tikah,

HOSEA 9:10

Bawipa nih aa thawh i, “Israel hi ka rak hmuh terte ah cun thetse ram i a khomi mitsur thei bantuk a rak si. Nan pupa hna ka rak hmuh hmasa terte ah hin theipi a hung tlai hmasa bikmi hna hmuh bantuk khi a rak si. Sihmanhsehlaw Baal-Peor an phak tikah Baal biak hram kha an thawk i an duhmi an siasal ka huat tluk khan anmah cu ka huat hna.

MATTHAI 2:11

Inn chungah khan an vung lut i ngakchia kha a nu Mary sinah cun an vung hmuh. An khuk an i bil i an biak. Cun an zal chung khan laksawng an i chuah i an pek, cu an laksawng cu sui le frankinsen zihmui le mura zihmui an si.

DEUTERONOMI 8:2

A nawlbia cu nan ngai lai maw ngai lo dah tinak caah, nan lung chung i a ummi kha hngalh awkah nannih cu harnak in an hneksak hna nakhnga, Bawipa nan Pathian nih hi kum sawm li chung ramlak ah an vahternak hna kha, i cinken ko u.

FILIPI 4:18

Cucaah hi ca kan kuatmi hna hi, bawmhnak nan ka kuatmi vialte ka hmuh dih hna tinak ca a si — kaa zat leng tiangin nan ka kuat. Epafroditas nih nan laksawng cu a rak ka phorh i ka herhmi vialte cu ka ngei dih ko cang. Hi nan laksawng hi Pathian nih a duh i a cohlanmi raithawinak, rimhmui pekchanhmi bantuk an si.

BIAPHUAN 12:14

Thetse ram chung i aa thuhnak ding hmun i va zuannak ding caah khan minu cu mupi nganpi thla pahnih an pek i cuka hmun ah cun kum thum le a cheu an rak zohkhenh lai caah rulpi nih khan zeihmanh a ti kho lai lo.

BIAPHUAN 12:6

Minu cu Pathian nih a rak timhpiak cangmi hmun ah thetse ram ah khan a zam i khika ah ni thong khat le ni za hnih le ni sawm ruk an rak zohkhenh.

BIAPHUAN 18:13

nakzik le musala le zihmui le mura zihmui le frankinsen zihmui le zu le chiti le changvut le facang le caw le tuu le rang le rangleng le sal le minung hmanh kha ahohmanh nih an caw ti hna lo.

BIAPHUAN 5:8

Cu ti a va lak ahcun saram nung pali hna le upa kul le pali hna kha Tuufa hmaiah cun an kun. Pakhat nih tingtang pakhat cio le zihmui a khatmi sui kheng pakhat cio an i put, sui kheng chung zihmui cu Pathian mi hna thlacamnak kha a si.