PHUNGCHIMTU 2:7 - Lai (Hakha) Common Language Bible 2006

⁷ Salnu hna he salpa hna he kaa cawk hna i ka inn chung i a chuakmi sal zong ka ngei hna; keimah hlanah Jerusalem i a rak ummi nih a ngeihmi nak tam deuh in cawrun hna le tuurun hna kha tampi ka ngeih hna.

PHUNGCHIMTU 2:7 交叉參考

GENESIS 13:2

Abram cu mi rum ngaingai a si, tuu tampi a ngei, meheh tampi a ngei, caw tampi a ngei i sui le ngun zong tampi a ngei.

GENESIS 14:14

Abram nih a rualchan an tlaih ti kha a theih tikah a riahhmun i a ummi a minung hna lak i zumhawktlak a timi minung za thum le hlei riat kha a kawh hna i siangpahrang hna cu Dan khua tiang an dawi hna.

GENESIS 15:3

Fa zeihmanh na ka pe lo i cucaah cun ka sal hna lak i pakhatkhat nih ka ro an ka co cu a hau ko lai,” a ti.

1 SIANGPAHRANG 4:23

a thaumi cawtum pahra, ram hnonak caw pakul, tuu za khat an si, sakhi, sazuk, nengpi le cenhmi ar chim loin.

2 SIANGPAHRANG 3:4

Moab siangpahrang Mesha cu tuu zua a si i Israel siangpahrang cu kum fate in tuufa sing khat le tuukawng sing khat hmul a pek lengmang awk a si.

2 CHANRELNAK 26:10

Cun chimram le nelrawn ah khan saṭil run tampi a ngeih caah ramlak ah khan innsang a sak hna i tikhor tampi a cawh hna, cun lothlawh a duh ngaingaimi a si caah tlangram le vawlei ṭhatnak hmun ah khan lothlo le mitsur nengtu kha a chiah hna.

EZRA 2:55

Solomon sinum hna i tefa hna: Sotai tefa hna, Hassofereth tefa hna, Perusa tefa hna,

EZRA 2:58

Biakinn rianṭuantu hna le Solomon sinum hna tefa hna cu za thum sawm kua le pahnih an si.

NEHEMIAH 7:57

Solomon sinum hna i an tefa hna: Sotai tefa, Sofereth tefa, Perida tefa,

JOB 1:3

Cun tuu thong sarih, kalauk thong thum, cawtum tuah za nga, cun laapi za nga le sinum tam ngaingai a ngei; cucaah hi pa cu nichuahlei mi vialte lakah a lianngan bik a si.

JOB 42:12

Cun Bawipa nih Job cu a chan a donghlei kha a thawk lei nakkhan thluachuahnak tam deuh in a pek i tuu thong hleili, kalauk thong ruk, cawtum tuah thong khat le laapi thong khat a ngei.

LUKA 12:45

Sihmanhsehlaw ‘Ka bawipa cu saupi a rau ko rih lai,’ a ti i sal dang pawl kha nu he pa he a tu a vel, a ei a ding i, rihai in a ummi sal cu,