MATTHAI 10:2 - Lai (Hakha) Common Language Bible 2006

² Hihi lamkal hleihnih hna an min cu a si: a hmasa bik ah Simon (Peter timi kha), cun a nau Andru; Zebedi fapa Jeim le a nau Johan;

Laibaibal Thiang (BSI)

² Lamkaltu hleihnih an min cu, a hmaisa bikah, Peter tiah kawhmi Simon le a unau Andria, Zebedi fapa Jeim le a nau Johan,

MATTHAI 10:2 交叉參考

MATTHAI 17:1

Cu hnu ni ruk ah Jesuh nih Peter le Jeim le a nau Johan kha tlang sangpi cungah anmah lawng tein aa kaipi hna.

MATTHAI 20:20

Cun Zebedi fapa hna nu kha Jesuh sinah cun a fapa hna he khan an ra i a hmaiah khan a kun i zaangfahnak a hal.

MATTHAI 26:37

Peter le Zebedi fapa pahnih hna kha aa kalpi hna. A ngaih a chia i a awlok a chong.

MATTHAI 4:18

Jesuh cu Galilee Rili kam i aa chawh lengmang lioah khan ngatlaitu unau a hmuh hna i cu hna cu Simon (Peter timi kha) le a nau Andru kha an si; rili chungah cun sur in nga an rak chep len ko;

MATTHAI 4:21

A hei kal deuh i unau Jeim le Johan, Zebedi fapa hna kha a hmuh hna. Annih cu an pa Zebedi he khan lawng chungah khan an rak um i an sur cu an rak timhtuah len ko. Jesuh nih cun a vun kawh hna i

MARKA 1:29

Pumhnak inn khan khuazei hmanh ah pialpah loin Simon le Andru inn ah khan an kal i Jeim le Johan zong kha an sinah cun an kal ve.

MARKA 13:3

Biakinn hmai zawn i a ummi Oliv Tlang khan Jesuh cu a ṭhu i Biakinn kha a cuan i cu lioah cun Peter le Jeim le Johan le Andru kha a sinah a thli in an ra.

MARKA 6:30

Lamkaltu hna kha an ra tlung i Jesuh he khan an i tong i an tuahmi vialte le an cawnpiakmi hna vialte kha an chimh.

LUKA 11:49

Hi ruangah hin pei Pathian Fimnak nih, ‘Annih cu profet le lamkaltu kha ka thlahhnawh hna lai, a cheu an thah hna lai i a cheu an hrem hna lai’ a ti cu.

LUKA 22:14

A caan a phak tikah Jesuh cu lamkaltu hna he khan cabuai ah cun an ṭhu.

LUKA 22:8

Jesuh nih Peter le Johan cu a thawh hna i, “Va kal u law Lanhtak zanriah kan ei ding kha va tim tuah u,” tiah a ti hna.

LUKA 5:10

Simon hawile hna Jeim le Johan, Zebedi fapa hna zong kha, cu bantuk ṭhiamṭhiam cun an um. Jesuh nih Simon cu a thawh i, “Na thinphang hlah, atu thawk in mi na tlai cang hna lai,” tiah a ti.

LUKA 9:10

Lamkaltu hna cu an ra tlung i an tuahmi vialte kha Jesuh cu an chimh dih. A sinah aa kalpi hna i anmah lawng tein Bethsaida timi khua ah khan an kal.

JOHAN 12:22

Filip nih khan Andru kha a va chimh i an pahnih cun an va kal i Jesuh cu an va chimh.

JOHAN 13:23

Zultu lak i pakhat, Jesuh nih a dawtmi kha, Jesuh chang ah cun a ṭhu i

JOHAN 20:2

Mary cu a tli i Simon Peter le zultu dang pakhat, Jesuh nih a dawtmi kha, “Bawipa cu thlan chung khan an lak cang i khuazei i an chiah kan hngal lo,” tiah a chimh hna.

JOHAN 21:2

Simon Peter le Faphir timi Thomas le Galilee peng Kana khuami Nathanael le Zebedi fapa hna kha le Jesuh zultu a dang pahnih hna kha hmunkhat ah an um i

JOHAN 21:20

Peter cu a hun i mer i Jesuh dawtmi zultu nih a zulh hna kha a hmuh — cu pa cu rawl an ei lio i Jesuh hngauh in a um i, “Bawipa, ahodah nangmah rawitu cu a si lai,” tiah a haltu kha a si.

JOHAN 21:24

Hi pa cu zultu a si i hi thil hna a chimtu le a ṭialtu zong a si; a chimmi cu ahmaan ti kha kan hngalh.

JOHAN 6:67

Cucaah Jesuh nih zultu hleihnih kha a thawh hna i, “Nannih tah — nan kal ve lai maw?” tiah a ti hna.

JOHAN 6:70

Jesuh nih cun a thawh hna i, “Nannih pahleihnih hi keimah nih kan thim hna lo mei? Asinain pakhat cu khuachia nan si ai!” a ti.

JOHAN 6:71

A chim duhmi cu Simon Iskariot fapa Judas kong kha a si. Zeicahtiah Judas cu zultu hleihnih lak i pakhat kha a si ve ko nain amah rawitu ding kha a rak si.

JOHAN 6:8

A zultu a dang pakhat, Peter nau Andru nih khan,

LAMKALTU 1:13

Jerusalem khua chungah khan an lut i an rak umnak khaan chungah khan an va kal: Peter, Johan, Jeim le Andru, Filip le Thomas, Bartholomew le Matthai, Alfeas fapa Jeim, Phunṭanh Simon le Jeim fapa Judas an si.

LAMKALTU 1:26

Cun cu hna pahnih lakah aho deuh cu dah kan thim lai tinak caah camcawhfung an zuh i an thimmi cu Matthias kha a si; cun amah cu lamkaltu pahleikhat hna bu chungah khan a lut.

LAMKALTU 12:2

Johan unau Jeim kha vainam in a thahter hna i

LAMKALTU 3:1

Ni khat cu, zanlei suimilam pathum, thlacam caan ah khin, Peter le Johan cu biaknak inn ah khan an hung kal.

1 KORIN 15:7

cun Jeim sinah khan a lang i lamkaltu dihlak sinah khan a lang.

EFESA 4:11

“Mi kha laksawng a petu hna” cu amah kha a si; a cheu cu lamkaltu ah a ser hna i a cheu cu profet ah a ser hna, a cheu cu Thawngṭha chimtu ah a ser hna i a cheu cu pastor le cawnpiaktu ah a ser hna.

HEBRU 3:1

Pathian nih a kawh vemi Khrihfa u le nau hna, kan i lakmi phung ca i Tlangbawi Ngan si awkah Pathian nih a thlahmi Jesuh kong kha ruat hmanh u.

1 PETER 1:1

Jesuh Khrih lamkaltu a simi Peter nih, Pontas, Galatia, Kappadosia, Asia le Bithinia peng i ralzam bangin aa ṭhekmi, Pathian thimmi hna, nan sinah ca kan kuat hna.

2 PETER 1:1

Jesuh Khrih sal le lamkaltu a simi Simon Peter nih, Kan Pathian a dinnak thawng le kan Khamhtu Jesuh Khrih thawngin kan zumhnak tlukin a sunglawimi zumhnak a hmu vemi nan sinah ca kan kuat hna.

2 JOHAN 1:1

Khrihfa Upa nih, Ka dawtmi Bawinu le a fale hna kha ca kan kuat hna. Keimah lawnglawng hi an dawtu hna ka si lo, biatak kha a hngalmi vialte nih cun an in dawt hna,

3 JOHAN 1:1

Khrihfa Upa nih, Ka dawt taktakmi Gaius, ca kan kuat.

BIAPHUAN 1:1

Hi cauk hi Jesuh Khrih nih a phuanmi thil kong a si. Cu a phuanmi cu a um zau dingmi thil, Pathian nih a sal hna hmuhsak awkah a pekmi kha a si. Cu thil hna cu Khrih nih a sal Johan kha a hngalhter i cu hngalhtertu ah cun a vancungmi kha a thlah i

BIAPHUAN 1:9

Kei cu nan unau Johan kha ka si. Jesuh ah kan i pehtlaihnak thawngin hremnak nan innak ah ka ing ve, nan umnak a Pennak chungah khan ka um ve i temhinnak nan inmi kha ka ing ve. Pathian bia ka chim ca le Jesuh nih a phuanmi biatak ka phuan ruangah, Patmos tikulh ah khan an ka chiah.

BIAPHUAN 18:20

Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!

BIAPHUAN 22:8

Keimah Johan nih hi thil vialte hi ka theih hna i ka hmuh hna. Cun ka theih hna i ka hmuh dih hna tikah, hi thil vialte a ka hmuhsaktu vancungmi ke hram ah cun ka bawk i biak ka zalh.