MARKA 1:41 - Lai (Hakha) Common Language Bible 2006

⁴¹ Jesuh nih cun a zaang a fak ngaingai i a hei banh i a hei tongh. “Nangmah thianter kha ka duh, va thiang cang,” tiah a ti.

Laibaibal Thiang (BSI)

⁴¹ Jesuh nih a zângfah ngaingai, a hun banh i a tongh hnuah, “Ka duh ko, rak thiang cang,” tiah a ti.

MARKA 1:41 交叉參考

GENESIS 1:3

Cun Pathian nih, “Ceunak um seh,” tiah a ti i ceunak cu a hung um.

SALM 33:9

Bia a chim i vawlei cu a hung um, nawl a pek i zeizong vialte an hung chuak.

MATTHAI 9:36

Mi zapi kha a hmuh hna tikah, khaltu a ngei lomi tuu bantukin lungrethei le awlokchong in an um kha a hmuh hna caah a zaang an fak ngaingai.

MARKA 1:40

Jesuh sinah cun thinghmuimi pakhat kha a ra i a khuk aa bil i, “Na duh ahcun na ka thianter khawh,” tiah bawmhnak kha a hal.

MARKA 1:42

Chikkhatte ah thinghmui zawtnak nih khan cu pa cu a kaltak i a thiang.

MARKA 4:39

Jesuh cu a tho i thlitu cu, “Hrang ti hlah,” tiah nawl a pek i tilet cu, “Dai tuah,” tiah a ti. Thli cu a dai zuahmah i rili cu dai zirziar tein a um.

MARKA 5:41

A kut in a vun tlaih i, “Talitha koum,” tiah a ti; cu a sullam cu, “Ngakchianute, tho, kan ti,” tinak a si.

MARKA 6:34

Jesuh cu lawng chung khan a hung chuak i mi cu vialte a hmuh hna tikah khan a zaang an fak ngaingai, zeicahtiah khaltu a ngei lomi tuu bantuk an si. Cucaah thil tampi a cawnpiak hna.

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

HEBRU 2:17

Cucaah zeizong kip ah a unau hna bantuk kha a si awk hrim a si i cu bantukin a si cu, annih nih sual ngaihthiamnak an hmuh khawh nakhnga ding caah, zumh awk a tlakmi le zaangfah a thiammi an Tlangbawi Ngan a si nakhnga caah a si.

HEBRU 4:15

Kan Tlangbawi Ngan hi kan santlaih lonak ah kan cung i zaangfahnak a ngei kho lomi tlangbawi a si lo. Kan Tlangbawi Ngan hi kanmah bantuk tein tukforhnak a ing vemi a si, sihmanhsehlaw sualnak zeihmanh a tuah lomi a si.