LUKA 4:7 - Lai (Hakha) Common Language Bible 2006

⁷ Cucaah ka hmaiah na khuk i bil law hi vialte hi na ta an si dih ko lai,” tiah a ti.

Laibaibal Thiang (BSI)

⁷ Cucaah ka hmai in naka biak ahcun a dih lakin nata a si ko lai,” tiah a ti.

LUKA 4:7 交叉參考

SALM 72:11

Siangpahrang vialte kha a hmaiah an kun lai i miphun vialte nih a rian an ṭuan lai.

ISAIAH 45:14

Bawipa nih Israel cu a thawh i, “Izipt le Ethiopia rumnak cu nangmah ta an si lai, Seba mi khansang hna cu na sal an si lai; thir cikcin he an in zulh lai. Na hmaiah an kun lai i, ‘Na sinah Pathian a um — amah lawnglawng hi Pathian cu a si.

ISAIAH 46:6

Mi nih an tangka bawm kha an kau i sui kha an bungh hna; cuaithlainak in ngun kha an thlai hna. Sui soser pakhat kha pathian kan serpiak tiah an fial i cu hmaiah cun an kun i cucu an biak.

MATTHAI 2:11

Inn chungah khan an vung lut i ngakchia kha a nu Mary sinah cun an vung hmuh. An khuk an i bil i an biak. Cun an zal chung khan laksawng an i chuah i an pek, cu an laksawng cu sui le frankinsen zihmui le mura zihmui an si.

LUKA 17:16

Jesuh ke hram ah khan vawlei ah a bawk i Jesuh cu a lawmh. Cu pa cu Samaria mi a si.

LUKA 4:6

Khuachia nih cun a thawh i, “Hi lianhngannak vialte le hi chawva vialte hi kan pek lai. A dihlak hin keimah pek ka si cang i ka duhmi paoh ka pek khawh hna.

LUKA 4:8

Jesuh nih, “Cathiang nih pei, ‘Bawipa na Pathian cu na biak lai i amah rian lawng kha na ṭuan lai,’ a ti cu,” tiah a leh.

LUKA 8:28

Jesuh cu a hmuh tikah fak piin a ai i a hmaiah a bawk i aw thang piin, “Jesuh, Cung Nung Bik Pathian Fapa, ka cungah zeidah tuah na duh? Dan ka tat sawh hlah, tiah kan nawl,” tiah a ti.

BIAPHUAN 22:8

Keimah Johan nih hi thil vialte hi ka theih hna i ka hmuh hna. Cun ka theih hna i ka hmuh dih hna tikah, hi thil vialte a ka hmuhsaktu vancungmi ke hram ah cun ka bawk i biak ka zalh.

BIAPHUAN 4:10

Cu bantukin an thangṭhat tikah upa kul le pali kha bawiṭhutdan cung i a ummi hmaiah cun an kun i zungzal in zungzal tiang a nungmi cu an biak. An suiluchin kha bawiṭhutdan hmaiah cun an chiah hna i,

BIAPHUAN 5:8

Cu ti a va lak ahcun saram nung pali hna le upa kul le pali hna kha Tuufa hmaiah cun an kun. Pakhat nih tingtang pakhat cio le zihmui a khatmi sui kheng pakhat cio an i put, sui kheng chung zihmui cu Pathian mi hna thlacamnak kha a si.