LUKA 2:41 - Lai (Hakha) Common Language Bible 2006

⁴¹ Lanhtak Puai paoh ah khan, kum fate in, Jesuh nu le pa hna cu Jerusalem ah khan an kal lengmang.

Laibaibal Thiang (BSI)

⁴¹ Kum chiar tein Lanhtâk Thô ah anu le pa cu Jerusalem ah an kal tawn.

LUKA 2:41 交叉參考

EXODUS 12:11

Cun nan eining cu hi ti hin a si lai: nan puan kha nan i sawihnawt lai i nan kedan kha nan i danh lai i nan ṭhiangṭhunh kha nan i put lai, cuticun khulrang in nan ei lai. Cu puai cu Bawipa ca i Lanhtak Puai a si.

EXODUS 12:14

Hi ni hi nan caah philh khawh lomi ni a si lai; Bawipa biaknak puai ah nan hman lai. A hmunmi puai ah nan ser lai i chan khat hnu chan khat in nan hman zungzal lai.

EXODUS 34:23

“Nan lak i pa vialte cu kum khat ah voi thum lengmang Bawipa Pathian Israel Pathian ka hmaiah nan chuak lai.

LEVITIKAS 23:5

Thla khatnak thla, a thla chung ni hleilinak zanlei ah cun Bawipa lanhtak puai a si lai.

NAMBAR 28:16

Thla khatnak thla a ni hleilinak ni ah Bawipa lanhtak a si.

LUKA 2:42

Jesuh kha kum hleihnih a si tikah voi dang bantukin puai ah cun an kal ṭhan.

JOHAN 11:55

Judah mi Lanhtak Puai kha a nai i khuate khan mi tampi cu, puai hlan i thianhnak rak tuah awkah, Jerusalem khua ah khan an kal.

JOHAN 13:1

Atu cu Lanhtak Puai lai ni kha a si cang. Jesuh nih hi vawlei hi kaltak i a Pa sin kal caan kha a phan cang tiah a hngalh. Hi vawlei cung i a ummi a mi kha a dawt zungzal hna i annih cu a dongh tiang hrimhrim in a dawt hna.

JOHAN 2:13

Judah mi Lanhtak Puai kha a nai dengmang cang i cucaah Jesuh cu Jerusalem khua ah khan a hung kal.

JOHAN 6:4

Judah mi Lanhtak Puai kha a nai cang.

DEUTERONOMI 12:11

khi tikah Bawipa nan Pathian nih a min umnak dingah a thim laimi hmun ah nawl kan pekmi hna vialte cu nan rak put hna lai: nan khangh thawinak hna le raithawinak hna, nan cheu hra cheu khat le nan pekchanhmi pekchanhnak, cun Bawipa sinah bia nan i kammi biakamnak pekchanhnak vialte na rak put lai.

DEUTERONOMI 12:18

sihmanhsehlaw Bawipa nan Pathian nih a thim laimi hmun ah, nanmah le nan fapa le nan fanu le nan salpa le nan salnu le nan khuachung i a ummi Levi mi nih Bawipa hmaiah nan ei hna lai. Cun zei thil nan tuahnak paoh ah Bawipa nan Pathian hmaiah nan i lawm lai.

DEUTERONOMI 16:16

“Kum khat ah nan lak i pa vialte nih Bawipa hmaiah a thim laimi hmun ah voi thum an chuak lai: thilnu telh lo changreu puai le zarh hna puai le deu puai ah an si lai. Bawipa hmaiah kutro in an chuak lai lo;

1 SAMUEL 1:21

Cun Elkanah le a chungle vialte cu Bawipa sin i kum fate thawinak pekchanh awk le a biahrennak pek awkah an hung kal.

1 SAMUEL 1:3

Cun hi pa cu kumfate in, Eli fapa pahnih Hofni le Phinehas, Bawipa tlangbawi an sinak Shiloh khua ah khan, ralkapbu Bawipa biak awk le raithawi awkah, amah khua in a hung kal tawn.