LUKA 1:30 - Lai (Hakha) Common Language Bible 2006

³⁰ Vancungmi nih cun a thawh i, “Mary, na thinphang hlah. Zeicahtiah Pathian nih nangmah cu vel an ngeih.

Laibaibal Thiang (BSI)

³⁰ Vanmi nih, “Mary, ṭihhlah, Pathian lung na ton.

LUKA 1:30 交叉參考

GENESIS 6:8

Asinain Noah nih cun Bawipa kha a lung a ton.

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

ISAIAH 41:14

Bawipa nih aa thawh i, “Israel, na hmete ko i na der ngai ko nain na thinphang hlah. Kan bawmh lai. Keimah Israel Pathian thiang hi nangmah an khamhtu cu ka si.

ISAIAH 44:2

Nanmah an sertu hna cu Bawipa ka si, nan nunnak a hram a thawknak khan keimah nih kan bawmh hna. Nan thinphang hlah u; nanmah cu ka sal nan si, ka dawtmi ka mithim nan si.

MATTHAI 14:27

Jesuh nih cun hmakhatte ah a hei chawnh hna i, “Nan thinphang hlah u. Keimah pei ka si ko cu. Hnangam in um ko u,” tiah a ti hna.

MATTHAI 28:5

Vancungmi nih khan nu cu a thawh hna i, “Nan thinphang hrimhrim hlah u. Vailam tahnak thing i khenhchihmi Jesuh nan kawl ti kha ka hngalh.

LUKA 1:13

Sihmanhsehlaw vancungmi nih cun a thawh i, “Zekhariah, na thinphang hlah! Pathian nih na thlacamnak kha a theih i na nupi Elizabeth nih fapa an hrinpiak lai. A min ah Johan na sak lai.

LUKA 12:32

“Tuurun hmete hna, nan thinphang hlah u! Zeicahtiah nan Pa nih Pennak cu nanmah kha pek an duh hna.

LAMKALTU 27:24

‘Paul, na thinphang hlah. Siangpahrang hmaika ah cun na dir ṭhiamṭhiam ko lai; cun Pathian nih amah ṭhatnak thawngin nangmah sinah a kalmi vialte an nunnak hi nangmah kha an pek,’ a ka ti.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

HEBRU 13:6

Cucaah kannih cu kan ralṭha u si law, “Bawipa cu a ka bawmtu a si, zeihmanh ka ṭih lai lo. Minung nih ka cungah zeidah an tuah khawh lai?” tiah ti u sih.