KOLOSE 2:13 - Lai (Hakha) Common Language Bible 2006

¹³ Hlan ah cun nannih cu phung leng um Jentail mi nan si ca le nan sualnak ruangah, thlarau lei in a thimi nan rak si. Sihmanhsehlaw atu cu Khrih sinah Pathian nih an nunter cang hna. Pathian nih kan sualnak vialte cu a kan ngaihthiam.

Laibaibal Thiang (BSI)

¹³ Cun nannih nan sualnâk le taksa in cuarpartan lomi nan si ruangah a thimi nan si lio ah Amah sinah an nunter hna, kan sualnâk vialte a kan ngaihthiam i

KOLOSE 2:13 交叉參考

EFESA 2:1

Hlanah cun nawl nan ngaih lo ruang le nan sual ruangah thlarau lei in nan rak thi.

ROM 8:11

Jesuh kha thihnak in a thotu Pathian Thlarau cu nan chungah a um ahcun, Khrih cu thihnak in a thawhtertu Pathian nih khan a Thlarau cu nan chungah a umter caah nannih zong thih hmangmi nan pum kha nunnak an pekpiak ve hna lai.

2 KORIN 3:6

biakam thar rian a kan ṭuanter khotu cu, cu Pathian cu a si. Cu biakam thar chung i a ummi cu ṭialmi nawlbia kha si loin Thlarau tu a si. Ṭialmi nawlbia nih cun thihnak kha a chuahpi, sihmanhsehlaw Thlarau nih cun nunnak kha a chuahpi.

HEBRU 9:14

Cu hmanh nih cu bantukin a tuah khawh ahcun, Khrih thisen nih cun, zeitluk in dah a tuah khawh chinchin lai! Zungzal hmunmi Thlarau in a tlingmi raithawinak bantukin Pathian sinah amah le amah cu aa pe. Kannih nih Pathian nung kha kan biak khawh nakhnga santlai lomi rian kan tuah tawnmi kan chiaṭha thleidannak chung i a cammi kha a thi in a kan thianhpiak lai.

2 KORIN 5:19

Cucaah kannih kan biapi cu, Pathian nih mi vialte kha Khrih thawngin hawi ah a ser hna, ti hi a si. Pathian nih an sualnak kha anmah sual phawtnak ding caah cazin chungah a khumhpiak hna lo i kannih cu a hawi i a ser hnanak bia chim kha a kan fial.

EFESA 2:11

Chuahkehnak lei in Jentail mi a simi hna, hlanah zei nan rak si kha i philh hlah u — nannih cu Judah mi nih cuarpartanlo an rak in ti hna, anmah cu cuarpartan an rak i ti; cuarpartan ti nih a sawh duhmi cu mi nih an pum cung i an tuahmi kha a si.

LUKA 15:32

Sihmanhsehlaw na nau cu a rak thi i pei atu cu a nun ṭhan cu, a rak tlau i pei atu cu hmuh ṭhan a si cu, cucaah kan thlathlauh i kan i lawmh awk a si hrim ko,’ tiah a leh,” tiah a ti.

LUKA 15:24

Zeicahtiah hi ka fapa hi a rak thi, sihmanhsehlaw atu cu a nung ṭhan; a rak tlau, sihmanhsehlaw atu cu ka hmuh ṭhan cang,’ a ti. Cun cuticun puai tuah hram cu an thawk.

SALM 71:20

Ka cungah harnak le nganfahnak kha na tlunter, sihmanhsehlaw nangmah nih ka thazang kha na ka pek ṭhan lai i thlan chungin na ka khamh lai.

JEIM 2:26

Cucaah cun pum cu thlarau loin a thih bantukin zumhnak zong tuahnak loin a thi ve.

EFESA 5:14

Fiang tein langhtermi cu ceunak ah cun an i cang. Cucaah, “Aa hngilhmi i hlau tuah, thihnak in tho tuah, Cun Khrih cu na cungah a ceu lai,” an ti kha a si taktak.

1 KORIN 15:45

Zeicahtiah Cathiang nih, “Mi hmasa bik Adam cu minung ah ser a si,” a rak ti, sihmanhsehlaw Adam hmanung bik cu nunnak petu Thlarau a si.

ROM 6:13

Cun nan pum a zeihmanh kha thil ṭhalo tuahnak ding caah sualnak kha pe ti hlah u. Thihnak in nunnak ah thawhter ṭhanmi bantukin Pathian sin tu ah i pe u law dinnak tuahnak ding caah nan pum cu a ningpi in Pathian cu pe ko u.

1JOHAN 2:12

Ka dawtle hna, nan sualnak cu Khrih min ruangah ngaihthiam nan si caah hi ca hi kan kuat hna.

1 KORIN 15:36

Mihrut. Vawlei i thlaici na tuh tikah a thih hmasa lo ahcun a keuh ṭung lo.

JOHAN 5:21

Ka Pa nih mithi kha a thawhter hna i a nunter hna bantukin, Fapa zong nih hin ka duhmi paoh kha ka nunter ve hna lai.

LUKA 9:60

Jesuh nih cun a leh i, “Mithi nih an mithi kha va vui ko hna seh. Nang tu cu va kal law Pathian Pennak kong kha va chim ko,” tiah a ti.

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

SALM 119:50

Nganfah ka in hmanh ah ka hna a ngam, zeicahtiah na biakamnak nih nunnak a ka pek.

HEBRU 6:1

Cucaah hmailei ah fong u sih, Khrihfa cawnpiaknak a hram kan i domhnak kha hnulei ah kaltak u sih law a tlam a tlingmi cawnpiaknak kha fuh u sih. Santlai lomi rian kaltak kha a hram in i domh ṭhan lengmang ti hlah u sih, cun Pathian zumh zong kha a hram in i thawk ṭhan lengmang ti hlah u sih;

1TIMOTE 5:6

Asinain nuamhnak lei i aa pemi nuhmei cu a nung nain a thi cangmi a si.

ROM 4:17

Zeicahtiah Cathiang nih, “ ‘Nangmah cu miphun tampi hna pa ah kan ser cang,’ a ti,” tiah a ti bantuk khan, Abraham cu kan dihlak pa a si. Cucaah hi biakamnak cu Pathian hmaiah khan a fek i cu Pathian cu a zumhmi Pathian cu a si; mithi kha a nunter i a um lomi thil a bia in a umtertu kha a si.

JOHAN 6:63

Nunnak petu cu Pathian Thlarau a si; minung ṭhawnnak hi cu zeihmanh a ṭhahnem lo. Nannih kan chimhmi hna bia hi Thlarau le nunnak cu an si.

JEREMIAH 31:34

Cun annih nih pakhat le pakhat kha, ‘Bawipa kha hngal tuah,’ tiin i cawnpiak kha an herh ti lai lo, zeicahtiah a hme bik in a ngan bik tiang, an dihlak in an ka hngalh lai. An ṭhat lonak kha ka ngaihthiam hna lai i an sualnak kha ka hngal camcin ti lai lo,’ tiah Bawipa nih a ti.

ISAIAH 1:18

Bawipa nih aa thawh i, “Atu cu hi bia hi ṭhate in ruat ṭi tuah u sih. Nan sualnak cu a sen in sen hna hmanh seh law, hawhra bantukin an thiang hna lai; a dum in dum hna hmanh seh law tuuhmul bantukin an vaar lai.

JEIM 2:20

Maw mihrut hna, tuahnak um loin zumhnak cu san a tlai lo ti kha in hmuhsak hna ning law maw nan duh?

JEIM 2:17

Cu bantukte cu zumhnak zong cu a si ve, tuahnak zeihmanh a chuahter lo ahcun a thimi thil a si ko.

1TIMOTE 6:13

Zeizong vialte nunnak a petu Pathian le Pontius Pilat hmaika ah aa phuangmi Khrih Jesuh hmaiah nangmah cu hitihin nawl kan pek.

SALM 32:1

A sualnak ngaihthiam a si i a palhnak maimilh a simi cu a lung aa lawm.

KOLOSE 2:12

Zeicahtiah tipil nan in tikah Khrih sinah nan i vui, cun tipil nan innak ah cun, thihnak in a thawhtertu Pathian ṭhawnnak nan zumhnak thawngin Khrih sinah cun a thawh zong nan tho fawn.