JOSHUA 8:22 - Lai (Hakha) Common Language Bible 2006
22 Cun a dang hna nih khan khua lei khan an hun fuh hna; cucaah annih cu Israel mi nih an karceh hna, hi lei ah a cheu, khi lei ah a cheu; cun Israel mi nih an thah hna, pakhat hmanh a nungmi siseh a luatmi siseh an um lo.
Bawipa na Pathian nih annih cu nangmah kha an pek i na tei hna tikah, khi tikah annih cu na hrawh cikcek hna lai; annih he biakamnak na ser lai lo i an cungah zaangfahnak na ngei lai lo.
Mi nih, zeizong vialte a dai dih ko i a him dih ko, an ti liote ah khin rawhnak nih cun a den hna lai. An luat kho lai lo — nu cungah a tlungmi nau nganfah bantuk khi a si lai.
Cun khi ni ah Joshua nih Makkedah cu a lak i cu khua le a siangpahrang cu vainam in a sam dih hna; a chung i a ummi paohpaoh cu a thah dih hna, pakhat hmanh a zuah hna lo; cun Jeriko siangpahrang cungah a tuah bang khan Makkedah siangpahrang cungah cun a tuah.
Cun Joshua le Israel mi vialte nih lamhruang attu hna nih khua an lak cang kha le khua meikhu cu a kai kha an hmuh tikah, khi tikah an i let i Ai khuami kha an thah hna.
