JOSHUA 8:20 - Lai (Hakha) Common Language Bible 2006
20 Cucaah Ai khuami hna nih khan hnulei an hei zoh tikah, zohhmanh, khua meikhu cu van a tawng; cun annih cu hi lei khi lei ah an zaam kho lo, zeicahtiah ramlak leiah a tlimi hna nih khan a hun dawitu hna cu a rak an lehkhuh hna.
Sihmanhsehlaw miṭhalo cu mitcawtnak nih khan a tlakhnawh lai i Luatnak lam vialte kha a thlau hna lai, An i ruahchanmi cu, an thaw hmanung bik chuah kha a si ko lai,” tiah a ti.
An ralkap ralṭha pawl cu an hranchaw kha na chuh hna i atu cu thihnak hngilh in an i hngilh cang; an hriamnam a run hmangtu dingah a tangmi pakhat hmanh an um lo.
Chunzan in a kang lengmang ko lai i a meikhu cu a kai thluangthluan ko lai. Ram cu cu ti cun chan khat hnu chan khat hman awk ṭha ti loin a um lai i ahohmanh nih a pal zong an pal ti lai lo.
Lamhruang attu hna nih khan khulrang tein an umnak khan an tho i a kut a samh cangka an tli i khua chungah an lut i an lak; cun khua cu mei in khangh awkah an i hnawhnam.
Cun Joshua le Israel mi vialte nih lamhruang attu hna nih khua an lak cang kha le khua meikhu cu a kai kha an hmuh tikah, khi tikah an i let i Ai khuami kha an thah hna.
Sihmanhsehlaw hmelchunhnak cu khuapi chung i meikhu in kai hram a thawk tikah Benjamin mi hna nih an hnulei kha an hei zoh i zohhmanh, khua cu a ning piin meikhu in van ah a kai.
