JOSHUA 7:15 - Lai (Hakha) Common Language Bible 2006
15 Bawipa biakamnak cu a buar i Israel mi lakah ningzah awk a simi thil a tuah caah, pekchanhmi thil a rak lami cu, amah he a ngeihmi vialte he, mei in khangh a si lai,” tiah a ti.
cu lio te ah cun Jakob fapale zong cu ramlak khan an ra tlung. Shekhem nih cu bantuk thil ṭhalo a tuah i Jakob fanu a sualnak thawngin Israel mi a serhsat hna kha an theih tikah a lau in an lau i an thin a khenh ngaingai hna.
Keimah lei ca in chim ah, hi ka ningzahnak cu khuazei ah dah kaa phorh khawh lai? Cun nangmah ca zongah, nangmah cu Israel mi lak i horhrutmi pakhat na si ve ko lai. Cucaah siangpahrang sinah chim tuah, tiah kan nawl, nangmah vat cu a ka thlauh lem lai lo,” tiah a ti.
Israel nih a sual cang; nawl ka pekmi hna ka biakamnak cu an buar cang; pekchanhmi thil cu tlawmpal an i lak; an fir i lih an chim i an thil sinah an chiah hna.
Israel miphun vialte chungin minung za khat ah pahra, thong khat ah za khat, sang khat ah thong khat in kan lak hna lai i mi ca i rawl pechantu an si lai, zeitintiah an rat tikah Benjamin ta a simi Gibeah cu Israel chung i hawrnak sualnak a tuahmi vialte caah khan teirul an cham lai,” tiah an ti.
Khi tikah Saul nih, “Ka palh cang, ra kir tuah, ka fapa David, ka nunnak cu na mit ah nihin ah hin a sun caah na cungah harnak ka tuah ti lai lo; zohhmanh, ka rak hrut hrimhrim ko i fak piin ka palh cang,” tiah a ti.
