JOSHUA 6:20 - Lai (Hakha) Common Language Bible 2006

²⁰ Cucaah mi cu an au i muko cu tum an si. Mi nih muko thawng kha an theih cangka tein, mi cu fak piin an au i ralhau cu a tlu, cu caah anmah le an hmai zawn cio khan mi cu khua chungah cun an hung lut i khua cu an lak.

JOSHUA 6:20 交叉參考

2 CHANRELNAK 13:15

Khi tikah Judah mi hna cu raldohnak au khan an au. Cun Judah mi kha an au tikah Pathian nih Jeroboam le Israel mi vialte kha Abijah le Judah mi hna hmaiah a sunghter hna.

ZEFANIAH 1:16

Cu ni cu kulhmi khua hna le ralhau sang pipi cung i muko thawng le raltuknak au thawng theih ni a si.

HEBRU 11:30

Israel mi nih ni sarih chung an vel hnuah Jeriko khua kulhnak vampang a cimhtertu kha zumhnak a si.

JOSHUA 6:5

Cun tuukawng ki cu an tum vuaimai tikah, muko aw thawng cu nan theih cangka in mi vialte cu fak piin nan au lai; cun khua kulhnak ralhau cu a tlu lai i mi zapi cu anmah le an hmai zawn cio ah khan ding tein an kal lai,” tiah a ti.

1 SAMUEL 4:5

Bawipa biakamnak kuang cu riah-hmun chungah a phak tikah, Israel mi vialte cu fak piin an au i cucaah vawlei zong kha a tlerh dih.