JOSHUA 4:3 - Lai (Hakha) Common Language Bible 2006

³ ‘Hika hin, Jordan tiva chung hin, tlangbawi hna ke a dirnak hmun thengte khan, lung hleihnih in la u law, i put hna u law, tuzan i nan riahnak hmun ah chia hna u,’ tiah nawl pe hna,” tiah a ti.

JOSHUA 4:3 交叉參考

GENESIS 28:22

Philh lonak lung ah ka phunmi lung hi na inn a si lai i na ka pekmi thil vialte cheu hra ah cheu khat kan pek lai,” a ti.

SALM 103:2

Maw ka nunnak, Bawipa cu thangṭhat law zeitluk in dah zaangfahnak a ngeih kha philh hlah.

SALM 11:4

Bawipa cu a biakinn thiang chungah a um ko i a bawiṭhutdan cu van ah khin a um ko. Mi vialte kha a zoh hna i an tuahmi vialte kha a hngalh dih.

LUKA 19:40

Jesuh nih cun a leh hna i, “Hi hna hi an daih ahcun lung hrimhrim hi an au lai,” tiah a ti.

JOSHUA 24:27

Cun Joshua nih mi vialte cu, “Zohhmanh u, mah hi lung hi kan cung i biahngaltu a si lai, zeitintiah Bawipa nih kan sinah a chimmi bia vialte kha hi lung nih hin a theih; cu caah nan cungah biahngaltu a si lai, nan Pathian cungah nan hrokhrawl sual nakhnga lo,” tiah a ti hna.

JOSHUA 3:13

Cun Bawipa, vawlei cung dihlak i Bawipa a simi, a kuang putu tlangbawi hna keza nih Jordan ti a lamh tikah, Jordan ti cu a cat lai i cunglei in a rungmi ti cu bu khat ah an dir lai,” tiah a ti.

JOSHUA 4:4

Cun Joshua nih Israel mi chungin mi hlei hnih hna cu, phun khat in pakhat cio a thimmi hna cu, a kawh hna i

JOSHUA 4:8

Cun Israel mi hna nih cun Joshua nih nawl a pek hna bangin an tuah, Bawipa nih Joshua a chimh bang khan, Jordan tiva chungin, Israel miphun zat in, lung hleihnih cu an lak i an riahnak hmun ah an i kalpi hna i khika ah an chiah hna.

1 SAMUEL 7:12

Cun Samuel nih lung pakhat a lak i Mizpah le Jeshanah karlak ah a phun i, “Atu tiangin Bawipa nih a kan bawmh,” tiin a min ah Ebenezer a sak.