JOSHUA 3:8 - Lai (Hakha) Common Language Bible 2006

⁸ Cun biakamnak kuang a putu tlangbawi hna cu, ‘Jordan ti kam nan phak tikah Jordan tiva chungah cun nan dir peng lai,’ tiin nawl na pek hna lai,” tiah a ti.

JOSHUA 3:8 交叉參考

2 SIANGPAHRANG 2:6

Khi tikah Elijah nih cun a thawh i, “Hika ah hin rak um tuah, tiah kan nawl; zeitintiah Bawipa nih Jordan tiang kal a ka fial,” tiah a ti. Sihmanhsehlaw anih nih, “Bawipa a nun bangin le nangmah hrimhrim na nun bangin, kan umtak lai lo,” tiah a ti. Cucaah an pahnih in an va kal.

2 CHANRELNAK 29:15

An unaule kha an pumh hna i anmah kha an i thianh i Bawipa bia in siangpahrang nih nawl a pek hna bangin, Bawipa inn thianh awkah cun an lut.

2 CHANRELNAK 29:27

Khi tikah Hezekiah nih, khangh thawinak cu biakṭheng cungah pekchanh si seh tiah nawl a pek. Cun khangh thawinak cu thawk a si tikah, Bawipa sin hlasak le muko tum cu David nih a sermi hlasaknak thilri he khan an thawk ve.

2 CHANRELNAK 29:30

Cun siangpahrang Hezekiah le bawi hna nih khan Levi mi hna cu David bia le hmutu Asaf bia in Bawipa cu hla in thangṭhat u, tiah nawl an pek hna. Cun annih nih lunglawmhnak in thangṭhatnak hla kha an sak i an kun i an biak.

2 CHANRELNAK 30:12

Bawipa bia in siangpahrang le a bawi pawl nih an chimhmi hna tuah awk i lungthin khat ngeih awkah Pathian kut cu Judah cungah khan a um fawn.

NEHEMIAH 13:22

Cun sabbath ni kha thiang tein umter awkah Levi mi hna kha, nan i thianh lai i nan ra lai i kutka kha nan cawngh hna lai, tiah nawl ka pek hna. Keimah ca ṭhatnak ding caah hi zong hi hngal camcin ko law, maw Pathian, a fekmi na dawtnak a ngan ningin ka zuah ko sawh.

NEHEMIAH 13:28

Cun tlangbawi ngan Eliashib fapa hna lak i Jehoiada cu Horon mi Sanballat fanu va kha a si, cucaah amah cu ka sinin ka dawi.

EXODUS 14:13

Moses nih khan mi zapi cu a leh hna i, “Nan thinphang hlah u! Fek tein dir u law nanmah khamh awkah Bawipa nih zeidah nihin ah a tuah lai kha zoh tuah u: cu a tuah laimi cu hihi a si lai, nihin i nan hmuhmi Izipt mi hna hi zeitikhmanh ah nan hmu ṭhan ti hna lai lo.

ṬAHNAK HLA 3:26

Cucaah a kan khamhnak ding cu lungsau in kan hngah awk a si.

JOSHUA 3:17

Cun Israel mi vialte nih leiro cungin an tan lioah, Jordan tiva chungah cun, Bawipa biakamnak kuang a zawntu tlangbawi hna kha, an phun ning piin Jordan tiva cu an tan dih hlantiang, leiro cungah cun an dir.

JOSHUA 3:3

mi kha, “Bawipa nan Pathian biakamnak kuang kha Levi tlangbawi pawl nih an put kha nan hmuh tikah, nan umnak cio khan nan i thawh lai i nan zulh lai,

JOSHUA 3:7

Cun Bawipa nih Joshua cu a chawnh i, “Nihin ah hin nangmah cu Israel mi vialte mithmuh ah hlorh hram kan thawk lai, zeitintiah annih nih, Moses sinah ka rak um bang khan, nangmah sinah ka um ve lai, ti kha an hngalh nakhnga.

JOSHUA 3:9

Cun Joshua nih Israel mi hna cu, “Hika ah hin ra u law, Bawipa nan Pathian bia kha thei tuah u,” tiah a ti hna.

JOSHUA 4:11

cun mi vialte nih cun an tan dih tikah Bawipa biakamnak kuang le tlangbawi hna cu zapi hmaiah cun an kal.