JOSHUA 3:7 - Lai (Hakha) Common Language Bible 2006
7 Cun Bawipa nih Joshua cu a chawnh i, “Nihin ah hin nangmah cu Israel mi vialte mithmuh ah hlorh hram kan thawk lai, zeitintiah annih nih, Moses sinah ka rak um bang khan, nangmah sinah ka um ve lai, ti kha an hngalh nakhnga.
Cun Bawipa nih Israel mi vialte hna mithmuh ah Solomon cu upatnak ngan a pek i amah hlanah Israel mi chung i siangpahrang ahohmanh a rak pek hna lomi siangpahrang sunparnak kha amah cu a pek.
Jesuh nih bia a chim dih cun van lei kha a zoh i, “Ka Pa, a caan kha a cu cang. Na Fapa nih sunparnak kan pek ve nakhnga, na Fapa cu sunparnak ka pe ko.
Ka duhnak ngan bik le si kho seh ti ka duh bikmi cu, ka rian hi a tlam tlinh kho ning ti hi a si i a zungzal in, cun atu thengte chinchin ah hin, ka nun zongah ka thih zongah, ralṭhatnak in khah i ka pum hrimhrim in Khrih cu upatnak pek kha a si.
Moses kha zeizong vialte ah a bia kan ngaih bantuk tein nangmah bia zong kan ngaih lai; amah belte, Bawipa na Pathian cu Moses sinah a rak um bang khan na sinah um ve ko seh!
Na nunchung vialte ahohmanh na hmai i a dir khomi an um lai lo; Moses sinah ka um bang khan, nangmah sin zongah ka um lai; kan deuh lai lo i kan hlaw fawn lai lo.
Keimah nih nawl kan pek a si lo mei? Ṭhawng ngai le ralṭha ngaiin um ko; na thinphang hlah, na lung zong dong hlah; zeicahtiah Bawipa na Pathian cu khuazeika na kalnak hmanh ah na sinah a um ko,” tiah a ti.
Cun Joshua nih tlangbawi hna cu, “Biakamnak kuang kha i lak u law, mi zapi hmaiah lan tuah u,” tiah a ti hna. Cun biakamnak kuang cu an i lak i mi zapi hmaiah cun an kal.
Cun biakamnak kuang a putu tlangbawi hna cu, ‘Jordan ti kam nan phak tikah Jordan tiva chungah cun nan dir peng lai,’ tiin nawl na pek hna lai,” tiah a ti.
