JOSHUA 24:32 - Lai (Hakha) Common Language Bible 2006

³² Israel mi nih Izipt ram in an hun i kaipimi Josef ruh kha, Shekhem khua i hmun pakhat Jakob nih Shekhem pa Hamor i a fapa hna sinin tangka za khat in a cawkmi ah khan an vui; cu hmun cu Josef tefa hna rothil ah a cang.

JOSHUA 24:32 交叉參考

GENESIS 33:19

Cu lo cu Shekhem pa Hamor tefa hna sin khan ngun tangka za khat in a cawk.

GENESIS 48:22

Na unau a dang ahohmanh si loin nangmah kha ram ṭhatnak i a ummi Amor mi hna sinin ka nam le ka li in ka lakmi Shekem kha kan pek,” a ti.

GENESIS 50:24

A unau pawl kha a thawh hna i, “Atu cu ka thihnak a nai cang, sihmanhsehlaw Pathian nih an zohkhenh hrimhrim hna lai i hi ram hin an chuahpi hna lai i Abraham le Isak le Jakob a kamhmi hna ram ah khan an kalpi hna lai,” a ti.

GENESIS 50:25

Cun Josef nih cun Israel fapale kha bia a kamter hna i, “Pathian nih nannih kha ka chim bantuk cun an bawmh hna tikah ka ruh hi hi hmun hin nan sinah i kalpi hrimhrim dingin bia ka kam u,” a ti hna.

EXODUS 13:19

Josef nih Israel mi cu fek tein bia a kamter hna bantuk khan, Moses nih Josef ruh cu a kalpi. Josef nih khan zeitindah a rak ti tiah, “Pathian nih an bawmh hrimhrim hna lai; cu tikah ka ruh cu hika hmun hin nan sinah nan i kalpi lai,” a rak ti.

JOHAN 4:5

Samaria ram ah cun khua pakhat khi a hei phan i cu khua cu a min ah Saikhar a si. Saikhar cu Jakob nih a fapa Josef a pekmi lo khan a hla lo.

LAMKALTU 7:15

Cun Jakob cu Izipt ram ah cun a vung kal i khika ah khan amah le kan pupa a kan hringsortu hna cu an thi.

LAMKALTU 7:16

An ruh cu Shekhem ah khan an kalpi hna i khika ah Abraham nih Hamor miphun sinin tangka in a cawkmi thlan ah khan an vui hna.

HEBRU 11:22

Josef nih khan a thih lai ah, Israel mi cu Izipt ram in an chuak te lai, tiah zumhnak in a chim. Cun a pum kha, zeitindah run tuah awk a si lai tiah bia a chiahtaktertu zong kha zumhnak ṭhiamṭhiam a si.