JOSHUA 23:7 - Lai (Hakha) Common Language Bible 2006

⁷ Nannih nih hika i nan lakah a tang rihmi miphun hna he hin i cawh lo le, an pathian hna min kha chim lo le, cu hna cun chiatser lo le, an rianṭuan lo le an hmaiah kun loin,

JOSHUA 23:7 交叉參考

2 SIANGPAHRANG 17:12

cun Bawipa nih, “Mah hihi nan tuah lai lo,” ti in a timi hna siasal kha an biak hna.

2 SIANGPAHRANG 5:18

Hi kong bel ah hin Bawipa nih na salpa cu ka ngaithiam ko seh! Ka bawipa nih Rimmon inn chungah biak awkah, a luh tikah kei zong Rimmon inn chungah cun ka lu ka khun ve ding a si, cu bantukin Rimmon inn chungah ka lu ka khun tikah, hi kong ah hin Bawipa nih na salpa cu ka ngaithiam ko seh,” tiah a ti.

2 CHANRELNAK 7:19

“Sihmanhsehlaw na pial i na hmai i ka chiahmi ka nawlbia hna le ka phungbia hna cu na hlawt hna i na kal i pathian dang hna kha an rian na ṭuan hna i na biak hna ahcun,

SALM 16:4

Pathian dang a zuan lengmangmi nih cun, an cungah harnak an i tlunter. An raithawinak ah kaa tel duh lai lo i an pathian cu ka bia hna lai lo.

EXODUS 20:5

Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

EXODUS 23:13

Kan chimhmi hna hi ṭha tein ngai u. Nannih nih pathian dang sinah thla nan cam hrimhrim lai lo, an min hmanh a chim in nan chim lai lo.

EXODUS 23:33

Nan ram chungah cun an um lai lo, ka cungah an in sualter sual hna hnga. An pathian kha nan biak hna ahcun cu nih cun nanmah rawhnak kha a chuahter lai,” a ti.

PHUNGTHLÛKBIA 4:14

Miṭhalo hna lam ah cun lut hlah, miṭhalo hna lam cu zul hlah;

JEREMIAH 12:16

Cun ka mi hna cu Baal min in chiatser an rak cawnpiak hna bantuk khan, annih zong nih ka mi hna biaknak kha an lungthin dihumnak in an i lak ve i, ‘Bawipa a nun bangin,’ ti in chiat an ser ve ahcun, ka mi hna lakah telh chihmi innchungkhar an si ve lai.

JEREMIAH 5:7

Zeitindah kan ngaihthiam khawh hna lai? Nan fale nih an ka hlawt i pathian a si lomi pathian kha chiatsernak ah an hman hna. Khim tein ka cawm hna, sihmanhsehlaw vacung pa duh kha an i thim deuh i Hlawhhlangnu inn ah khan an va kal lengmang.

HOSEA 2:17

Baal hna min hrimhrim kha a hmur in ka hnawh hna lai i an min hi a chim in chim an si ti lai lo. Hihi Bawipa bia hrimhrim a si.

ZEFANIAH 1:5

Annih nih vancung thil biak awkah khan inncung ah an kun tawn i Milkom khuazing min in chiat an ser tawn;

NAMBAR 32:38

Nebo le Baal-meon (an min cu thlen a si cang) le Sibmah an ser hna; khua an sermi hna cu min dang an bunh hna.

NAMBAR 33:55

Sihmanhsehlaw cu ram i a ummi hna cu nan hmai in nan dawi hna lo ahcun, nan taantermi hna cu nan mit chungah hling le nan hrappang ah chuntu bantuk an si lai i nannih nan umnak ram chungah cun harnak an in pek hna lai.

1 KORIN 15:33

Ahohmanh i hlenter hna hlah u. “Hawi ṭhalo nih ziaza ṭha a hrawh,” ti pei a si kha.

EFESA 5:11

Santlai lomi thil, khuamui thil, mi nih an tuah tawnmi kha tuah ve hna hlah u.

DEUTERONOMI 10:20

Bawipa na Pathian cu na ṭih lai; a rian na ṭuan lai i amah ah naa bek lai i amah min chalh in chiat na ser lai.

DEUTERONOMI 6:13

Bawipa na Pathian cu na ṭih lai; na biak lai i a min lawngin chiat na ser lai.

DEUTERONOMI 6:14

Nan kiangkap ah a ummi hna an pathian, pathian dang hna cu, nan zul hna lai lo,

JOSHUA 23:12

Nan i mer i hika ah nannih lakah a tang rihmi miphun hna hi nan fonh hna i nan ṭhit nan lak hna i an nu hna kha nan ṭhit hna i annih nih an in ṭhit ve hna ahcun,

JOSHUA 23:8

nihin ni tiang nan tuah bangin Bawipa nan Pathian sinah i bek ko u.