JOSHUA 22:29 - Lai (Hakha) Common Language Bible 2006

²⁹ Bawipa kan Pathian biakṭheng a puan biakinn hmai i a dirmi hlei in, khangh thawinak le chang thawinak le raithawinak caah biakṭheng dang sernak thawng in Bawipa lam in nihin ah pial le Bawipa doh cu kan ruat naisai lo!” tiah an ti.

JOSHUA 22:29 交叉參考

GENESIS 44:17

Josef nih cun, “Si hlah, si hlah, cuticun kan ti hna hnga lo. Ka hrai an hmuhnak pa lawng kha ka sal a si ko lai. A dang cu nan pa sinah himte le dam tein nan kal ko lai,” a ti.

GENESIS 44:7

Annih nih, “Hi bantukin bia na chim tikah zeidah na chim duhmi a si, bawipa? Cu bantuk thil tuah ding cu a ruah in kan ruah balmi a si lo.

1 SIANGPAHRANG 21:3

Sihmanhsehlaw Naboth nih Ahab cu, “Ka pupa hna ro na sin i kan pek hnga cu Bawipa nih ka kham ko seh,” tiah a ti.

2 SIANGPAHRANG 18:22

Sihmanhsehlaw, “Bawipa kan Pathian kan i bochan” nan ka ti ahcun, amah cu Hezekiah nih a khuahrum bo hna le a biakṭheng hna a hrawhpiak i Judah le Jerusalem cu, “Jerusalem i a ummi biakṭheng hmaiah hin nan biak lai,” a timi kha a si lo maw?

2 CHANRELNAK 32:12

Hi Hezekiah ṭhiamṭhiam nih hin a si lo mei a khuahrum bo hna le a biakṭheng hna kha a hlonh hna i Judah le Jerusalem cu, “Biakṭheng pakhat hmaiah nan biak lai i cu cungah cun nan raithawinak hna kha nan khangh lai,” a ti kha.

ROM 3:6

Si hrimhrim hlah. Pathian cu a din lo ahcun, zeitindah vawlei cu bia a ceih khawh lai?

ROM 6:2

Tuah naisai hlah. Sualnak ah cun kan thi cang, zeitindah cu chungah cun kan um peng khawh lai?

ROM 9:14

A si ahcun Pathian cu a ding lo kan ti kho lai maw? Ti kho hlah.

DEUTERONOMI 12:11

khi tikah Bawipa nan Pathian nih a min umnak dingah a thim laimi hmun ah nawl kan pekmi hna vialte cu nan rak put hna lai: nan khangh thawinak hna le raithawinak hna, nan cheu hra cheu khat le nan pekchanhmi pekchanhnak, cun Bawipa sinah bia nan i kammi biakamnak pekchanhnak vialte na rak put lai.

JOSHUA 22:23

hi biakṭheng hi kan ser i Bawipa sinin a kan pialter a si ahcun, nihin ah hin kan zuah hrimhrim hlah u; cun a cung i khangh thawinak thawinak caah caah siseh, chang thawinak thawinak caah siseh, daihnak thawinak thawinak caah siseh, kan tuah a si ahcun Bawipa hrimhrim nih kan cungah phuhlamnak cu tuah seh.

JOSHUA 22:26

Cucaah kannih nih, ‘Khangh thawinak caah si loin le raithawinak caah si loin,

JOSHUA 22:28

Cun mah hihi hmailei ah kannih sinah siseh, kan ciruang hna sinah siseh, chim a si sual ahcun, ‘Bawipa biakṭheng a keep hi zohhmanh u, kan pupa hna nih khangh thawinak caah si loin le raithawinak caah si loin, nannih le kannih karlak i biahngaltu si dingah an rak sermi hi,’ tiah kan chim lai tiah kan ruah.

JOSHUA 22:30

Tlangbawi Phinehas le amah sinah a ummi mibu bawi hna, Israel miphun an lu cio hna nih cun, Reuben mi hna le Gad mi hna le Manasseh mi hna nih an chimmi bia kha an theih tikah, an lung a lawm ngaingai ko.

JOSHUA 24:16

Cun mizapi nih cun an leh i, “Bawipa kha pathian dang biaktak awkah kan hlaw naisai lai lo!

1 SAMUEL 12:23

Cuhleiah nan ca i thlacam ka ngol thawngin Bawipa cung i sualnak ka tuah hnga cu ka duh ding naisai a si lo; lam ṭha le lam ding chung kal awk kha kan cawnpiak ko hna lai.