32 Jordan tiva ral Jeriko in nichuahlei Moab nelrawn chung i Moses nih a phawtmi hna ram cu mah hna hi an si.
cun Gilead ram a cheu le Bashan ram chung i Og nih a penmi ram khuapi Ashtaroth le Edrei. Mah hna hi Manasseh fapa Makhir tefa hna cu pek an si, an innchungkhar ning cio ah Makhir mi hnarcheu cu pek an si.
Sihmanhsehlaw Levi phun cu Moses nih ro a pe hna lo; an sinah a rak chim bang khan Bawipa Israel Pathian cu an ro cu a si.
zeitintiah Moses nih Jordan tiva ral ah phun hnih le a cheu cu ro kha a pek cang hna; sihmanhsehlaw annih lakah Levi mi hna cu ro a pe hna lo.
