JOSHUA 13:3 - Lai (Hakha) Common Language Bible 2006

³ (Izipt nichuahlei i a ummi Shihor in chaklei ah Ekron ramri tiang, mah cucu Kanaan mi ram ah rel a si; cun Filistin bawi panga an um, Gaza i le Ashdod i le Ashkelon i le Gath i le Ekron i hna cu an si),

JOSHUA 13:3 交叉參考

GENESIS 10:6

Ham fapale cu Kush, Izipt, Put le Kanaan an si.

GENESIS 15:18

Cu ni ah cun Bawipa nih Abram cu bia a kam i, “Hi ram hi a dihlak in na tefa kha ka pek hna lai tiah bia kaa kam, Izipt ram ri i a ummi tiva in tiva ngan Zufrates tiang a si lai;

1 SIANGPAHRANG 8:65

Cuticun cu tan ah cun Solomon le Israel mi vialte, mi tampi aa pummi bu, Hamath khua luhnak in Izipt tivate tiang, cu mi hna nih cun Bawipa an Pathian hmaiah ni sarih chung puai an tuah.

1 CHANRELNAK 13:5

Cucaah David nih Israel mi vialte cu Izipt ram tiva Shihor in Hamath luhnak tiang Kiriath-jearim in Jerusalem Pathian kuang cu ratpi awkah, a pumh hna.

ISAIAH 23:3

Izipt ram in a chuakmi rawl kha cawk awk le ram dangdang hna he chaw i cawk le i zuarh awkah, nan lawng cu rili cungah nan thlah hna.

JEREMIAH 2:18

Cun Nail tiva ti, va din awkah Izipt ram i na va kal lai cu, Na caah zei miaknak dah a um lai? Asiloah, Zufrates tiva ti va din awkah Assiria ram i na va kal lai cu, Zeidah na miakmi a um lai?

DEUTERONOMI 2:23

Gaza tiangin khuate i a ummi Avvim hna cu, Kaftor in a rami Kaftor mi hna nih an hrawh hna i an umnak kha an rawlh hna.)

JOSHUA 13:13

Sihmanhsehlaw Geshur mi si hna seh, Maakath mi si hna seh, Israel mi nih an dawi hna lo; Geshur le Maakath cu nihin ni tiang hin Israel mi lakah an um ko.

BIACEIHTU 16:5

Cun Filistin bawi hna kha a sinah an ra i, “Lem law, a thazang ṭhapi hi khuazei ah dah a um i zei lam in dah kan tei khawh i kan ṭem khawh i kan hrilh khawh lai, hngalh i zuam tuah; cun kannih nih ngun phar thong khat le za khat cio kan in pek lai,” tiah an ti.

BIACEIHTU 3:3

Cu miphun hna cu mah hihi an si: Filistin mi hna bawi panga le Kanaan mi vialte le Sidon mi hna le Lebanon Tlang i a ummi Hiv mi hna, Baal-hermon Tlang in Hamath luhnak tiang.

1 SAMUEL 5:1

Filistin mi nih Pathian kuang kha an tlaih tikah, Ebenezer in Ashdod ah an kalpi;

1 SAMUEL 5:10

Cucaah Pathian kuang cu Ekron ah an kuat. Sihmanhsehlaw Pathian kuang cu Ekron ah a phak tikah, Ekron khuami hna nih cun, “Kanmah le kan mi hna kha thah awkah Israel Pathian i a kuang cu kan sinah an ratpi,” tiah an au.

1 SAMUEL 5:8

Cucaah Filistin bawi vialte kha an cah an pumh hna i, “Israel Pathian i a kuang hi zeitindah kan tuah lai?” tiah an ti. Annih nih, “Israel Pathian i a kuang cu Gath hrawngah ratpi si tuah seh,” tiah an leh hna. Cucaah Israel Pathian i a kuang cu cuka ah cun an kalpi.

1 SAMUEL 6:4

Cun annih nih, “Amah kan pek hngami phungbuar thawinak cu zeidah a si lai?” an ti. Annih nih, “Filistin mi hna bawi zat in, nan bonak he aa loin sui in sermi bo panga le sui zu panga; zeitintiah nannih vialte le nan bawi hna cungah a tlungmi rai cu aa khat ko.