JOSHUA 10:12 - Lai (Hakha) Common Language Bible 2006
12 Bawipa nih Amor mi hna cu Israel mi hna sinah a pek hna ni ah Joshua nih Bawipa kha a chawnh i Israel mi hna mithmuh ah, “Ni, Gibeon ah dir peng tuah, Cun Thlapa, nang, Aijalon nelrawn ah,” tiah a ti.
Cun Hezekiah nih a leh i, “Ni thladem caah cun kar hra hei sau deuh cu a fawimi thil a si ko, asinain ni thladem cu kar hra in kir deuh ko seh,” tiah a ti.
Cun Isaiah nih, “Bawipa nih aa kam ciami cu a tuah lai i hmelchunhnak Bawipa sinin nangmah sinah a rami cu hihi a si: ni thladem hi hmailei ah maw kar hra a kal lai hnulei ah dah kar hra a kir lai?” tiah a ti.
Perazim Tlang le Gibeon nelrawn ah Bawipa nih ral a rak tuk hna bantuk khan, aa timhmi tuah awkah an tuk hna lai i cu a tuahmi cu khuaruahhar ngai a lo ko lai nain an tuk taktak ko hna lai. A rian cu a lim lai i cu a rian cu khuaruahhar ngaingai a si.
Cu hmelchunhnak cu hihi a si lai: Siangpahrang Ahaz nih a sermi ni tahnak kheng ah khan Bawipa nih ni thla cu dikiri pahra hnulei ah a kirter ṭhan lai,” a ti. Cuticun ni thla cu dikiri pahra hnulei ah khan a kir ṭhan.
Cu kum ṭhiamṭhiam, Judah siangpahrang Zedekiah bawi hram aa thawk kum, a thla nganak thla ah cun, Gideon khua profet Hananiah, Azur fapa nih cun, Bawipa inn chungah, tlangbawi hna hmaiah le mi vialte hna hmaiah cun a ka thawh i,
Asinain, an hmaiah Amor mi kha a hrawktu hna cu keimah ka si, Amor mi cu sidar thing bantukin an sang i kuhthing bantukin an ṭhawng nain, Keimah nih cunglei i an thei le tanglei i an hram cu ka hrawh hna.
Cun van khi nan hun zoh i nika le thlapa le arfi hna, van i a ummi thil vialte cu, nan hmuh tik hna ah, annih biak awk le an hmai i kun awkah hnuh nan si sual nakhnga lo i ralring tuah u. Mah hna hi cu Bawipa nan Pathian nih vanrang toi miphun dang vialte tu kha a pek hna,
Miphun nih khan an ral hna cu phu an hlam hna hlantiang, Ni cu a dir peng i thlapa cu a taang. Mah hihi Jashar cauk ah aa ṭial lo mei? Ni cu van laifang ah khin a taang i ni khat pum tluk cu tlak tim loin a um.
