JOSHUA 10:11 - Lai (Hakha) Common Language Bible 2006

¹¹ Cun Israel mi hmai i an zaam i Beth-horon i hung kainak in an va liam lioah khin Bawipa nih Azekah tiang vancung in lung ngan pipi a thlakhnawh hna i an thi; Israel mi nih nam in an thahmi hna nakin rial in a thimi cu an tam deuh.

JOSHUA 10:11 交叉參考

GENESIS 19:24

Bawipa nih Sodom le Gomorrah cungah cun kat mei kha a surter i

2 SAMUEL 18:8

Raldohnak nih cun ram cu a pumpuluk in a huh dih i vainam nakin cu ni ah cun tupi nih khan tam deuh a thah hna.

JOB 38:22

“Hawhra khonnak inn kha na lut bal maw? Rial khonnak inn kha na hmu bal maw?

JOB 38:23

Mah cucu harnak ni caah ka khonmi an si i I doh le i tuk ni caah ka chiah hna.

SALM 11:6

Miṭhalo cungah meiṭil le kaat kha a surter; a alhmi mei in dan a tat hna.

SALM 147:17

Rial cu lung tekem bangin a tlakter; kihnak a run thlahmi cu ahohmanh nih an celh lo.

ISAIAH 28:2

Anmah dohtu dingah a ṭhawng i a liannganmi pakhat Bawipa nih a chiah ko. Rial bantukin a ra lai, ruahpi sur in a sur lai, ti lian bantukin a ra lai i ram kha a tei cikcek lai.

ISAIAH 28:21

Perazim Tlang le Gibeon nelrawn ah Bawipa nih ral a rak tuk hna bantuk khan, aa timhmi tuah awkah an tuk hna lai i cu a tuahmi cu khuaruahhar ngai a lo ko lai nain an tuk taktak ko hna lai. A rian cu a lim lai i cu a rian cu khuaruahhar ngaingai a si.

ISAIAH 30:30

Bawipa nih mi vialte kha a rumra a ummi a aw kha a theihter hna lai i a thinhunnak hmual kha a hngalhter hna lai. Meizik le ṭotho le rial le a tuk ngaingaimi ruah kha an um lai.

EZEKIEL 13:11

Hi a nalhtu hna hi chim hna law, vampang cu a cim lai, ti hna; ruahpi kha fak piin a sur lai i lung bantukin a hakmi rial kha an tla lai i thlitu a fakmi kha ka hranter lai.

DEUTERONOMI 20:4

zeitintiah teinak cu in pek hna awk le nan ral cu in dohpiak hna awkah nannih sinah a kalmi cu Bawipa nan Pathian cu a si,’ tiah a ti lai.

BIAPHUAN 11:19

Vancung i a ummi Pathian biakinn cu a hun i a chung i biakamnak an chiahnak kuang kha a lang. Cun nimtlau a lek, ṭek a tla, khua a ri, li aa hnin i fak piin rial a tla.

BIAPHUAN 16:21

Rial ngan pipi, pawng za khat tiang a ritmi kha van in minung cungah an tla. Cun mi nih rial in hremnak an in ruangah cun Pathian kha an thangchiat, an inmi hremnak cu a fak hringhranmi a si ko.

BIACEIHTU 5:20

Vancung khin arfi nih an run tuk, An lam khin Sisera cu an run tuk.