JONAH 3:9 - Lai (Hakha) Common Language Bible 2006

⁹ Pathian cu aa ngaihchih ko hnga dahkaw, a thin kha a dam ko hnga dahkaw; cu ti a si ahcun kannih cu thi loin kan um ko hnga,” a ti.

JONAH 3:9 交叉參考

2 SAMUEL 12:22

Cun anih nih, “Ngakchia cu a nun lioah khan rawl ka ul i ka ṭap taktak; zeitintiah, ‘Ngakchia cu a nun nakhnga Bawipa nih a hei ka zaangfah ko hnga dah kaw, aho nih dah an hngalh khawh lai?’ ka ti.

SALM 106:45

A biakamnak kha a hngalh camcinpiak hna i a nganmi a dawtnak ruangah a lung kha a thlen.

SALM 85:3

An cung i na thinhunnak kha na damter i na thinlinhnak kha na daihter.

SALM 90:13

Bawipa, zei can dah kan cungah lung ṭhul loin na um lai? Na sal hna kan cungah hin zaangfahnak ngei ko.

JEREMIAH 26:13

Nannih nan lam le nan tuahnak kha nan i remh i Bawipa nan Pathian kha a nawl nan ngaih ahcun, a lung aa let lai i, nan cungah ka tlunter lai ti in an hro hnanak ṭhat lonak kha a lak ṭhan lai.

DANIEL 4:27

Cucaah lungthin kan cheuhmi hi ngai tuah, maw siangpahrang: mi sinah siannak tuahnak thawngin na sualnak kha i tlan law retheimi hna cung i ṭhatnak tuahnak khan na ṭhat lonak cu i tlan tuah, cuticun lungdaihnak saupi na hmuh lai,” tiah a ti.

AMOS 5:15

Ṭhat lonak kha hua u law ṭhatnak kha duh u; Biading kha biaceihnak zung ah bawiṭhutdan cungah ṭhutter u; Cuticun Bawipa, Ralkapbu Pathian cu Josef tefa a tangmi hna cungah khan zaangfahnak a hei ngei phum ko hnga.

JONAH 1:15

Cun Jonah cu an i lak i rili chungah cun an hlonh i chikkhatte ah tilet cu a dai.

JONAH 1:6

Lawng cawngtu hna haotu nih khan a hmuh i, “Naa hngilh hluahmah ko dah ngai! Tho law na pathian sinah thlacam ve hen, a hei kan zaangfah ahcun thi loin kan hei um phum ko hnga dah kaw,” tiah a ti.

JONAH 4:2

Cucaah Bawipa sinah cun thla a cam i, “Maw Bawipa, ka ram chung i ka um liote khan, mah hite hi pei na tuah te ṭheo lai tiah ka rak phanmi kha a si cu; cucaah cun pei Tarshish khua lei i ka rak zam kha a si cu! Nangmah cu vel a ngei i zaangfah a hmang i thin a fual i lung a sau i chiatnak ka tlunter lai na timi kha tlunter ṭhan lo awkah a lung a thleng ṭhan tawnmi Pathian na si kha ka hngalh.

ZEFANIAH 2:3

Ram chungah toidor tein a phung kha a zul i khua a sami vialte hna, Bawipa cu kawl tuah u; Dinnak cu kawl u, toidornak lungthin cu kawl u; Bawipa thinhun ni ah cun dornak nan hmu kho lai lo dahkaw.

1 SAMUEL 6:5

Cucaah nan bonak mui le nan ram a hrawktu nan zu hna mui cu nan ser lai i Israel Pathian cu sunparnak nan pek lai; nanmah le nan khuazing hna le nan ram cungin a kut cu a hei zanter hmanh maw.