JOHAN 7:13 - Lai (Hakha) Common Language Bible 2006

¹³ Sihmanhsehlaw ahohmanh nih langhngan in an chim ngam lo, zeicahtiah Judah upa kha an ṭih hna.

Laibaibal Thiang (BSI)

¹³ Judah mi an `ihruangah langhngan in a konglam an chim ngam lo.

JOHAN 7:13 交叉參考

PHUNGTHLÛKBIA 29:25

Midang nih zeitindah an ka ruah hnga ti hi thil ṭihnung a si, sihmanhsehlaw Bawipa i bochan hi himnak a si.

JOHAN 19:38

Cu hnuah cun Arimathea khuami Josef nih khan Jesuh ruak cu ka la kho hnga maw tiah Pilat kha a hal. (Josef cu Jesuh zultu a si ve, sihmanhsehlaw Judah upa pawl kha a ṭih hna caah a thlite lawngin a si). Pilat nih cun, na lak khawh, tiah a ti i cucaah cun a va kal i a va lak.

JOHAN 20:19

Zarhpi ni zanlei sang tlai nawn ah khin a zultu hna cu an i pum i Judah upa kha an ṭih hna caah inn an i hrenhkhumh. Cun Jesuh kha a ra i an lakah cun a hung dir. “Nan cungah daihnak um ko seh,” tiah a ti hna.

JOHAN 3:2

Zan khat cu Jesuh sinah khan a va kal i, “Rabbi, nangmah cu Pathian thlahmi cawnpiaktu saya na si ti kha kan hngalh. Pathian nih a umpi hna lo ahcun, hmelchunhnak na tuahmi hi ahohmanh nih an tuah kho lai lo,” tiah a ti.

JOHAN 7:1

Cu hnuah cun Jesuh cu Galilee kha a tlawng. Judea ram chung i a ummi Judah upa hna nih khan amah cu thah an duh caah Judea tlawn cu a duh lo.

JOHAN 7:11

Judah upa hna nih khan puai chungah cun an kawl i, “Khuazei ah dah a um hnga?” tiah an hal hna.

JOHAN 7:15

Judah upa pawl cu an khuaruah a har i, “Hi pa hi sianginn ah a kai bal ṭung lo, zeitindah hi zatzat hi a hngalh hnga?” an ti.

JOHAN 9:22

Cu bantukin a nu le a pa nih an chim cu zeicahdah a si ti ahcun, Judah upa hna nih khan Jesuh cu Messiah a si tiah a titu paoh cu pumhnak inn khan kan chuah hna lai tiah hnatlaknak an rak tuah cang i cu hna cu an ṭih hna caah a si.

JOHAN 9:34

“A nangmah sual in hrin i sual in cawmmi nih hin maw kanmah cu cawnpiak na hei kan timh,” tiah an ti i pumhnak inn khan an ṭhawl.

BIAPHUAN 2:13

Na umnak hmun kha ka hngalh; Satan nih a bawiṭhutdan a chiahnak hmun a si kha ka hngalh. Ka cungah zumhawktlak in na um i keimah ca i zumhawktlak a simi tehte Antipas kha Satan umnak hmun i an thah ah khan, na zumhnak cu na ṭhial tak hlei lo.