JOHAN 5:37 - Lai (Hakha) Common Language Bible 2006

³⁷ Cun a ka thlahtu ka Pa zong nih cun keimah kong ah hin tehte a khaan ve. A aw kha nan thei bal lo, a hmai zong nan hmu bal lo,

Laibaibal Thiang (BSI)

³⁷ Cun aka thlahtu Pa zong nih ka kong hi a hngalhter cang. Nannih nih zeitikhmanhah a aw nan thei ballo, a mui zong nan hmu bal lo.

JOHAN 5:37 交叉參考

EXODUS 20:19

Moses kha an thawh i, “Nangmah nih bia cu kan chim ko, na chimmi cu kan ngaih ko lai, sihmanhsehlaw Pathian nih a kan chimh ahcun kan thi lai,” an ti.

ISAIAH 26:10

Nang nih cun miṭhalo kha na zaangfah ko hna nain, dinnak tuah kha an cawng duh hlei lo. Miding mi an umnak ram hmanh ah hin ṭhat lonak kha an tuah ṭhiamṭhiam ko, na lianhngannak kha an hngal duh hlei lo.

MATTHAI 17:5

Cu ti i bia a chim lioah cun a ceumi minmei nih a run zelh hna i minmei chung cun aw nih, “Hi pa hi ka dawtmi ka Fapa, ka lung a ka tong ngaingaimi a si, amah bia kha ngai u,” tiah a ti.

MATTHAI 3:17

Cun vancung in aw pakhat a rung thang i, “Amah hi ka dawtmi ka Fapa a si, Amah cungah hin ka lung a tling,” tiah a ti.

MARKA 1:11

Cun van in aw pakhat kha a theih i, “Nangmah hi ka Fapa dawt cu na si. Na cungah ka lung a tling ngaingai,” tiah aw nih cun a ti.

LUKA 24:27

Cun Jesuh nih Cathiang chungah, Moses cauk hna thawk in profet hna ṭialmi cauk hna tiang, amah kong aa ṭialmi vialte kha fiang tein a chimh hna.

LUKA 3:22

Thiang Thlarau cu a pum in ṭhuro bantukin a cungah cun a rung ṭum. Cun vancung in aw pakhat a rung thang i, “Nangmah cu kan dawtmi ka fapa na si. Na cungah ka lung a tling,” tiah a ti.

JOHAN 1:18

Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa ṭang chung i aa pommi kha a si.

JOHAN 14:9

Jesuh nih, “Nan sinah saupi ka um ko cang, asinain na ka hngal rih lo maw, Filip? Keimah a ka hmutu paoh nih cun ka Pa kha an hmuh ve ko, cucaah zeicahdah na Pa cu kan hmuhsak, na ka ti?

JOHAN 15:24

Ahohmanh nih an tuah bal lomi ka tuahmi hi an lakah tuah loin rak um ning law cu an cungah sualnak a um hnga lo, asinain atu ning ah cun ka tuahmi kha an hmuh ko i keimah he ka Pa he an kan huat.

JOHAN 5:32

Sihmanhsehlaw keimah kong chimtu hi midang pakhat a um i keimah kong a chimmi kha ahmaan tiah ka hngalh.

JOHAN 6:27

Hi a rawk khomi rawl caah hin ṭuan hlah ngat u, a hmunmi rawl, zungzal nunnak rawl caah ta nan ṭuan. Hi rawl cu Mi Fapa nih hin kan pek hna lai, zeicahtiah Pa a simi Pathian nih keimah cungah hin a lungsinak kha a khenh cang,” tiah a ti.

JOHAN 8:18

Hika ah cun atu hi keimah ca i tehte cu keimah hi ka si, cun ka tehte a dang cu a ka thlahtu ka Pa kha a si,” tiah a ti.

DEUTERONOMI 4:12

Khi tikah Bawipa nih mei chung khan an chawnh hna; bia thawng cu nan theih, sihmanhsehlaw mui cu nan hmu lo; aw lawnglawng a si ko.

1TIMOTE 1:17

Zungzal in a hmunmi Siangpahrang, thih a thiam lomi le mit in hmuh khawh a si lomi Pathian, Amah lawnglawng Pathian a simi cu, zungzal in zungzal tiang, upatnak le sunparnak, pek si ko seh! Amen.

1TIMOTE 6:16

Amah lawnglawng cu thih a thiam lomi, a naih in naih ngam lomi ceunak chung i a ummi a si. Amah cu ahohmanh nih an hmu bal lo, ahohmanh nih an hmu kho lai lo. Amah cungah cun upatnak le thil ti khawhnak zungzal in um ko seh! Amen.

1JOHAN 4:12

Ahohmanh nih Pathian an hmu bal lo; sihmanhsehlaw pakhat le pakhat kan i dawt ahcun Pathian cu kan chungah a um i kan chungah a dawtnak cu a tling.

1JOHAN 4:20

Mi zeimaw nih, “Pathian ka dawt,” a ti i a unau a huat ṭung ahcun, amah cu mi lihchim a si. Zeicahtiah a hmuhmi a unau hmanh a dawt khawh lo ahcun a hmuh lomi Pathian cu a daw kho lai lo.

1JOHAN 5:9

Minung nih tehte an khaanmi kha kan zumh tawn; Pathian nih tehte a khaanmi cu cu nakcun tam piin a ngan deuh i Pathian nih a Fapa kongah tehte a khaanmi cu atu i kan chimmi hi a si.