JOHAN 1:12 - Lai (Hakha) Common Language Bible 2006

¹² Asinain tlawmpal nih cun an rak cohlan i an rak zumh i cu hna cu Pathian fa cannak nawl kha a pek hna.

Laibaibal Thiang (BSI)

¹² Asinain Amah cohlangtu pauh cu Pathian fa i cannâk nawl kha a pêk hna, Amin a zumtu hna cu.

JOHAN 1:12 交叉參考

2 SAMUEL 7:24

Na mi Israel cu zungzal in nangmah mi si awkah nangmah nih na caah na fehter i nangmah cu maw Bawipa, an Pathian ah na cang cang.

ISAIAH 56:5

nan min cu ka Biakinn chungah le ka mi hna lakah, fapa fanu nan ngeih i nan min cinken a si nak hmanh khin, sau deuh cinken a si lai. Zeitikhmanh ah kan philh hna lai lo,” a ti.

JEREMIAH 3:19

Zeitluk in dah nannih cu lawmhnak he fa bantukin ka hei in tuah hna hnga i A nuammi ram, miphun vialte hna ram lak i aa dawh bik ro cu ka hei in pek ko hna hnga, ka ti. Cun nannih nih keimah cu, ka Pa, tiah nan ka ti lai i Keimah zulhnak lam khan nan pial ti lai lo, tiah ka ruah.

HOSEA 1:10

Sihmanhsehlaw Israel mi hna cu rili thetse bantukin rel cawk lo an si lai, tah cawk zong an si lai lo, rel cawk zong an si lai lo; annih cu “Ka mi an si lo,” ti an si ti lai lo i sihmanhsehlaw “A Nungmi Pathian Fa,” titu an si cang lai.

MATTHAI 10:40

“Nannih an conglawmhtu hna paoh nih keimah an ka conglawmh a si i keimah a ka conglawmhtu paoh nih a ka thlahtu a conglawmh a si.

MATTHAI 12:21

Amah cu miphun vialte nih an i bochan lai,’ tiah a timi kha tlinternak caah a si.

MATTHAI 18:5

Cun ngakchia hi bantuk pakhatkhat kha ka min in nan conglawmh hna ahcun, keimah nan ka conglawmh a si.”

JOHAN 1:11

Amah ram a simi ah khan a ra nain, amah mi ciacia nih khan an rak cohlang duh lo.

JOHAN 1:7

Johan nih cun mi kha ceunak kong cu a chimh hna. Mi vialte nih cu kong cu an theih i an zumh nakhnga annih chimh awk i a rat cu a si.

JOHAN 11:52

anmah Judah mi ca lawngah si loin Pathian fale aa ṭhekmi vialte hmunkhat i pumh dih awk zongah khan a thih cu a si lai tinak a rak chimchung kha a si.

JOHAN 2:23

Jesuh cu Lanhtak Puai chung i Jerusalem khua i a um ah khan mi tampi nih hmelchunhnak a tuahmi kha an hmuh caah amah cu an zulh.

JOHAN 20:31

Hi thil lianngan a tuahmi hna ka ṭialnak chan cu, nannih nih Jesuh cu Messiah, Pathian Fapa a si ti kha nan zumh i cu nan zumhnak thawngin amah min in nunnak nan hmuh nakhnga caah a si.

JOHAN 3:18

“Fapa kha a zummi paoh cu sual biaceihnak a ing lo, sihmanhsehlaw a zum lomi cu sualphawt a si ko cang; zeicahtiah Pathian Fapa ngeihchun kha a zum lo.

LAMKALTU 3:16

Hi kebeipa thazang a petu hi amah min ṭhawnnak cu a si i atu i nan hmuhmi le nan hngalhmi hi amah min zumhnak thawngin tuahmi a si; hi bantukin nan hmaika ah a damtertu hi Jesuh min zumh hi a si.

ROM 8:14

Pathian Thlarau nih a hruaimi hna cu Pathian fale an si.

ROM 8:16

Cu ti kan aunak ah cun Pathian Thlarau le kan thlarau cu hmunkhat ah an i fon i Pathian fa kan si kha tehte an khan; fa kan si ahcun rocotu zong kan si colh.

ROM 8:19

Pathian nih a fale a phuan hna lai cu sermi thil vialte nih ngangngan ngaiin an hngak ko.

GALATI 3:26

Khrih Jesuh pehtlaihnak thawngin Pathian fa nan dihlak in nan si cu zumhnak thawngin a si.

GALATI 4:6

Pathian fa nan si caah khan Pathian nih, a Fapa Thlarau cu nan lung chungah a run thlah i cu Thlarau nih cun, “Ka Pa, ka Pa,” tiin a au.

KOLOSE 2:6

Khrih Jesuh cu nan Bawipa ah nan i lak cang caah, amah he i pehtlai in nung u.

2 PETER 1:4

Cuticun a ngan ngaingaimi le a sung ngaingaimi laksawng a kan kamhmi cu a kan pek i cu laksawng a kan pekmi thawng cun a kan hrawkhral khotu vawlei pumsa duhnak chung hin nan luat kho lai i Pathian sining cu nan i hrawm kho lai.

1JOHAN 3:1

Pathian nih zeitluk in dah a kan dawt hi ruat hmanh u! A kan dawtnak kha a ngan tuk caah Pathian fa tiah ti kan si — Pathian fa ti lawng hmanh si loin, a si in kan si hrimhrim. Hi ruangah hin vawlei nih a kan hngalh lonak cu a si, Pathian zong kha a hngal lo.

1JOHAN 3:10

Pathian fale hna le Khuachia fale hna an i dannak cu hihi a si: ahmaanmi thil a tuah lomi cu Pathian fa an si lo; cun a unau a daw lomi zong an si ṭhiamṭhiam lo.

1JOHAN 3:2

Ka dawtmi ka fale hna, atu hin kannih cu Pathian fa kan si cang, asinain zei kan lawh lai cu a fiang rih lo. Sihmanhsehlaw Khrih a langh tikah, amah Khrih bantuk cu kan si lai ti kha kan hngalh, zeicahtiah a sining taktak tein kan hmuh lai.

1JOHAN 3:23

Cun nawl a kan pekmi cu: A Fapa Jesuh Khrih min zumh le Khrih nih nawl a kan pek bantukin pakhat le pakhat i dawt hi a si.