JOEL 3:7 - Lai (Hakha) Common Language Bible 2006

⁷ Atu cu nan zuarh hnanak hmun chung khan ka kirpi ṭhan hna lai. An cung i nan tuahmi kha nan cungah ka tuah lai.

JOEL 3:7 交叉參考

ESTHER 7:10

Cun siangpahrang nih, “Cuka ah cun amah kha va thlai u,” a ti. Cucaah Mordekai ca i a phunmi thahnak tung ah khan amah Haman cu an thlai. Khi tikah siangpahrang thinhunnak cu a dam.

ISAIAH 11:12

Israel mi le Judah mi aa ṭhekmi hna kha vawlei ki li in ka pumh ṭhan hna lai i hmuhsaknak caah Bawipa nih hmelchunhnak pakhat a tar lai.

ISAIAH 49:12

Ka mi cu lamhla pipi in an ra lai i chaklei le nitlaklei in an ra lai, thlanglei i a ummi Sai-en khua in an ra lai,” a ti.

ISAIAH 66:6

Ngai hmanh u! Khua chung i aw thawng cu, Biakinn chung i thawng cu, Bawipa nih a ral dan a tat hnanak thawng a si.

JEREMIAH 23:8

‘Israel tefa hna chaklei ram in le a ṭhawl hnanak ram kip chungin, anmah le an vawlei cio i khuasakter ṭhan awkah a ratpitu hna Bawipa a nun bangin,’ ti in chiatsernak an tuah lainak caan kha a ra lio,” tiah Bawipa nih a ti.

JEREMIAH 30:10

“Cucaah cun ṭih hlah maw Jakob, ka sal; Maw Israel, lungdong in um hlah, tiah Bawipa nih a ti. Zeicahtiah ram hlapi khan kan ratpi ṭhan lai i na tefa hna cu sal i an tannak hmun khan ka kirpi ṭhan hna lai; Cun Jakob cu hnangam tein a um ṭhan lai i thluachuak le lungdai in a um lai.

JEREMIAH 30:16

Asinain, an eitu vialte cu ei an si ve lai i An hremtu vialte hna cu sal ah an tang lai. Nangmah aan ramhtu cu ramh an si ve lai i nangmah aan hrawktu cu hrawh ka siter ve hna lai.

JEREMIAH 31:8

Chaklei ram in ka ratpi hna lai, Vanhramdeng in ka pumh hna lai. Mitcaw le kebei zong an sinah an ra ve lai i Fapawi le a ni thla a tling dengmangmi hna zong an sinah an i tel lai; Miphun ngan piin an ra kir ṭhan lai.

JEREMIAH 32:37

Ka thin hun le ka thin linh le ka thin han in ka dawinak hna ram vialte chung khan ka pumh ṭhan hna lai i hi hmun ah hin ka ratpi ṭhan hna lai i ahohmanh nih hnahnawh lo tein ka umter hna lai.

EZEKIEL 36:24

Miphun hna lak khan kan chuah hna lai i ram kip khan kan pumh hna lai i nanmah vawleite ah khan kan kalpi hna lai.

EZEKIEL 38:8

Ni tampi hnuah auh na si te lai; hmailei kum tampi hnuah khin, a rawk i remh ṭhanmi ram ah cun na lut ṭhan lai, cu ram cu a mi hna miphun tampi hna lakin kum saupi a ṭiao cangmi Israel ram tlang cung i pumh ṭhan a simi ram cu a si. Miphun hna lakin chuahpimi Israel mi hna cu ahohmanh nih hnahnawh lo tein khua an sa lai;

JOEL 3:4

“Tair le Sidon le Filistia ram vialte hna, ka cungah zeidah tuah nan i timh? Ka tuahmi kha cham nan ka timh maw? Nan ka timh a si ahcun khulrang in keimah nih kan cham hna lai!

ZEKHARIAH 9:13

Zeicahtiah ka likuk cu a za ka sih cang, maw Judah, A thal kha ka hmanh cang, maw Efraim; Na fapa hna kha ka ṭhangh cang hna, maw Zion, Ralkap vainam ah kan ser cang hna.

MATTHAI 7:2

midang na soi hna ning te khan Pathian nih an soi lai i midang cung i na hmanmi tahnak te kha Pathian nih na cungah a hman ve lai.

2 THESALON 1:6

Pathian nih a hmaanmi thil kha a tuah lai. Sifahnak nan cungah a tluntertu hna cungah khan sifahnak a tlunter ve lai i

JEIM 2:13

Zeicahtiah zaangfahnak a ngei lomi cu Pathian nih a bia a ceih tikah a zaangfah ve lai lo; zeicahtiah zaangfahnak cu biaceihnak nih a tei.

BIAPHUAN 13:10

Tlaih awk a simi cu tlaih a si hrimhrim ko lai; vainam in thah awk a simi cu vainam in thah a si hrimhrim ko lai. Hi ah hin Pathian mi hna nih in khawhnak an ngeih le zumhawktlak an si kha an langhter awk a hau,” a ti.

BIAPHUAN 16:6

Pathian mi hna le profet hna kha an thi an rak chuah hna caah nangmah nih annih cu din awkah thi kha na pek ve hna. Annih nih hmuh awk i an i tlakmi kha an hmuh ko,” a ti.

BIAPHUAN 19:2

A biaceihmi cu dingte le hmaan tein a ceih. Vawlei a hornak in a thurhnawmhtertu hlawhhlangnu milianngan nu kha sual a phawt cang. Pathian sal kha a thah hna caah Pathian nih dan a tat cang,” a ti.

BIACEIHTU 1:7

Cun Adonibezek nih cun, “An siapi hna le an kepi hna tan a simi siangpahrang sawm sarih nih ka cabuai toiah rawl ṭiltlawt an char tawn; ka rak tuah bangin Pathian nih a ka rulh ve cang,” tiah a ti. Jerusalem ah an ratpi i khika ah a thi.

1 SAMUEL 15:33

Cun Samuel nih, “Nangmah na vainam nih nu kha fa loin a tuah hna bantukin, cu bangin na nu cu nu hna lakah fa ngei lomi a si ve lai,” tiah a ti. Cun Samuel nih Agag cu Bawipa hmaiah Gilgal khua ah cun a sam cikcek.