JOEL 3:20 - Lai (Hakha) Common Language Bible 2006
20-21 An thahmi hna kha an phu ka hlam hna lai i A thattu hna kha ka luatter hna lai lo. Khi tikah Judah ram le Jerusalem khua cu mi nih an umnak zungzal cang hna lai i, Bawipa cu Zion Tlang cungah khua a sa lai.”
Biaknak puai kan tuah tawnnak Zion khua khi zoh hmanh. Jerusalem khi zoh hmanh. Khika um cu zeitluk in dah hnangam a si lai. A cawl in a cawl lomi thlam, a khenhnak fung phawi bal lomi le a hri a cat bal lomi bantuk a si lai.
Ka sal Jakob ka pekmi ram, nan pupa hna umnak ram ah khan an um lai. Annih le an tefa hna cu khika ah zungzal in an um lai i ka sal David cu zungzal in an bawi a si lai.
Anmah cu anmahle an vawlei te ah khan ka phun ṭhan hna lai i Ka pekmi hna vawlei khan zeitikhmanh ah phawi an si ṭhan bal ti lai lo, tiah Bawipa nan Pathian nih a chim.”
