JOEL 3:12 - Lai (Hakha) Common Language Bible 2006

¹² Bawipa Biaceihnak Nelrawn ah cun ra hna seh; Khuazakip ah a ummi miphun vialte hna cu biaceih awkah Khika ah keimah cu biaceihnak ṭhutdan cungah ka ṭhu lai.

JOEL 3:12 交叉參考

2 CHANRELNAK 20:26

A ni linak ni ah Berakal Nelrawn ah an i pum i khika ah Bawipa kha an thangṭhat; cucaah cuka hmun min cu nihin tiangin Berakah Nelrawn tiah ti a si.

SALM 7:6

Na thinhun in tho tuah, maw Bawipa, ka ral hna thinhunnak kha doh awkah dir tuah. I hlau law ka bawm tuah, zeicahtiah na duhmi cu ding tein biaceih kha a si.

SALM 96:13

zeicahtiah vawlei uk awkah a ra cang; vawleicung mi vialte kha dingte le i ruang tein a uk hna lai. ruang tein a uk hna lai.

SALM 98:9

zeicahtiah amah cu vawlei uk awkah a ra cang. Vawleicung mi vialte cu dinnak le ruannak in a uk hna lai.

ISAIAH 2:4

Miphun ngan pipi an i siknak cu a remh hna lai. An vainam cu tuhmui ah an ser hna lai i an fei cu namtong ah an ser hna lai. Phun khat le phun khat an i do ti lai lo, ral doh zong an i tim ti lai lo.

ISAIAH 22:1

Hi bia hi Langhnak Nelrawn kong bia a si. Zei thil dah a um? Zeicahdah khuapi chung mi hna cu an dihlak in an inn cung cio ah puai an tuah?

ISAIAH 3:13

Bawipa cu a bia kha chim awkah aa tim cang, miphun vialte kha an bia ceih awkah a tlam a tling cang.

EZEKIEL 30:3

Cu ni cu a nai ai cang, Bawipa ni cu a nai ai cang, Cu ni cu khua a dawm ni, miphun hna biaceih ni a si.

EZEKIEL 39:11

Khi ni ah Israel ram ah si loin Rili nichuahlei Abarim nelrawn ah Gog cu vuinak hmun kha ka pek lai. Khika ah Gog le a ralkap vialte kha an vui hna lai i Abarim nelrawn vialte cu ahohmanh lut loin kham a si lai; cu hmun cu Gog Ralkap hna Nelrawn tiah an ti lai.

JOEL 3:14

Biaceihnak Nelrawn ah mi cu a thongthong in an um. Bawipa Ni tuan ah a rat lainak cu khika ah a si lai.

JOEL 3:2

Miphun vialte cu ka pumh hna lai i Bawipa Biaceihnak Nelrawn timi ah ka kalpi hna lai. Khika ah ka mi hna cung i an tuahmi ruangah bia ka ceih hna lai. Israel mi cu ramdang ah an ṭhek dih hna i ka ram Israel cu an cheu dih.

MIKAH 4:3

Amah cu miphun tampi hna biaceihtu kha a si lai i, Lam hlat pipi i a ummi miphun ṭhawngṭhawng hna karlak i biakhiaktu a si lai. Annih nih an vainam hna cu tuhmui ah an ser hna lai i an fei hna cu hlawhkawi ah an ser hna lai; Miphun pakhat nih miphun pakhat cungah a vainam kha a hler ti lai lo i, Raltuk zong kha an i cawnpiak ti lai lo;

ZEKHARIAH 14:4

Khi ni ah cun a ke cu Oliv Tlang cungah an dir lai, cu tlang cu Jerusalem in nichuahlei ah ral-enh in a ummi a si, cun cu tlang cu nichuahlei in nitlaklei ah a kalmi horkuang thukpi nih cheu hnih ah a cheu lai; tlang cheu pakhat cu chaklei ah aa thawn lai i a dang a cheu pakhat cu thlanglei ah aa thawn lai.

BIAPHUAN 19:11

Cun van kha aa hung i rang rang pakhat ka hmuh. A cung i aa citmi cu a min ah Zumhawktlak le Ahmaanmi ti a si; bia a ceih tik le ral a doh tikah dinnak in a ceih i a doh.