JOEL 3:1 - Lai (Hakha) Common Language Bible 2006

¹ “Khi caan ah Judah le Jerusalem cu an vanṭhatnak kha ka pek ṭhan hna lai

JOEL 3:1 交叉參考

SALM 14:7

Israel khamhnak cu Zion in ra seh ti ka hei duh hringhran dah! Bawipa nih a mi cu luatnak a pek ṭhan hna tikah, Jakob tefa cu an lung aa lawm lai, Israel mi cu an tha a nuam lai.

SALM 85:1

Bawipa, na ram cu na zaangfah ko, Israel cu a kumvui na ṭhatter ṭhan.

PHUNGTHLÛKBIA 1:23

Kan chimhhrin hnanak kha nan ngaih ahcun ruahnak kha kan cheuh hna lai i Ka bia kha kan cawnpiak hna lai.

ISAIAH 44:3

“Ti a halmi ram kha ti ka pek lai i thetse ram ah khan tiva ka luanter hna lai. Nan tefa cu ka lianhngannak ka toih hna lai i nan ciruang cu ka thluachuahnak ka toih hna lai.

JEREMIAH 16:15

‘Chaklei ram le ṭhek an sinak ram vialte hna chungin Israel mi a kirpitu hna Bawipa a nun bangin,’ tiin mi nih chiat an ser lai caan kha a ra lio; cun an pupa hna sinah ka rak pekmi anmah ramte ah khan ka kirpi ṭhan hna lai, tiah Bawipa nih a ti.

JEREMIAH 29:14

keimah cu nan ka hmuh lai, tiah Bawipa nih a ti. Cun nannih cu nan vanṭhatnak kha kan pek ṭhan hna lai i miphun vialte hna sin le hmun kip i kan ṭhawl hnanak hmun khan kan pumh ṭhan hna lai i saltannak chungah kan kalter hnanak hmun khan cuka i nan rak kalnak nan ram ah khan kan kirpi ṭhan hna lai, tiah Bawipa nih a ti.

JEREMIAH 30:18

Bawipa nih hitin a ti: Zohhmanh, Jakob tefa hna cu an vanṭhatnak kha ka pek ṭhan hna lai i An umnak kip ah khan ka dawtnak kha ka hmuhsak hna lai. Khua cu an rawknak mual cungah khan sak an si ṭhan cio lai i Inn kip chungah khan a rak um tawnmi chungkhar kha an um ṭhan cio hna lai.

JEREMIAH 30:3

zeicahtiah mah hihi Bawipa bia hrimhrim a si: Ka mi Israel mi hna le Judah mi hna an vanṭhatnak ka pek ṭhan hna lai ni a ra lio, tiah Bawipa nih a ti; an pupa hna sinah ka pekmi ram ah khan ka kirpi ṭhan hna lai i cu ram cu an co lai.

EZEKIEL 16:53

“Sihmanhsehlaw Sodom le a fanule hna le Samaria le a fanule hna kha an van ṭhatnak cu ka pek ṭhan hna lai i cu caan ah cun nangmah zong na van ṭhatnak kha kan pek ṭhan ve lai.

EZEKIEL 39:25

Cucaah hihi Bawipa Pathian bia cu an si: Atu cu Jakob vanṭhatnak kha ka kirter ṭhan lai i ka tlaihchan hna nak kha Israel mi vialte cungah ka langhter lai i ka min thiang kha ka ṭanh lai.

DANIEL 12:1

Khi caan ah a nganmi vancungmi, na miphun a zohkhenhtu hna, Mikhael kha a hung chuak lai, Cun hi miphun nih miphun an si hramthawk in an tonmi harnak, harnak ṭhalo bik kha a tlung lai. Sihmanhsehlaw khi caan ah cun Pathian cauk chungah an min khumh a simi na mi hna cu an luat lai.

JOEL 2:29

Khi ni ah cun, salpa hna le sal nu hna hmanh kha, ka thlarau ka toih hna lai.

AMOS 9:14

Ka mi Israel mi hna cu an vanṭhatnak kha ka pek ṭhan hna lai; Chuahtak ciami khua kha an ser ṭhan hna lai i an umhnawh ṭhan hna lai, Mitsur dum kha an ser hna lai i mitsur hang kha an din hna lai, Dum kha an ser hna lai i an theitlai kha an ei hna lai.

NAMBAR 11:29

Sihmanhsehlaw Moses nih anih cu, “Keimah ca lawngin dah ra na ruah hi? Bawipa mi vialte hi profet si dih in, annih cungah Bawipa nih a thlarau chia seh law ka hei tinak lakah cun!” tiah a ti.

NAMBAR 12:6

Cun amah nih, “Ka bia ngai tuah u: Nannih lakah profet an um tikah Bawipa keimah nih langhnak in an sinah kaa hngalhter i mang in ka chawnh hna.

DEUTERONOMI 30:3

khi tikah Bawipa nan Pathian nih khan nan van kha an pek ṭhan hna lai i nan cungah zaangfahnak a ngei lai i Bawipa nan Pathian nih an ṭheknak hna mi vialte sin khan an pumh ṭhan hna lai.