JEREMIAH 9:2 - Lai (Hakha) Common Language Bible 2006

² Thetse ram ah khin riahbuk pakhat ngei ning law ka hei duh hnga dah. Ka mi hna hi ka chuahtak hna hnga i ka kaltak diam hna hnga. An dihlak in va cung pa duh an si, rawi hmangmi aa bumi an si.

JEREMIAH 9:2 交叉參考

ISAIAH 59:3

Lih nan chim, nan puar i lai nan nawn.

JEREMIAH 12:1

Maw Bawipa, nangmah cu na din caah bia kan al lai, Na hmaiah ka bia cu ka rak chuahpi ko lai. Zeicahdah mi ṭhalo hna cu khuaawng an ton i hlen hmangmi hna cu nuam tein khua an sak?

JEREMIAH 12:6

Na unau, nangmah innchungkhar chung mi hrimhrim hmanh nih an in rawi cang; Nangmah tuk awkah khan an i thawh cio. Na sinah bia ṭhaṭha an chim hmanh ah zum hna hlah,” tiah a ti.

JEREMIAH 13:22

“Zeicahdah mah thil hi ka cungah a tlun hnga?” tiah na ti ahcun, Na sualnak a tam ruangah na hni cu phoih na si i Na ke cu langhter an si.

JEREMIAH 23:10

Zeicahtiah ram cu va cung pa duhmi in a khat i Anmah ruangah cun vawlei cu a ro dih i Ramlak ram hno vialte cu an car dih. An zulhmi lam cu ṭhat lonak a si i an ṭhawnnak hna cu a ning loin an hman.

JEREMIAH 4:22

Ka mi hna cu mihrut an si, keimah kong kha zeihmanh an hngal lo; Annih cu fa lungping, hngalhthiamnak ngei lomi an si. Ṭhat lonak tuah bel an thiam ngai, sihmanhsehlaw ṭhatnak cu zeitindah ka tuah lai ti kha an hngal lo.

JEREMIAH 5:1

Jerusalem khua chung lam a kenkip ah khan vaa chawk u law va zoh u law vaa chingchiah tuah u, Khi khua cu ka ngaihthiam khawh nakhnga Biading a kawl i biatak a tuahmi mi pakhat tal, A khua chung i hmun kau pipi ah khan va kawl tuah hna u law nan hmu kho hna hnga maw?

JEREMIAH 5:11

Israel innchungkhar le Judah innchungkhar cu, An pahnih in ka cungah zumh awk tlak lo hrimhrim in an um, tiah Bawipa nih a ti.

JEREMIAH 5:2

Annih nih, “Bawipa a nun bangin,” an ti ko nain, Lih in chiat an ser.

HOSEA 4:2

Chiatser in biakamnak kha an tuah, sihmanhsehlaw an zul lo, an i that, an i ramh; va cung pa duhnak le zaang-ennak le i thahnak le i nawnnak lawng kha a si ko.

HOSEA 5:7

Bawipa kha an rawi i a sinah zumhawktlak in an um lo; An fale hna cu amah ta an si lo; Cucaah an ram cu a rawk lai.

HOSEA 6:7

Adam ah ka biakamnak kha an hrawh, Khika ah an ka hlen.

HOSEA 7:4

An dihlak in va cung in pa aa duhmi an si. Changreu sertu nih changreu rawhnak ah mei a tih i changvut cet a nawnmi kha a thawh lioah mei cu tawngtham lo tein a um caah changreu rawhnak cu a lin ngaingai, cu bantukin a linmi changreu rawhnak bantuk cu an si.

MIKAH 6:12

Khuapi chung i mirum mi nih khan sifakmi kha an hrem hna, Cu hna cu mihrokhrawl lawngte an si dih.

ZEFANIAH 3:4

A profet hna cu mihrokhrawl, profet taktak a si lomi an si, A tlangbawi hna nih hmunthiang kha an thurhhnawmh i phung kha an duhnak leiah an merh.

MALAKHI 2:11

Judah cu zumhawktlak lo a si ko, Israel ram chung le Jerusalem khua chungah mi nih fihnung a simi thil kha an tuah hna; Judah nih ramdang pathian fanu kha a duh hna i a ṭhit hna ruangah Bawipa thiannak kha a buar cang.

MALAKHI 2:14

Zeicahdah hitihin a si, tiah nan ti. Zeicahdah a si, ti ahcun, Bawipa cu nangmah le na tlanval lio na nupi karlak ah biahngaltu a si. Na nupi cu biakamnak in na hawikom le na nupi a rak si nain a cungah zumhawktlak loin nan um.

JEIM 4:4

Zumh awk tlak lo minung hna! Vawlei he i hawikomh hi Pathian he i ral a si ti kha nan hngal lo maw? Vawlei hawikom si a duhmi paoh nih cun Pathian ral ah an i ser ko.

BIACEIHTU 2:10

Cun cu chan mi vialte zong cu an pupa hna sinah pumh an si; cun annih hnuah Bawipa siseh, Israel ca i a tuahmi rian siseh, a hngal lomi chan thar a hung chuak.