JEREMIAH 40:3 - Lai (Hakha) Common Language Bible 2006

³ nannih nih Bawipa cungah nan sual i a bia nan ngaih duh lo caah hi thil cu nan cung i a tlun nakhnga an chimh cangmi hna thil cu a tlinter.

JEREMIAH 40:3 交叉參考

NEHEMIAH 9:28

Sihmanhsehlaw dinhnak an hmuh tikah na hmaiah ṭhat lonak an tuah ṭhan i an ral hna kut chungah khan na kaltak hna i cucaah annih nih an uk hna; asinain an i mer i nangmah kha an in auh tikah nangmah nih vancung khin na run theih hna i na zaangfahnak thawngin voi tampi na chuah hna.

NEHEMIAH 9:33

Zeitin a si hmanh ah, kan cung i a tlungmi thil vialte kongah nangmah cu na ding ko, zeicahtiah nang nih cun zumhawktlak tein na tuah i kannih nih cun ṭhalo piin kan tuah;

JEREMIAH 11:17

Nanmah an phuntu hna Ralkapbu Bawipa nih, nan cungah ṭhat lonak ka tlunter lai, tiin Baal sin i raithawinak nan khangh i ka thin nan ka phawh tikah khan kan hro hna; sihmanhsehlaw zeicahdah nan cungah harnak kha a tlun ti ahcun, nanmah nih ṭhat lonak nan tuahmi thawngin a si, a ti,” tiah a ti.

JEREMIAH 22:8

“Cun miphun tampi hna chung mi cu hi khua pawng hin an kal te lai i pakhat le pakhat cu, ‘Zeicahdah Bawipa nih hi bang hin hi khuapi cungah hin a tuah hnga?’ tiah an i ti te lai.

JEREMIAH 39:16

“Va kal law, Ethiopia mi Ebedmelek cu, hi bangin Ralkapbu Bawipa, Israel Pathian nih a ti, tiah va chim: ‘Zohhmanh, hi khua kong i ka bia kha, ṭhatnak caah si loin chiatnak caah ka tlinter lai i khi ni a phak tikah cucu hmuh awkah khika ah na um lai.

JEREMIAH 44:23

Nannih nih hi raithawinak kha nan khangh hna i Bawipa cungah nan sual i Bawipa cu a nawl nan ngai lo i phungbia le a nawlbia le cawnpiaknak kha nan zulh lo caah, hi harnak hi nan cungah a tlung,’ ” tiah a ti.

JEREMIAH 50:7

A hmumi hna paoh nih khan annih cu an ei hna i an ral hna nih cun, “Annih nih Bawipa cungah an sual caah kannih nih kan tuahmi hi cu sual a si lo. An pupa hna nih khan Bawipa cu an rak i bochan i annih zong nih hin amah sinah cun zumhawktlak tein an um ve awk a si,” tiah an ti.

ṬAHNAK HLA 2:17

Bawipa nih aa timhmi cu a tuah cang, A hronak hna cu a tlinter cang; Hlan liopi in a ruah cang bantukin Zaangfahnak um loin aan hrawh i Na ral cu na cungah a lawmhter hna i Nangmah an dohtu cu a lianhnganter hna.

ROM 2:5

Asinain na lung cu a hak i a ṭhawng. Cucaah Pathian nih a thinhunnak le ding tein bia a ceihnak a phuan ni i na in laimi dantatnak cu na nganter chin men ko.

ROM 3:19

Nawlbia chung bia cu Nawlbia tang i a ummi hna caah khan a si ti kha kan hngalh; cu tiin a sinak cu mi nih silhnalh khawhnak zeihmanh an ngeih khawh nakhnga lo le vawlei cu a ningpi in Pathian biaceihnak hmai i a dir ding a si kha a langh nakhnga caah a si.

DEUTERONOMI 29:25

Khi tikah mi nih, ‘Bawipa an pupa hna Pathian i biakamnak, Izipt ram chungin a chuahpi hna tikah anmah he a sermi cu an hlawt i