JEREMIAH 30:3 - Lai (Hakha) Common Language Bible 2006

³ zeicahtiah mah hihi Bawipa bia hrimhrim a si: Ka mi Israel mi hna le Judah mi hna an vanṭhatnak ka pek ṭhan hna lai ni a ra lio, tiah Bawipa nih a ti; an pupa hna sinah ka pekmi ram ah khan ka kirpi ṭhan hna lai i cu ram cu an co lai.

JEREMIAH 30:3 交叉參考

EZRA 3:1

Thla sarihnak thla a hung chuah i Israel mi hna cu an khua ah an um tikah, mi cu Jerusalem ah mi pakhat bantukin an i pum.

EZRA 3:12

Sihmanhsehlaw tlangbawi tampi hna le Levi mi tampi hna le pale innchungkhar lu a si ciomi tampi hna, tar pawl hmasa inn a rak hmutu hna kha cu, inn hram bunh an hmuh tikah khan, mi tampi cu lunglawm in fak piin an au nain, annih cu fak piin an ṭap i,

EZRA 3:8

Jerusalem Pathian inn ah a ummi ah an rat a kum hnihnak, a thla hnihnak thla ah, Shealtiel fapa Zerubbabel le Jozadak fapa Jeshua nih an unau tlangbawi hna le Levi mi hna, sal taannak chungin Jerusalem ah a ra cangmi vialte hna he khan, hramthawknak an tuah. Levi mi cu, kum kul ri in a cunglei kha Bawipa inn rianṭuannak i zohkhenhtu ah an thiah hna.

SALM 126:4

Bawipa, kan ram ah kan kirpi ṭhan ko, a carmi tiva ah ruah nih ti a chuahpi ṭhan bangin, kan kirpi ṭhan ko.

SALM 53:6

Israel khamhnak cu Zion in ra seh ti ka hei duh hringhran dah! Pathian nih a mi cu rumnak a pek ṭhan hna tikah Jakob tefa cu an lung aa lawm lai, Israel mi cu an tha a nuam lai.

JEREMIAH 16:15

‘Chaklei ram le ṭhek an sinak ram vialte hna chungin Israel mi a kirpitu hna Bawipa a nun bangin,’ tiin mi nih chiat an ser lai caan kha a ra lio; cun an pupa hna sinah ka rak pekmi anmah ramte ah khan ka kirpi ṭhan hna lai, tiah Bawipa nih a ti.

JEREMIAH 23:5

David ruang in a dingmi Nge pakhat ka corhter lai caan a ra lio, tiah Bawipa nih a ti. Cu siangpahrang nih cun fimnak in a uk hna lai i Ram chungah phung le dinnak kha a hmunhter lai.

JEREMIAH 27:11

Sihmanhsehlaw Babilon siangpahrang hngawngkual tangah a hngawng a chia i amah kha a rianmi miphun paoh cu anmah ram te ah khan ka umter hna lai i an ram cu an thlawh lai i khika ah khua an sa lai,” tiah Bawipa nih ka ti,” a ti.

JEREMIAH 27:22

Babilon ah kalpi an si lai i ka auh ṭhan hna hlantiang khika ah an um lai, tiah Bawipa nih a ti; cun ka kirpi ṭhan hna lai i hi hmun ah hin ka chiah ṭhan hna lai, a ti fawn.

JEREMIAH 29:10

“Mah hihi Bawipa chimmi bia cu a si: Babilon cungah hin kum sawm sarih kha a tlin tikah nan bia cu kan lakpiak ṭhan hna lai i thil ṭha nan cungah ka tlunter lai ti in bia kan kammi hna kha ka tlinter lai i hi hmun ah hin kan kirpi ṭhan hna lai.

JEREMIAH 29:14

keimah cu nan ka hmuh lai, tiah Bawipa nih a ti. Cun nannih cu nan vanṭhatnak kha kan pek ṭhan hna lai i miphun vialte hna sin le hmun kip i kan ṭhawl hnanak hmun khan kan pumh ṭhan hna lai i saltannak chungah kan kalter hnanak hmun khan cuka i nan rak kalnak nan ram ah khan kan kirpi ṭhan hna lai, tiah Bawipa nih a ti.

JEREMIAH 3:18

Khi tikah cun Judah chungkhar le Israel chungkhar cu an i fon lai i Hmun khat ah chaklei ram khan, ro caah an pupa ka pekmi hna ram ah khan an ra ṭi lai.

JEREMIAH 30:10

“Cucaah cun ṭih hlah maw Jakob, ka sal; Maw Israel, lungdong in um hlah, tiah Bawipa nih a ti. Zeicahtiah ram hlapi khan kan ratpi ṭhan lai i na tefa hna cu sal i an tannak hmun khan ka kirpi ṭhan hna lai; Cun Jakob cu hnangam tein a um ṭhan lai i thluachuak le lungdai in a um lai.

JEREMIAH 30:18

Bawipa nih hitin a ti: Zohhmanh, Jakob tefa hna cu an vanṭhatnak kha ka pek ṭhan hna lai i An umnak kip ah khan ka dawtnak kha ka hmuhsak hna lai. Khua cu an rawknak mual cungah khan sak an si ṭhan cio lai i Inn kip chungah khan a rak um tawnmi chungkhar kha an um ṭhan cio hna lai.

JEREMIAH 30:4

Hi bia hi Israel le Judah kong ah Bawipa nih a chimmi a si:

JEREMIAH 31:16

Bawipa nih hi bangin a ti: “Fak piin na ṭah lengmang ko cu ngol cang law na mitthli thla ti hlah; Zeicahtiah na rianṭuan man ah laksawng kan pek lai, Annih cu an ral hna ram in an kir ṭhan lai.

JEREMIAH 31:23

Ralkapbu Bawipa, Israel Pathian nih hitin a ti: “Annih cu an ram ah ka kirter ṭhan hna tikah, Judah ram le a khua hna ah cun, ‘Bawipa nih Jerusalem tlang thiang a umnak hmun thiang cu, Thluachuahnak pe ko seh,’ tiah an ti ṭhan lai.

JEREMIAH 31:27

“Bawipa nih hi bangin a ti: Israel ram le Judah ram cu minung le saram in ka khahter hna lai caan a ra lio.

JEREMIAH 31:31

“Israel mi hna le Judah mi hna he biakamnak thar ka ser lai ni cu a ra lio, tiah Bawipa nih a ti.

JEREMIAH 31:38

“Zohhmanh, khuapi cu Hananel Innsang in Kil Kutka timi tiang, Bawipa upatnak caah sak ṭhan a si lai ni kha a ra lio.

JEREMIAH 32:37

Ka thin hun le ka thin linh le ka thin han in ka dawinak hna ram vialte chung khan ka pumh ṭhan hna lai i hi hmun ah hin ka ratpi ṭhan hna lai i ahohmanh nih hnahnawh lo tein ka umter hna lai.

JEREMIAH 32:44

Benjamin ram chungah siseh, tlang ram khua hna chungah siseh, Shefelah ram chungah siseh, Negeb khua hna chungah siseh, lo cu i cawk le i zuarh an si ṭhan lai i cawknak ca hna cu minthut le minkhenhnak in khenh le tehte theihhngalh in tuah an si ṭhan lai, zeicahtiah an vanṭhatnak cu ka pek ṭhan hna lai,” tiah Bawipa nih a ti.

JEREMIAH 33:26

Mah hihi ka tuah bantukte hin Jakob tefa hna le ka sal David sin i ka biakamnak cu ka fehter lai. Abraham, Isak le Jakob tefa hna uktu ah David tefa pakhat kha ka thim lai. Ka mi cu an van ṭhatnak kha ka pek ṭhan hna lai i an cungah zaangfahnak ka ngei lai,” tiah a ti.

JEREMIAH 51:60

Jeremiah nih Babilon cung i a tlung ding ṭhat lonak vialte cu cauk chungah a ṭial dih hnuah

EZEKIEL 20:42

“Nannih cu kut hler in nan pupa hna sinah pek awkin bia ka kammi ram, Israel mi vawlei ah khan kan tlunpi hna tikah, Bawipa cu keimah ka si kha nan hngalh lai.

EZEKIEL 34:13

Miphun kip sin khan ka chuahpi hna lai, ramdang khan ka pumh hna lai i anmah vawlei te ah khan ka hruai hna lai. Israel tlang cungah khan, a tiva pawng hna le a ram a hrinnak hmun kip ah khan ka tlonter hna lai.

EZEKIEL 36:24

Miphun hna lak khan kan chuah hna lai i ram kip khan kan pumh hna lai i nanmah vawleite ah khan kan kalpi hna lai.

EZEKIEL 47:14

Kut hler in nan pupa hna sinah pek awkin chiat ka sermi ram cu pakhat le pakhat nan i cheu cio lai; camcawhfung khiah in nan ro ca ding cio ah khan pek nan si lai.

JOEL 3:1

“Khi caan ah Judah le Jerusalem cu an vanṭhatnak kha ka pek ṭhan hna lai

ZEFANIAH 2:7

Rilikam ram cu Judah ram mi a tangmi hna ta a si lai. Bawipa an Pathian nih a merhnawh hna lai i An vanṭhatnak kha a pek ṭhan hna lai caah An tuurun kha rilikam ah khan an tlonter hna lai i zanlei ah Ashkelon khua inn chungah khan an riak lai.

ZEFANIAH 3:20

Kan pumh hna caan a phak tikah cun inn ah kan tlunpi hna lai. Nan vanṭhatnak kha kan pek ṭhan hna tikah, Vawleicung mi vialte sinah minthannak le thangṭhatnak kha kan hmuhter ṭhan hna lai i cucu nan mit in nan hmuh lai. Hi bia a chimtu hi Bawipa a si.

LUKA 17:22

Cun a zultu kha a thawh hna i, “Nannih nih, Mi Fapa ni kha hmuh kan hei duh dah, nan ti caan a phan te lai; sihmanhsehlaw nan hmu lai lo.

LUKA 19:43

Zeicahtiah na ral nih raltuknak chuntlung in an in kulh i an in hren i a kenkip in an in luhhnawh caan kha a phan lai.

LUKA 21:6

Jesuh nih aa thawh i, “Mah hi vialte hi nan hmuh, sihmanhsehlaw hika i lung vialte hi pakhat hmanh an umnak hmun cio i kaltak loin hlonh an si dih lai caan a tlung lai,” tiah a ti.

DEUTERONOMI 30:3

khi tikah Bawipa nan Pathian nih khan nan van kha an pek ṭhan hna lai i nan cungah zaangfahnak a ngei lai i Bawipa nan Pathian nih an ṭheknak hna mi vialte sin khan an pumh ṭhan hna lai.

DEUTERONOMI 30:5

Nannih nih nan co nakhnga, Bawipa nan Pathian nih nan pupa hna i an rak comi ram chungah khan an luhpi hna lai i nan pupa hna nakin rum deuh le tam deuh ah an ser hna lai.

HEBRU 8:8

Sihmanhsehlaw Pathian nih a mi hna cu a mawhchiat hna i, “Bawipa nih aa thawh i, ‘Israel mi hna le Judah mi hna he biakamnak ka tuah lai ni cu a ra lio.