JEREMIAH 3:3 - Lai (Hakha) Common Language Bible 2006

³ Hi ruangah hin ruah kha sur ka thlauh i ṭhal ruah kha a sur lo. Asinain, na cal cu hlawhhlang cal a si i na ning a zak duh hrimhrim lo.

JEREMIAH 3:3 交叉參考

GENESIS 19:34

A thaizing ah upa u nih khan ngakchia u cu a thawh i, “Zahan ah khan kan pa cu ka ihpi cang; tu zan ah hin ritter rih u sih law ka tuah bantuk khan nang nih va tuah ve. Cun kan pahnih in kan pa thawngin tefa kan ngei veve lai,” a ti.

NEHEMIAH 9:17

annih nih na nawl ngaih kha an duh lo i an lak i khuaruahharnak na tuahmi kha an i cinken duh lo; sihmanhsehlaw an hngawng kha an i rengh i Izipt ram chung i sal an sinak chung i luh ṭhan awkah khan hruaitu pakhat an i ser. Sihmanhsehlaw nang cu ngaihthiam awkah aa tim i vel a ngei i zaangfahnak a ngeimi, thin a fual i a fekmi dawtnak in a khatmi Pathian na si caah annih cu na hlaw hna lo.

PHUNGTHLÛKBIA 21:29

Miṭhalo nih cun miralṭha hmai aa putter, Sihmanhsehlaw miding nih cun cun amah le amah kha aa zum ko.

ISAIAH 5:6

Ka buatter lai i mitsur ruang cu an nge ka tanpiak hna lai lo; vawlei zong kha ka co lai lo, hling le so tu ka khahter hna lai. Khuadawm hmanh kha, ruah pe hlah, tiah ka thlauh lai,” a ti.

JEREMIAH 14:1

Khua a khen kong ah Bawipa bia Jeremiah sinah a phanmi:

JEREMIAH 14:22

Miphun dang pathian, pathian deu a simi hna lakah ruah surter kho an um maw? Asiloah, van hna nih khin ruahpi an surter kho maw? Nangmah cu kan in bochan nakhnga, Pathian na si lo maw, Maw Bawipa? Hi thil vialte hna a tuahtu hi nangmah lawnglawng na si.

JEREMIAH 14:3

A saṭil bawi hna nih khan an sinum hna cu ti kawl awkah an thlah hna; Tili ah khan an va kal, sihmanhsehlaw ti an hmu lo, An tithawl ro he an kir.

JEREMIAH 14:4

Ruah a um lo caah vawlei in theitlai zeihmanh a chuak lo, Lothlo pawl cu an hnabei a dong, An ngaih a chiat caah an luchin kha an i phongh.

JEREMIAH 36:2

“Cazual pakhat in i lak law Israel kong le Judah kong le miphun vialte hna kong ah kan chimhmi bia vialte kha, Josiah chan i kan chimh hmasa bik ni thawk in atu tiang ka chimmi kha ṭial tuah.

JEREMIAH 5:24

Annih nih an lungchung in, “Anmah caante cio ah fur ruah le ṭhal ruah kha a kan pe i Rawl ṭuannak caan pelh lo tein khuacaan a kan chiahpiaktu Bawipa kan Pathian kha ṭih u sih,” an ti lo.

JEREMIAH 5:25

Sihmanhsehlaw nan ṭhat lonak nih thil umtuning cu a lettalam in a umter dih hna i Nan sualnak nih nan cung i tlunter a duhmi a zaangfahnak cu a donh hna.

JEREMIAH 5:3

Maw Bawipa, na mit nih biatak kha a kawl a si lo maw? Nangmah nih annih kha na tuk hna, sihmanhsehlaw an zei a poi lo, An lung kha na chunh hna, sihmanhsehlaw an i remh hlei lo. Annih nih an hmai cu ṭeklung nak hak deuh ah an ser i Ngaihchih kha an duh lo.

JEREMIAH 6:15

Annih nih hi fihnung a simi thil hna kha an tuah tikah an ning a zak maw? Zak hlah ee, an ning a zak hrimhrim lo; hmaisen zong kha an hngal lo. Cucaah a tlumi hna sinah an tlu ve lai; dan ka tat hna tikah an dih lai, tiah Bawipa nih a ti.

JEREMIAH 8:12

Annih nih fihnung kha an tuah tikah an ning a zak maw? Zak hlah e, an ning a zak hrimhrim lo; Hmaisen zong kha an hngal lo. Cucaah a tlumi hna sinah an tlu ve lai; Annih cu dan ka tat hna tikah an ril lai,” tiah Bawipa nih a ti.

JEREMIAH 9:12

Zeicahdah hi ram cu ram thi ah a can i thetse ram bantukin a ro i aho pal lomi a si? Hi kong hngalhnak caah hin ahodah a fimnak aa zami cu a si? Midang kha a chimh khawh hna nakhnga ahodah Bawipa nih lungthin a cheuhmi cu a si? tiah Jeremiah nih a ti.

EZEKIEL 3:7

Sihmanhsehlaw Israel mi nih cun na bia ngaih kha an duh lai lo, zeicahtiah keimah ka bia ngaih kha an duh lo i annih cu ningzah hngal lomi le lung a hak i a ṭhawng hringhranmi an si.

LEVITIKAS 26:19

nan ṭhawnnak nan i porhlawtnak kha ka hrawh lai i nan van hna cu thir bantuk ah ka ser hna lai i nan vawlei cu dar bantuk ah ka ser lai;

AMOS 4:7

Rawl ṭuannak caan tiangah thla thum a duh rih lioah, Nan cungah ruah sur loin a khamtu cu keimah ka si; Khua pakhat cungah cun ruah cu ka surter ko lai i Khua dang pakhat cungah cun sur loin ka umter ko lai; Lo pakhat cu ruah nih a surh ko lai i Sihmanhsehlaw lo dang pakhat cu a surh lo caah a car ko lai.

AMOS 4:8

Cucaah khua pahnih pathum hna cu khua dang pakhat ah khan ti din awkah sawn lengmang in an kal lai nain an tihal cu a riam kho hlei lai lo. Hitihin a si nain keimah sinah nan kir duh hlei lo, tiah Bawipa hrimhrim nih a ti.

ZEFANIAH 2:1

I pum tuah u, ningzah hngal lomi miphun, i pum tuah u, Lamhlatpi ah ṭhawl nan si i favai bangin nan loh hlan le

ZEFANIAH 3:5

Sihmanhsehlaw a chung i a ummi Bawipa cu a ding i ṭhat lonak kha zeihmanh a tuah lo; Zing fate in pel lo tein khuadei kate ah a biakhiahnak kha a langhter zungzal. Asinain miding lo hna nih cun ṭhat lonak kha an tuah lengmang ko i ningzah zong zeihmanh an hngal lo.

HAGGAI 1:11

Cucaah ram cungah siseh, tlang cungah siseh, fangvoi cungah siseh, mitsur hang thar cungah siseh, chiti cungah siseh, vawlei chungin a chuakmi thil paohpaoh cungah siseh, mi cungah siseh, saṭil cungah siseh, mi nih an ṭuannak in a chuakmi thil paohpaoh cungah rocar kha ka tlunter,” tiah a ti.

DEUTERONOMI 28:23

Cun nan lu cung van hna khi dar an si lai i, nan tanglei vawlei hi thir a si lai.

HEBRU 12:25

Cucaah cun ralring tein um u law nan sin i bia a chimtu bia kha al sual hlah u. Vawlei ah Pathian bia a chimtu bia theih a duh lomi cu an luat lo. Cucaah cun vancung in bia a run chimtu bia cu kan ngaih lo ahcun zeitluk in dah kan luat lo chinchin lai.