JEREMIAH 24:2 - Lai (Hakha) Common Language Bible 2006

² Bawm khat chung i cu an ṭha ngaingai, a hmin hmasa bik theipi bantuk khi an si; bawm khat chung i tu cu an chia ngaingai, an chiat tuk caah ei awk a tlak lomi khi an si.

JEREMIAH 24:2 交叉參考

ISAIAH 5:4

Ka dum caah hin tuah ka tlolhmi zei tal a um maw? Ka tlolhmi zeihmanh a um lo ahcun, zeicahdah mitsur thei a ṭhami a tlai lai tiah ka ruahmi tu tlai loin, a thormi lawng a tlai kun?

ISAIAH 5:7

Israel cu Lianngan Bik Bawipa dum cu a si; Judah ram mi hna cu mitsur ruang a cinmi cu an si. Thil ṭha kha nan tuah lai tiah a ti hna, sihmanhsehlaw lai nawnnak lehlam kha an tuah. A dingmi thil kha nan tuah lai tiah a ti hna, Sihmanhsehlaw an hremmi hna ṭah thawng tu kha a theihmi cu a si.

JEREMIAH 29:17

Mah hihi Ralkapbu Bawipa bia cu a si: An cungah vainam le mangṭam le rai kha ka tlunter lai i theipi ṭhalo, a ṭhat lo tuk ca i ei awk tlak a si lomi bantuk ah ka ser hna lai.

HOSEA 9:10

Bawipa nih aa thawh i, “Israel hi ka rak hmuh terte ah cun thetse ram i a khomi mitsur thei bantuk a rak si. Nan pupa hna ka rak hmuh hmasa terte ah hin theipi a hung tlai hmasa bikmi hna hmuh bantuk khi a rak si. Sihmanhsehlaw Baal-Peor an phak tikah Baal biak hram kha an thawk i an duhmi an siasal ka huat tluk khan anmah cu ka huat hna.

MIKAH 7:1

Aize! Theikung cungah thei zeihmanh a hmu ti lomi le Mitsur ruang ah a thei zeihmanh a hmu ti lomi rawlṭammi bantuk ka si ai cang. Mitsur thei vialte le theipi a thaw ngaingaimi cu an lawh dih ai cang hna.

NAHUM 3:12

Na ralhau hna cu a hminmi theipi bantuk an si ko, Hninh an si tikah a eitu hna kaa chungah khan an tla.

NAMBAR 18:13

An lo chung i theitlai a hmin hmasa bik, Bawipa sin i an rak putmi hna cu, na ta an si lai; na inn chung i a thiangmi paoh nih an ei khawh lai.

MATTHAI 5:13

“Nannih cu vawlei cite nan si. Sihmanhsehlaw cite kha a alnak cu a loh ahcun, zeitindah alter khawh a si ṭhan ti lai? Santlaihnak kha a ngeih ti lo caah hlonh awk le lamh awk men a si ko cang.