JEREMIAH 10:10 - Lai (Hakha) Common Language Bible 2006
10 Sihmanhsehlaw Bawipa cu Pathian taktak a si, Pathian nung le zungzal Siangpahrang a si. A thin a hun ciammam ah vawlei aa hnin i Miphun hna nih a thinhunnak kha an ing kho lo.
Maw Bawipa, lianhngannak le ṭhawnnak le sunparnak le teinak le upatnak cu nangmah ta an si ko; zeitintiah vancung le vawlei cung i a ummi thil vialte cu nangmah ta an si dih; maw Bawipa, pennak cu nangmah ta a si i nangmah cu zeizong vialte cungah cungnung bik na si.
Na pennak cu zungzal in a hmun lai i nangmah cu zungzal in siangpahrang na si lai. Pathian nih cun biakamnak a tuahmi kha zumhawktlak tein a zulh i a tuahmi thil paoh kha an ṭha dih.
Vawleicung i hremnak a ingmi vialte hna khamh awkah; nangmah nih na biakhiahnak cu thanh awk i na thawh tikah, na biakhiahnak cu vancung khin na run langhter i vawlei cu a thin a phang i dai tein a um.
Na thinhunnak hmual cu aho nih dah fiang ngaingai in an hngalh? Na thinlinhnak nih zei bantuk thil ṭihnung dah a chuahter khawh ti kha aho nih dah an hngalh?
Atu cu Bawipa, kan thlacamnak hi kan theihpiak law kannih cu run kan zoh tuah. A nungmi Pathian nangmah serhsatnak bia Sennakherib nih a chimmi vialte hi ngai tuah.
Assiria siangpahrang nih a nungmi Pathian kha nihsawh awkah a ralbawi kha a rak thlah. Bawipa na Pathian nih hi nihsawhnak bia hi rak thei hna seh law a chimtu kha dantat ko hna seh. Cucaah a tangmi kan mi hna caah thla rak cam ko.”
Bawipa, caah cun miphun hna hi zeihmanh an si lo, ti dor pakhat tluk hmanh an si lo, lamhlatpi i a ummi tikulh hna khi leidip tluk fang i a zaangmi men an si.
Nan hngal lo maw? Nan thei lo maw? Bawipa cu zungzal hmunmi Pathian a si i Amah nih vawlei kha a ser dih; zeitikhmanh ah a baa bal lo i a thazang a tlawm bal lo. Ahohmanh nih a lungthin kha an hngal lo.
“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.
Ram chung i a ummi ahopaoh nih thluachuahnak an hal tikah Pathian cu thluachuahnak kan pe tiah an hal lai, amah cu zumhawktlak a si. Chiat a sermi paoh nih Pathian min in an ser lai, amah cu zumhawktlak a si. Hlanlio harnak kha cu an dih cang lai i philh an si cang lai,” a ti.
‘Bawipa bia cu thilrit a si,’ ti cu nan chim hrimhrim lai lo, zeicahtiah cu bantukin a chimmi cu a caah thilrit a si taktak lai; nan chim a si ahcun, Ralkapbu Bawipa, Pathian nung, kan Pathian a bia kha pakpalawng ah nan canter hna lai.
‘Bawipa a nun bangin,’ tiin biatak le biading le dinnak in chiat na ser ahcun, Miphun hna nih nangmah bantukin thluachuakmi si ve awkah thla an cam lai i Nangmah ah cun sunparnak an hmuh lai.”
Hmelchunhnak a tuahmi hna cu zeitluk in dah an ngan i Khuaruahhar a tuahmi hna cu zeitluk in dah an ṭhawn, A pennak cu zungzal hmunmi pennak a si i Bawi a sinak cu chan vialte tiangin a hmun, a ti.
Caan tinhmi cu a tlin dih tikah keimah Nebukhadnezzar nih van lei khi ka hun zoh i ka lungthin kel ah khan ka kir ṭhan. Cung Nung Bik cu ka conglawmh i Zungzal Hmunmi Pathian cu ka hlorh i ka thangṭhat: Bawi a sinak cu a dong bal lo i a uknak cu chan vialte tiangin a hmun;
Ka peng chung dihlak ah mi vialte nih Daniel i a Pathian cu nan ṭih lai i nan upat lai: Zeicahtiah amah cu Pathian nung, zungzal in a hmunmi, A ṭhawnnak a dong lo i a bawi sinak a dong lomi a si —
Amah cu khamhtu, chuahtertu, hmelchunhnak le khuaruahharnak van le vawlei cungah a sertu a si, Amah nih Daniel cu chiandeih hna ṭhawnnak chungin a khamh cang,” a ti.
Bawinak le sunparnak le siangpahrang ṭhawnnak kha amah cu pek an si i cucaah miphun zakip le holh phun zakip nih a rian kha an ṭuan. Bawi a sinak cu zungzal in a hmunmi bawi sinak, zeitikhmanh ah a dong lo ding a si i siangpahrang ṭhawnnak a ngeihmi cu zeitikhmanh i hrawh khawh lomi ṭhawnnak a si.
Bawipa nih a ralkapbu cu khuari thawngin nawl a pek hna, Amah nawl a ngaimi ralkap hna cu a ṭhawngmi le rel cawk a si lomi an si. Bawipa ni cu zeitluk in ṭih a nungmi le a liannganmi dah a si! Ahodah a ing kho lai?
Mei nih khuaiseng kha a linh tikah a zor bantukin tlang hna cu amah toiah cun an zor i, Tlang pang ah ti an luan bantuk khin horkuang chungah an vung luang.
Ahodah a thinhunnak hmaika ah cun a dir kho lai? Aho nih dah a thinlinhnak cu an dawnh khawh lai? A thinhunnak cu mei tiva bantukin a luang i a hmaiah lung hna cu an ti dih.
A dir tikah vawlei kha aa hnin, a zoh hna tikah miphun kha an ther; Zungzal in a hmunmi tlang hna cu an i cheu i zungzal in a hmunmi fing hna cu an cim;
Aho nih dah a rat ni cu an in khawh lai? A hung langh tikah ahodah fek tein a dir kho hna lai? Amah cu thianhtu somei bantuk a si, thil sutu chatpiat bantuk a si; a ṭhu lai i ngun an thianh bantukin a thianh hna lai;
Sihmanhsehlaw Jesuh cu dai tein a um ko. Cun Tlangbawi Ngan cu a hun i nolh ṭhan i, “A nungmi Pathian min chalh in, na chim hrimhrim lai, kan ti: Pathian fapa Messiah cu na si maw si lo, chim,” tiah a ti.
“Zeicahdah mah hihi nan tuah? Kannih zong minung sawhsawhte kan si ve ko, nanmah bantuk minung kan si ve ko. Hika i kan ratnak cu nannih kha hi santlailo thil hna hi hlawt i van le vawlei le rili le a chung i a ummi thil vialte a sertu Pathian lei i mer awkah Thawngṭha ra chim kha a si.
Zungzal in a hmunmi Siangpahrang, thih a thiam lomi le mit in hmuh khawh a si lomi Pathian, Amah lawnglawng Pathian a simi cu, zungzal in zungzal tiang, upatnak le sunparnak, pek si ko seh! Amen.
Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.
Cun Joshua nih, “Mah hi hin Pathian nung cu nan lakah a um i, amah nih pel lo tein nan hmai in Kanaan mi hna le Hit mi hna le Hiv mi hna le Periz mi hna le Girgash mi hna le Amor mi hna le Jebus mi hna cu a dawi hna lai, ti kha hngal ko u.
Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.
Cun David nih a pawng i a dirmi hna cu, “Hi Filistin mipa a that i hi thangchiatnak Israel mi sinin a ṭhialtu cu, a cungah zeitindah tuah a si hnga? Hi cuarpartan lomi Filistin mipa hi aho rialmal dah a hei si i Pathian nung ralkapbu a hei zawmhtaih hna hnga cu!” tiah a ti.
Na salpa nih hin chiandeih si hna seh, vom si hna seh, ka thah hna; cun hi cuarpartan lomi Filistin mipa hi anmah lak i pakhat cu a si ve lai, Pathian nung ralkapbu hna a zawmhtaih hna caah hin,” tiah a ti.
