HOSEA 7:7 - Lai (Hakha) Common Language Bible 2006

⁷ Changreu rawhnak bantukin linsa in an um i an uktu bawi hna kha an thah hna. An siangpahrang cu pakhat hnu pakhat in an nawn hna, Sihmanhsehlaw ahohmanh nih keimah sinah khan thla an cam lo.

HOSEA 7:7 交叉參考

1 SIANGPAHRANG 15:28

Cuticun Baasha nih, Judah siangpahrang Asa a bawi kum thumnak ah cun Nadab kha a thah i amah hmun ah cun amah cu a bawi.

1 SIANGPAHRANG 16:18

Cun Zimri nih khua kha an lak cang, tiah a hmuh tikah, siangpahrang inn chung ralhruang chungah khan a lut i siangpahrang inn cu mei in aa duah chih i a thi;

1 SIANGPAHRANG 16:22

Sihmanhsehlaw Omri a zulmi hna nih Ginath fapa Tibni a zulmi hna kha an tei hna; cucaah Tibni cu a thi i Omri cu siangpahrang a cang.

2 SIANGPAHRANG 10:14

Anih nih, “A nung in tlai hna u,” tiah a ti i a nung in an tlaih hna i Beth-eked khor ah khan an thah hna, minung sawm li le pahnih, pakhat hmanh a zuah hna lo

2 SIANGPAHRANG 10:7

Cun ca cu an sin a phak tikah, siangpahrang fapa cu an lak hna i an thah hna, mi sawm sarih hna cu; cun an lu cu bawm ah an khumh hna i Jezreel ah cun amah sinah cun an hun kuat hna.

2 SIANGPAHRANG 15:10

Jabesh fapa Shallum nih a rawi i Ibleam ah a tuk i a thah i amah hmun ah cun bawi ah a cang.

2 SIANGPAHRANG 15:14

Khi tikah Gadi fapa Menahem cu Tirzah khua in a hung i Samaria ah a phan i Jabesh fapa Shallum kha Samaria ah a tuk i a thah i amah hmun ah khan bawi ah a cang.

2 SIANGPAHRANG 15:25

Cun a ralbawi Pekah, Remaliah fapa nih khan Gilead mi sawm nga he amah cu an rawi i Samaria khua chungah khan, siangpahrang inn chung ralhruang chin chungah an thah; i amah hmun ah khan a bawi.

2 SIANGPAHRANG 15:30

Cun Elah fapa Hoshea nih Remaliah fapa Pekah cu a rawi i a tuk i a thah i Uzziah fapa Jotham a bawi kum kulnak ah khan, amah hmun ah cun bawi a cang.

2 SIANGPAHRANG 9:24

Cun Jehu nih a li cu a tha a dihumnak in a kuaih i Joram cu a liang le a liang karlak ah a kah i cucaah thal nih cun a lung kha a khen i a rangleng chungah cun a tlu rup ko.

2 SIANGPAHRANG 9:33

“Run hlonh u, amah kha,” tiah a ti. Cucaah an vun hlonh i a thi nih cun vampang le rang hna kha a peh hna i annih nih an nan len.

JOB 36:13

Mi lungpuam nih cun an thinhun kha an chuahhnawh i Annih kha a ṭem hna tikah bawmhnak hal an duh lo.

SALM 14:4

Bawipa nih, “An hngal hnga lo maw? Ṭhat lonak a tuahmi vialte hi mihrut maw an si dih hnga? ka mi kha an ramh hna i cucu an i cawmnak, ka sinah thla an cam bal lo,” a ti.

ISAIAH 43:22

Bawipa nih, “Asinain, Israel mi hna, nan biakmi cu keimah ka si lo; kei nih cun kan nor cang hna.

ISAIAH 64:4

Amah aa bochantu hna caah cu bantukin rian a ṭuantu Pathian cu nangmah lawnglawng na si, nangmah bantuk cu ahohmanh nih a theih zong an thei bal hna lo a hmuh zong an hmu bal hna lo.

ISAIAH 64:6

Kan dihlak in misual kan si, kan thil tuahmi ṭha bik kan timi hna hmanh hi puanchia fihnung an si. Kan sualnak ruangah cun hnahchawl thli nih a choihmi bantuk khi kan si.

ISAIAH 64:7

Ahohmanh nih thlacam in nangmah lei kan hoih lo, ahohmanh nih bawmhnak hal in kan in fuh lo. Kan sinin naa thup i kan sual ruangah na kan kaltak cang.

ISAIAH 9:13

Israel mi cu an i ngaihchih lo; Ralkapbu Bawipa nih dan a tat hna nain amah leiah an i mer hlei lo.

EZEKIEL 22:30

Ram cu rawk lo dingin chanhtu dingah, a pemnak ah cun ka hmaiah a dir kho i a phit khotu ding annih lakah ka kawl hna i ahohmanh ka hmu hna lo.

DANIEL 9:13

asinain Bawipa kan Pathian, na thin damternak caah zeihmanh kan tuah lo; ahmaan lo thil kan tuahmi kha kan i ngaichih lo i na biatak kha kan zul fawn lo.

HOSEA 13:10

Siangpahrang kan pe, hruaitu kan pe, tiah nan ka hal. Sihmanhsehlaw cu hna cu khuazei ah dah an um kun?

HOSEA 5:15

Ka mi hna cu an sualnak ruangah sifah an in i keimah kha an ka kawl hlantiang cuticun ka kaltak ko hna lai. Sifahnak an in ruangah keimah kha an hei ka kawl phum hmanh hnga maw,” tiah a ti.

HOSEA 7:10

Israel cu aa porhlawtnak lila nih khan sual a phawt ko, Sihmanhsehlaw Bawipa an Pathian sin i kir ṭhan cu an duh lo; Hi bantukin thil si ko hmanh seh law, amah kawl kha an duh lo.

HOSEA 7:14

Ka sin i thla an cammi hi lungtak in an si lo; An ihkhun cungah khan an kiao an ai men i a si ko, Rawl le mitsur hang thar caah khan nam in an i at, Sihmanhsehlaw keimah kha an ka doh.

HOSEA 8:4

Siangpahrang kha an ser hna, sihmanhsehlaw keimah duhning in a si lo, bawi kha an chiah hna, Sihmanhsehlaw keimah hngalh loin an tuah; Annih nih an sui le an ngun in siasal kha an i ser hna.

MIKAH 2:1

An ihkhun cungin ṭhat lonak le sualnak khua a ruat i An ruahmi cu kan tuah khawh sawk tiin tuah awkah deika tein a thomi hna cungah cun ningzahnak tlung ko seh!