HOSEA 5:4 - Lai (Hakha) Common Language Bible 2006

⁴ Thil ṭhalo an tuahmi nih khan Pathian lei i an kirnak ding lam kha a phih; Siasal biaknak lungthin nih khan a tei hna i Bawipa kha zei ah an rel lo.

HOSEA 5:4 交叉參考

SALM 78:8

Annih cu a hringsortu hna bantuk kha an si lai lo, kha hna kha cu ralthawh hmang, nawl ngai lomi, Pathian fek tein aa bochan lomi, Pathian sinah zumhawktlak in a um bal lomi an si.

SALM 9:10

Maw Bawipa, nangmah an hngalmi nih cun an in bochan lai, nangmah sinah a rami cu ahohmanh na dawn bal hna lo.

JEREMIAH 24:7

Keimah hngalh khawhnak lungthin kha ka pek hna lai, zeicahtiah keimah cu Bawipa ka si; an lungthin a dihumnak in keimah sinah an kir ṭhan lai caah annih cu ka mi an si lai i kei cu an Pathian ka si lai.

JEREMIAH 50:38

A ti cungah aa thlai ko, an kao dih lai; Zeicahtiah hi ram cu siasal biaknak ram a si, An pathian ṭihnung pipi kha sunparnak an pek hna.

JEREMIAH 9:24

sihmanhsehlaw ahohmanh nih porhlawt a duh a si ahcun hi tu hi i porhlaw deuh seh: Keimah theih le hngalh hi. Zeicahtiah keimah cu Bawipa ka si i a dong lomi dawtnak kha ka pek hna i vawlei cungah hin biading le dinnak kha ka tuah; hi thil hna hi ka lunglawmhnak an si,” tiah Bawipa nih a ti.

JEREMIAH 9:6

Palhnak kha palhnak nih a zulh chin lengmang i Hlennak kha hlennak nih a zulh chin lengmang. Keimah hngalh kha an duh lo, tiah Bawipa nih a ti.

HOSEA 13:13

Israel nih hin nun khawh nakding caah caan ṭha a ngei ko, Sihmanhsehlaw a hrut tuk i cu caan cu aa lak lo. Amah cu a hung chuak dengmangmi naute, a nu paw chungin chuah a duh lomi bantuk khi a si.

HOSEA 4:1

Maw Israel, Bawipa bia cu thei tuah; Zeicahtiah hi rammi hna cungah hin Bawipa nih bia pakhat a ngei: Hi ram chungah hin pakhat le pakhat i zumhnak le pakhat le pakhat i bochannak le Pathian hngalhnak a um lo,

HOSEA 4:11

Zu nih ka mi hna cu a molhter cang hna!

HOSEA 4:12

Thingtan kha phuannak an hal hna i Funghreu nih khan hngalh an duhmi kha an chimh hna! Annih nih kei cu an ka hlawt cang; Nu hlawhhlangnu i aa cangmi bantukin annih cu pathian dang sinah khan an i pe cang.

HOSEA 4:14

Sihmanhsehlaw hi ruangah hin annih cu dan ka tat hna lai lo, Zeicahtiah nanmah zong biakinn i hlawhhlangnu a ummi hna he nan kal ve ko i anmah he cun Baal sinah khan raithawinak nan pekchanh ve ko, Cuticun phungthluk bia i “Hngalhnak a baumi cu an rawk,” tiah a um bantuk khan an rawk.

HOSEA 4:6

Ka mi hna nih keimah cu an ka hngalh duh lo caah an rawk. Nannih tlangbawi hna nih keimah hngalh kha nan duh ve lo i ka cawnpiaknak kha nan hlawt, Cucaah nanmah le nan fapale hna cu ka tlangbawi sinak khan kan hlawt hna.

HOSEA 7:11

Efraim hi laileng hrutte a si, Atu ah Izipt kha a vun auh, atu lila ah Assiria leiah khan aa mer ṭhan.

HOSEA 8:11

Sual thianhnak caah tiin Israel mi nih biakṭheng tam deuh an ngeih deuh paoh ah, sualnak hmun kha a karh chin lengmang ve a si ko!

JOHAN 16:3

Ka Pa zong, keimah zong an kan hngalh lo caah hi bantukin nan cungah an tuah lai.

JOHAN 8:55

Nannih nih cun nan hngal bal lo, sihmanhsehlaw kei nih cun ka hngalh. Ka hngal lo ti ning law, nanmah bantuk milihchim ka si ve hnga. Sihmanhsehlaw ka hngalh taktak ko i a bia kha ka ngaih.

1 SAMUEL 2:12

Cun Eli fapa hna cu mizeiruaramlo an si; Bawipa kha an hmaizah lo.