HOSEA 2:3 - Lai (Hakha) Common Language Bible 2006

³ Cu ti a si lo ahcun ka phoih dih lai i a chuah ni i taklawng in a um bantuk khan ka hlih dih sual lai; Ram car bantukin ka tuah lai i thetse car in ka car sual lai i tihal in ka thihter sual lai.

HOSEA 2:3 交叉參考

EXODUS 17:3

Sihmanhsehlaw mi cu an ti a hal tuk i Moses cu an zaihnawh i, “Zeicahdah Izipt ram khan na kan chuahpi? Kanmah he kan fale he kan saṭil he ti haal in thah awkah maw na kan chuahpi?” an ti.

ISAIAH 33:9

Ram cu a um sawhsawh ko i mi nih an chuahtak. Lebanon tlang tupi cu an car i Sharon nelrawn cu thetse ram bantuk a si, cun Bashan ram le Karmel Tlang thingkung hna cu an hnah a ṭil dih.

ISAIAH 47:3

Mi kuttang i na um le ningzahnak na in kha an in hmuh lai, salnu bantukin hnipuan loin na um kha an in hmuh lai. Teirul kan cham lai i ahohmanh nih an ka kham kho lai lo,” a ti.

ISAIAH 64:10

Na khua thiang hna cu thetse ram bantuk an si i Jerusalem cu a rawk i ṭiaotakmi khua a si.

JEREMIAH 12:10

Tuukhal tampi nih ka mitsur dum kha an hrawh i ka lo kha an naan dih, Ka lo a ṭhami te kha thetse ram ah an ser dih,

JEREMIAH 13:22

“Zeicahdah mah thil hi ka cungah a tlun hnga?” tiah na ti ahcun, Na sualnak a tam ruangah na hni cu phoih na si i Na ke cu langhter an si.

JEREMIAH 13:26

Cucaah keimah hrimhrim nih nan hni kha kan phoih hna i Nan ningzahnak kha ka langhter.

JEREMIAH 14:3

A saṭil bawi hna nih khan an sinum hna cu ti kawl awkah an thlah hna; Tili ah khan an va kal, sihmanhsehlaw ti an hmu lo, An tithawl ro he an kir.

JEREMIAH 17:6

Amah cu thetse ram i a ummi burbuk bantuk a si, Ṭhat lonak a rat tikah zeihmanh a hmu lai lo. Ramlak i lungtamnak hmun ah cun khua a sa lai, ahohmanh an um khawh lonak cite ram ah cun, a um lai.

JEREMIAH 2:31

Israel mi cungah hin tlun inn donh hmang maw ka si? Ram car le ti um lonak hmun bantuk maw ka si? A si kun ahcun zeicahdah ka mi hna nih hin, ‘Kan i ṭhen cang, na sinah kan ra ti lai lo,’ an ti?

JEREMIAH 2:6

Annih nih, ‘Izipt ram chungin a kan chuahpitu Bawipa, Ramlak ah a kan hruai i thetse ram le khor tampi umnak ram, Ram ro ram car le muihnak ram, ahohmanh nih an pal lomi, ahohmanh an um lonak ram chungah a kan hruaitu kha, Khuazei ah dah a um?’ an ti lo.

JEREMIAH 22:6

Zeicahtiah Judah siangpahrang inn kong ah Bawipa nih hi bangin a ti: Nangmah cu ka caah Gilead bantuk le Lebanon tlangpar bantukin i dawh hmanh law, Ahohmanh an um lonak hmun thetse ram ah kan canter lai.

JEREMIAH 4:26

Theitlai ṭhatnak lo ṭha kha thetse ram a si cang i Khuapi vialte kha an rawk dih cang, A thin a hungmi Bawipa hmaika ah cun.

JEREMIAH 51:43

A khuapi hna cu hmun rocar ah an cang cang, Hmun car le thetse ram an si cang, Ahohmanh um lonak ram, minung fa ahohmanh nih an pal lomi ram a si cang.

JEREMIAH 51:5

Israel le Judah cu an Pathian, Ralkapbu Bawipa nih a ma hna lo, Sihmanhsehlaw Khaldi mi ram cu sualnak in a khat i Israel Mi Thiang nih a hlawt cang.

EZEKIEL 16:22

Fih a nungmi zuanzamnak na tuahmi vialte hna ruangah hin hlanlio kong kha na philh i taklawng le pumro in na rak um i na thi chung i na ke na rak chaih len ko lio kha na hngal ti lo.

EZEKIEL 19:13

Atu cu ramlak ah, a ro a carnak hmun ah phun a si ṭhan,

HOSEA 13:15

Efraim cu phaikung bantukin hno hluahmah hmanh seh law Nichuahlei thli a sami kha thetse ram lei in ka run hranter lai i an cerh le an tiput vialte cu an car dih lai. A sungmi thil vialte cu a lohpi dih hna lai.

HOSEA 2:10

Cuticun zei bantuk mihur dah a si kha ka langhter lai i Ahohmanh nih ka sinin amah fir kha an duh ti lai lo.

BIAPHUAN 17:16

Ki pahra na hmuhmi le sahrang nih khan hlawhhlangnu kha an huat lai i a ngeihmi vialte kha an chuh dih lai i taklawng in an chiah lai; a sa kha an ei lai i amah cu mei in an khangh lai.

BIACEIHTU 15:18

Cun a ti a hal ngaingai i Bawipa kha a auh i, “Hi luatnak nganpi hi nangmah nih na salpa kut in na tlunter cang; atu ah hin tihal in ka thi i cuarpar tan lomi hna kut chungah ka tla ko lai maw?” tiah a ti.