HEBRU 4:16 - Lai (Hakha) Common Language Bible 2006

¹⁶ Cucaah cun ralṭhat in hmaiah fong u sih law, vel a umnak Pathian bawiṭhutdan cu fuh u sih. Khika ah kan herh lio caan te ah Pathian zaangfahnak le vel cu kan hmuh lai.

Laibaibal Thiang (BSI)

¹⁶ Cucaah bomh kan herh cân ah vel le zângfahnâk kan co khawh nâkhnga zângfahnâk ṭhutdanh cu ralṭha in panh u sih.

HEBRU 4:16 交叉參考

1 CHANRELNAK 28:11

Khi tikah David nih a fapa Solomon cu biakinn a tual le a inn hna le a chawhlawn chiahnak hna le a cunglei khaan hna le a chungchin dal hna ruam-am le velngeihnak ṭhutdan chiahnak a khaan ca i a ruam-am cu a pek;

ISAIAH 27:11

Thing nge cu an kiak i an car i nu nih mei tih awkah an khawmh hna. Mi nih khan zeihmanh an hngalh khawh lo caah, anmah a sertu Pathian nih khan a zaangfah hna lai lo i vel zong a ngeih hna lai lo.

LEVITIKAS 16:2

Moses sinah hi bangin Bawipa nih a ti: “Na u Aaron cu va chim law, puanzar chung hmunthiang ah, kuang cung i a ummi velngeihnak ṭhutdan hmaiah cun zeitikhmanh ah lut hlah seh, a thi sual lai; zeitintiah velngeihnak ṭhutdan cungah cun minmei in ka lang lai.

EFESA 2:18

Cucaah kan dihlak in, Judah mi he Jentail mi he, cu Thlarau pakhat thawng cun Pathian hmaika ah kan lut kho.

EFESA 3:12

Amah he kan i pehtlaih caah le amah kan zumhnak thawngin Pathian umnak chungah ṭih lo tein luh ngamnak luatnak kan ngei.

HEBRU 13:6

Cucaah kannih cu kan ralṭha u si law, “Bawipa cu a ka bawmtu a si, zeihmanh ka ṭih lai lo. Minung nih ka cungah zeidah an tuah khawh lai?” tiah ti u sih.

HEBRU 3:6

Sihmanhsehlaw Khrih zumh awk tlak a sining cu, Pathian inn a zohkhenhtu Fapa ningin a si. Cu inn cu kanmah hi kan si i cu kan simi cu kan i ruahchanmi kha fek te le ṭih lo tein kan i tlaih peng lawngah kan si zungzal lai.

HEBRU 7:19

Moses Nawlbia nih khan zeihmanh thil tlamtling ah a ser khawhmi a um lo. Sihmanhsehlaw atu cu ruahchannak ṭha deuh kha a hung phan i cu thawng cun Pathian kha kan naih khawh cang.

HEBRU 7:25

Cucaah cun amah thawngin Pathian a fuhmi hna paoh cu a khamh khawh zungzal ko hna; zeicahtiah zungzal in a nun caah Pathian kha a nawlpiak khawh zungzal hna.

HEBRU 9:5

Cu kuang cungah cun Pathian sunparnak cherub kha an um i sual ngaihthiamnak hmun kha an thla an zarh. Hi thil kong hi a dihlak in chim caan atu hi a si lo.

1 PETER 2:10

Hlanah cun nannih cu Pathian mi nan rak si lo, sihmanhsehlaw atu cu nan si cang; hlanah cun Pathian zaangfahnak kha nan rak hngal lo, sihmanhsehlaw a tu cu zaangfahnak kha nan hmuh cang.