GENESIS 50:5 - Lai (Hakha) Common Language Bible 2006

⁵ ‘Ka pa nih a thih lai ah, Kanaan ram chung i aa cawhmi thlan ah na ka vui lai, tiah bia a ka kamter caah ka pa ruak cu va ka vuiter seh law ka vui dih in ka ra kir ṭhan lai, a ti,’ tiah va ka chimhpiak u,” a ti hna.

GENESIS 50:5 交叉參考

GENESIS 3:19

Rawl na hmuh khawhnak dingah, vawlei i na kir ṭhan hlan tiang, thlan hripi puak in na cawl a hau lai; Nangmah cu, cu vawlei cun sermi na si. Leidip na si i leidip ah na kir ṭhan lai,” a ti.

GENESIS 48:21

Cun Israel nih Josef cu, “Ka thi dengmang cang ti cu na hngalh. Asinain Pathian nih an umpi lai i na pupa hna ram ah khan an kirpi ṭhan lai.

GENESIS 50:24

A unau pawl kha a thawh hna i, “Atu cu ka thihnak a nai cang, sihmanhsehlaw Pathian nih an zohkhenh hrimhrim hna lai i hi ram hin an chuahpi hna lai i Abraham le Isak le Jakob a kamhmi hna ram ah khan an kalpi hna lai,” a ti.

GENESIS 50:4

A pa ṭahnak caan cu a dongh tikah Josef nih Faro bawi pawl kha a thawh hna i, “Zaangfahnak tein, Faro kha,

GENESIS 50:6

Faro nih cun, “Na ka vui lai tiah bia an kamter bantukin va kal law na pa cu va vui ko,” tiah a leh.

2 CHANRELNAK 16:14

David khua chungah amah nih aa cawhmi thlan ah khan an vui. Zihmui ser thiam hna nih an sermi zihmui phun zakip in a khatmi ruakkuang ah khan an suan; cun amah hmaizahnak ah mei nganpi an tih.

JOB 30:23

Minung a simi paohpaoh ca i na chiahmi hmun, thihnak ah cun na ka kalter lai ti kha ka hngalh.

SALM 79:3

Na mi hna an thisen cu ti bantukin an luanter, Jerusalem khua pumpi ah thi cu ti bantukin a luang, ruak vuitu ding ahohmanh an um lo.

PHUNGCHIMTU 12:5

Hmun sang kha na ṭih hna lai i chawh kha na caah ṭihnung a si lai. Na sam kha a par lai i nu le pa duhnak na ngeihmi kha a lo lai i zeihmanh nih a umter ṭhan kho ti lai lo. Kannih cu kan umnak ding zungzal kan inn ah khan kan kal lai i khua chung lampi ah ṭahnak a um lai.

PHUNGCHIMTU 12:7

Kan pum cu vawlei leidip ah a kir ṭhan lai i kan thaw cu a kan petu Pathian sinah a kir ṭhan lai.

PHUNGCHIMTU 6:3

Mi pakhatkhat nih fa za khat a ngeih ko hnga i kum saupi a nung ko hnga, sihmanhsehlaw zei caan a nun hmanh ah lunglawmhnak kha a ngeih lo i hmaizahnak tein vuinak kha a hmuh lo ahcun, cu pa nakcun a thi cia i a chuakmi ngakchia kha a ṭha deuh.

ISAIAH 22:16

A ka thawh i, “Aho ah dah naa rel? Tlangpang lungpang ah khan zeicahdah thlan pakhat naa ser?

MATTHAI 27:60

amah thlan ca i lungkua ah a cawhmi thlan tharte ah cun a vui. Cun lung nganpi kha thlan khar ah cun a khar i a kal.

DEUTERONOMI 4:22

Hi ram ah hin ka thi ko lai, Jordan cu tan awk ka si lai lo; sihmanhsehlaw nannih nih cun nan tan lai i ram ṭha cu nan co lai.

1 SAMUEL 14:43

Cun Saul nih Jonathan cu, “Zeidah na rak tuah, ka chim tuah,” tiah a ti. Cun Jonathan nih amah cu, “Ka kut in kaa putmi ṭhiangṭhunh par in khuaihliti tlawmte ka teh; hika ah ka um ko hih, ka thi ko lai,” tiah a ti.