GENESIS 48:16 - Lai (Hakha) Common Language Bible 2006
16 Harnak phun zakip chungin a ka chuahtu vancungmi nih thluachuah pe ko hna seh. Keimah ka min le ka pu Abraham min le ka pa Isak min cu an chungah hin nung seh. Fa tampi ngei hna seh law bu nganpi ah i chuah hna seh,” a ti.
Mipa nih cun, “Na min cu Jakob a si ti lai lo. Pathian zong na paih, minung zong na paih hna i na tei hna; cucaah na min cu Israel a si cang lai,” a ti.
Na fapa pahnih, hika i ka rat hlanah Izipt ram i na rak hrinmi hna zong kha keimah ta an si; Reuben le Simeon kha ka fa an si tluk tein Efraim le Manasseh zong hi ka fa an si lai.
Sihmanhsehlaw David nih Beeroth khuami Rimmon fapa hna, Rekhab le a unau Baanah cu a leh hna i, “Ral vialte chungin ka nunnak a ka tlantu Bawipa a nun bangin,
ka min in kawhmi ka mi hna nih khan an lung an ṭhumh i thla an cam i ka hmai kha an kawl i an lam ṭhalo khan an i mer ahcun, van khin ka run theih lai i an sualnak cu ka ngaihthiam hna lai i an ram cu ka damter lai.
Annih khamhtu cu vancungmi a si lo, Bawipa hrimhrim kha a si. A dawt hna i an zawn a ruah hna caah a khamh hna. Hlanah khan a rak zohkhenh zungzal ko hna.
Chikkhatte i teimi bantuk maw na si ko hnga? Amah le amah aa khamh kho lomi bantuk maw na si ko lai? Maw Bawipa, nang cu kan lakah na um i Kannih cu, Ka ta nan si, tiah na kan ti; Kan kaltak sawh hlah.
Zohhmanh, ka hmaiah ka lam a sialtu ding ka lamkal ka thlah lai. Nan kawlmi Bawipa cu chikkhatte ah a biakinn ah a ra lai; nannih nih nan duhmi biakamnak lamkaltu cu hika ah a ra cang, hika ah hin a um cang, tiah ralkapbu Bawipa nih a ti.
Cu ti a hrum a aimi cu sermi thil lawng an si lo, Thlarau cu Pathian laksawng hmasater caah a hmumi kanmah zong hi, Pathian nih a fa ah ser i kan pum hi a ning piin luatter ding kan hngah lioah hin kan hrum kan ai ve ko.
A hrin hmasa bik cawtum cu lianhngannak a ngei i A ki hna cu fung ki an si; Cu ki cun mi kha, an dihlak in, vanhramdeng tiang a suk hna lai; Cu hna cu Efraim mi, sang tampi hna cu an si, Hi hna hi Manasseh mi, thong tampi hna cu an si,” tiah a ti.
Cun Bawipa nih ṭhat lonak vialte chungin a ka chuah lai i him tein a vancung Pennak ah cun a ka luhpi lai. Amah cu zungzal in zungzal tiang thangṭhat si ko seh. Amen.
