GENESIS 41:43 - Lai (Hakha) Common Language Bible 2006
43 Siangpahrang rangleng pahnihnak ah khan a citter i a cawngtu hna kha a hmai in an kal i, “Lam kian u,” tiah an au. Cuticun Josef cu Izipt ram vialte uktu bawi ah khan ser a si.
Faro nih cun a minkhenhnak kutdonghrolh kha aa phoih i Josef kutdong ah cun a hrolh; la hmangṭhia puan dawh ngaingai kha a aihter i a hngawng ah sui ṭhi a oih.
Faro nih Josef cu, “Keimah hi siangpahrang cu ka si; Izipt ram chung a dihlak ah hin ahohmanh nih nangmah nawl loin an kut hmanh an hler lai lo i an ke zong an cawi lai lo,” a ti.
Cun mipa nih cun a kan thawh i, “Miding nan si le si lo cu hitin ta ka hngalh lai: Ka sinah pakhat nan taang lai i a dang cu mangṭam a ingmi nan innchungkhar hna rawl hei phorh awkah nan tlung lai.
Cucaah cun hika i a rak ka kaltertu ngaingai hi nanmah nan si lo, Pathian a si. Faro caah pa bantuk ah a ka ser i a ram vialte cu keimah nih ka zohkhenh dih i Izipt ram vialte cu ka uk dih.
Judah mi Mordekai cu Siangpahrang Ahasuerus changtu a si i a miphun hna ṭhathnemnak kha a kawl i a mi vialte hna sinah khan daihnak bia a chim caah Judah mi lakah khan mingan a si i a unau hna mi tampi lakah khan zapi duhmi a si.
Cun siangpahrang kutka ah a ummi siangpahrang sinum vialte hna nih khan Haman cu an kunpiak i upatnak an pek; zeicahtiah cuticun nan tuah lai tiah siangpahrang nih khan nawl a pek hna. Sihmanhsehlaw Mordekai nih cun a kunpiak lo i upatnak zong a tuahpiak lo.
Siangpahrang nih cun Daniel cu rian kainak a pek i laksawng man sungsung tampi a ṭhenh i Babilon ram vialte uktu le Babilon mifim vialte hna haotu bik ah a ser.
harnak a inmi dihlak chungin him tein a chuahter. Josef cu Izipt siangpahrang Faro hmaiah a chuah tikah khan nuncan dawh le fimnak kha a pek. Faro nih cun Josef cu ram uktu bawi le siangpahrang innchungkhar uktu bawi ah a ser.
Cucaah Jesuh min upatnak caah cun vancung i a ummi vialte nih si hna seh, vawlei i a ummi vialte nih si hna seh, vawlei tang i a ummi vialte nih si hna seh, an khuk an i bil lai i
