GENESIS 4:4 - Lai (Hakha) Common Language Bible 2006
4 Cun Abel zong nih khan a saṭil nih an hrin hmasa bikmi hna kha a rak put ve hna i a thah hna i an sa a ṭhatnak bik kha Bawipa sinah cun laksawng ah a pek ve hna. Bawipa cu Abel le a laksawng cungah khan a lung a si,
Cun nannih nih nan pathian min kha nan auh lai i kei nih Bawipa min kha ka auh lai; mei in a kan lettu Pathian cu, amah cu Pathian cu a si lai,” tiah a ti. Cun mi vialte nih an leh i, “Na chimmi cu a ṭha,” tiah an ti.
Cun Bawipa mei cu a rung tla ciammam i khangh thawinak le a thing le lung le leidip kha a kangh dih hirhiar hna i kahcham chung i a ummi ti kha a liah dih.
Cun khika ah David nih Bawipa caah biakṭheng a ser i khangh thawinak le daihnak thawinak hna kha a pekchanh hna i Bawipa kha a auh i amah nih cun khangh thawinak biakṭheng cung i vancung in a tlami mei khan amah cu a leh.
Solomon nih thla a camnak a dih tikah, van in mei a rung tla i khangh thawinak le raithawinak hna kha a kangh hna i Bawipa sunparnak cu biakinn kha a khat.
Zeicahdah minung nih hin tlamtlinnak ding caah fak piin rian a ṭuan ti zong kha ka hngalh cang: hawi nakin tam deuh ngeih an duh caah a si. Cucu pakpalawng a si ko, thlitu dawi men kha a si ko.
Cun Moses cu a thin a hung ngai-ngai i Bawipa sinah, “An pekchanhnak cu hmaizah hlah. Annih sinin laa pakhat hmanh ka la lo i annih kha pakhat hmanh ka fahter hna lo,” tiah a ti.
Sihmanhsehlaw caw fater siseh, tuu fater siseh, meheh fater siseh, na tlan hna lai lo; annih cu an thiang. An thi cu biakṭheng cungah na theh lai i an thau cu mei in thawinak caah, Bawipa ca i rimthaw ah, na khangh lai;
Kain nih a pekmi raithawinak nakin a ṭha deuhmi raithawinak Abel nih Pathian a pekmi cu zumhnak in a si. Zumhnak thawngin amah cu Pathian nih miding ah a cohlan i cucu Pathian nih a laksawng a cohlanpiaknak ah khan a lang; cun a thih hnu zongah, zumhnak cu bia a chim ṭhiamṭhiam ko rih.
Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si.
Khi tikah Bawipa vancungmi nih a kut i aa putmi ṭhiangṭhunh par cun, sa le thilnu cawh lo changreu kha a hei sawh hna i a tawngh hna; cun lung cun mei a tho i sa le thilnu cawh lo changreu cu a kangh dih hna; cun Bawipa vancungmi cu a mit hmuh lo ah a lo.
Cun Samuel nih a thawh i, “Bawipa nih hin Bawipa aw zulhnak i lawmhnak ngan a ngeih tluk hin maw, Khangh thawinak le raithawinak ah hin lawmhnak a ngeih ve? Zohhmanh, nawlngaihnak hi raithawinak nakin a ṭha deuh i Amah bia ngaih hi tuukawng hna thau nakin a ṭha deuh.
