GENESIS 39:3 - Lai (Hakha) Common Language Bible 2006

³ Bawipa nih Josef cu a umpi i zei a tuahnak hmanh ah Bawipa nih a tlam a tlinter ti kha a bawipa nih cun a hmuh.

GENESIS 39:3 交叉參考

GENESIS 21:20

Ngakchiapa cu Pathian nih a umpi i a ṭhang i Paran ramlak ah khan khua a sa; amah cu sakah thiam ngaimi a hung si.

GENESIS 21:22

Cu caan ah cun Abimelek cu a ralbawi ngan bik Fikol he khan Abraham sinah cun an va kal i, “Na tuahmi thil kip ah Pathian nih an umpi.

GENESIS 21:23

Cucaah cun keimah siseh ka fale si hna seh ka tefa si hna seh, na kan hlen nakhnga lo Pathian hmaiah hin bia i kam. Kei cu na cungah zumhawktlak in ka um, cu bantuk cun nang zong ka cung le na umnak ram cungah hin zumhawktlak na si nakhnga bia i kam,” a ti.

GENESIS 26:24

Cu zan ah cun Bawipa kha a sinah a lang i, “Kei cu na pa Abraham Pathian kha ka si. Na thinphang hlah, keimah nih kan umpi ko. Ka sal Abraham ruangah thluachuahnak kan pek lai i tefa tampi kan pek lai,” a ti.

GENESIS 26:28

Annih nih cun, “Atu cu Pathian nih an umpi kha kan hngalh i nangmah le kanmah karlak ah biakamnak a fekmi a um awk a herh tiah kan ruah.

GENESIS 30:27

Cun Laban nih Jakob cu a thawh i, “Biachimnak nawl ka pe ve tuah: litin in ka hngalhmi cu, Bawipa nih thluachuah a ka pek hi nangmah thawngin a si.

GENESIS 30:30

Ka rat hlanah cun na saṭil cu tlawmte lawng an rak si, sihmanhsehlaw atu cu tampi ah an i chuah cang; keimah thawngin Bawipa nih thluachuah cu an pek ko. Atu cu keimah ca kaa ṭuan caan a si ve cang,” a ti.

GENESIS 39:2

Bawipa nih Josef cu a umpi i a caah thil kalning a tluang dih ko. A bawipa Izipt mipa inn ah cun a um.

GENESIS 39:21

Asinain Bawipa nih khan Josef cu a umpi i a cungah zaangfahnak a ngei i cucaah thongbawi kha a lung a hmuh ngaingai.

GENESIS 39:23

Bawipa nih khan Josef cu a umpi i a tuahmi paoh kha a tlam a tlinter caah Josef zohkhenhmi thil a simi paoh kha cu thong bawi nih zeihmanh a zoh a herh lo.

2 SIANGPAHRANG 18:7

Cun Bawipa cu amah sinah a um i a kalnak paoh ah khua awng a tong. Assiria siangpahrang kha a doh i a rian a ṭuan duh lo.

1 CHANRELNAK 22:13

Khi tikah Bawipa nih Moses cu Israel mi caah a pekmi phunglam le nawlbia hna kha ṭha tein na zulh hna ahcun, na hlawh a tling lai. Ṭhawng ngai le ralṭha in um tuah. Ṭih hlah; na lung dong hlah.

1 CHANRELNAK 9:20

Cun hlan ah cun annih a rak uktu hna cu Eleazar fapa Phinehas kha a si; amah sinah cun Pathian a um.

2 CHANRELNAK 1:1

David fapa Solomon cu a ram chungah khan fek tein a um i Bawipa a Pathian cu a sinah khan a um i fak piin a nganter.

2 CHANRELNAK 26:5

Bawipa ṭihnak kha a cawnpiaktu Zekhariah chan ah khan, Pathian kawl kha aa sehchih i Bawipa a kawl chung vialte cu Pathian nih khua awng a pemhter.

NEHEMIAH 2:20

Khi tikah kei nih ka leh hna i, “Vancung Pathian nih khua awng a kan pemhter lai i kannih a sal hna nih hin kan tho lai i kan sak lai; sihmanhsehlaw nannih cu Jerusalem ah hin covo siseh, tinvo siseh, hngalh camcinnak siseh, nan ngei lai lo,” tiah ka ti.

SALM 1:3

Tiva kamah a khomi thingkung, a caan hmaan tein a thei a tlai i a hnah a uai bal lomi bantuk an si. An tuahmi thil kip ah khua awng an tong.

ZEKHARIAH 8:23

Mah hihi ralkapbu Bawipa bia cu a si: Khi caan ah cun holh phun kip a hmangmi miphun kip chungin mi pahra nih Judah mi pakhat kha a puan in an i tlaih lai i, “Pathian cu na sinah a um ti kha kan theih caah na sinah kan kal ko lai,” tiah an ti lai.

MATTHAI 5:16

Cu bantukin nannih nan ceunak zong cu mi hmaiah a ceu awk a si, cuticun thil ṭha nan tuahmi kha an hmuh lai i vancung khua i a ummi nan Pa kha an thangṭhat lai.

1 KORIN 16:2

Zarhpi ni fate in, nan hmuhmi a tlawm a tam ning cio khan phaisa nan rak thawh lai i nan rak khon lai, ka rat tikah phaisa khawlh herh ti lo dingin,

DEUTERONOMI 2:7

Zeitintiah Bawipa nan Pathian nih nan kut rianṭuannak vialte ah thluachuah an pek hna; hi ramlak kaupi chung i nan kalnak hi a hngalh ko; hi kum sawm li chung hi Bawipa nan Pathian cu nan sinah a um i zeihmanh nan bau lo,’ tiah a ka ti.

JOSHUA 1:9

Keimah nih nawl kan pek a si lo mei? Ṭhawng ngai le ralṭha ngaiin um ko; na thinphang hlah, na lung zong dong hlah; zeicahtiah Bawipa na Pathian cu khuazeika na kalnak hmanh ah na sinah a um ko,” tiah a ti.

BIAPHUAN 3:9

Ngai hmanh! Judah mi kan si tiah aa ti i a si ṭung lomi, milihchim pawl, Satan ta a simi kha, na hmaiah ka ratter hna lai i na ke hramah ka kunter hna lai. Annih nih an dihlak in, kan dawt kha, an hngalh lai.

1 SAMUEL 18:14

Cun Bawipa kha amah sinah a um caah David cu a thil tuahmi vialte ah a hlawhtling.

1 SAMUEL 18:28

Sihmanhsehlaw Saul nih Bawipa kha David sinah a um ti le Israel mi vialte nih an duh ti kha a hmuh i a hngalh tikah,

1 SAMUEL 3:19

Cun Samuel cu a ṭhang i Bawipa cu a sinah a um i a bia kha pakhat hmanh vawlei ah a lohlakter lo.