GENESIS 39:14 - Lai (Hakha) Common Language Bible 2006
14 a innchung mi kha a auh hna i, “Mah hi zohhmanh u! Ka va nih hi Hebru mipa hi kan inn ah a ratpi i atu cu a kan serhsat ngaingai cang. Ka khaan chungah a ka luhhnawh i kan it lai a ka ti i asinain a than khawh chungin ka ai.
Sihmanhsehlaw a luat sualmi pakhat nih Hebru mi Abram cu cu kong cu a chimh. Abram cu Mamre thingzarh pawng i khua a sami a si, Mamre cu Eshkol le Aner hna u kha a si i hi hna hi Abram he ṭangṭi an si.
Cun a chim hmasa bantuk ṭhiamṭhiam khan a chimh ve i, “Khi Hebru sal kan sin i na ratpimi nih khin ka thangchiat a ka duh caah ka khaan chungah a ka luhhnawh.
Ka ral nih an ka tlerhnak le miṭhalo nih an ka hremnak nih ka lungre an ka theihter. Ka cungah harnak an tlunter; ka cungah an thin a hung i an ka huat.
“Zeidah a hmaan ti kha a hngal i a lung chungah ka cawnpiaknak aa cinkenmi hna, ka bia ngai tuah u. Mi nih an in hro hna le an in zawmhtaih hna tikah nan thinphang hlah u.
Sihmanhsehlaw sermi hriamnam zeihmanh nih khan nangmah cu an pem kho lai lo; sual an puhtu vialte hna kha na leh khawh dih hna lai. Ka salle cu ka ven hna lai i teinak ka pek hna lai,” a ti. Hi bia cu Bawipa nih a chim.
Anih cu sual kha an phawt i, “Hi pa nih hin kan mi hna a pingah a hruai hna kha kan tlaih, a thawh hna i Sizar Siangpahrang sinah ngunkhuai nan pe lai lo, a ti hna i, keimah hi siangpahrang Khrih cu ka si, a ti hna,” an ti.
An kan upat pah, an kan thangchiat pah, an kan nihsawh pah an kan thangṭhat pah. Lihchim bantukin an kan zoh, sihmanhsehlaw kan chimmi cu biatak a si ṭung,
Palhnak nan tuahmi ruangah, nan in awk a simi tuknak nan huah ahcun, cucu thangṭhat awk tlak a si maw? Asinain ahmaanmi thil nan tuahmi ruangah, hremnak nan in ahcun Pathian nih thluachuahnak an pek hna lai.
