GENESIS 32:11 - Lai (Hakha) Common Language Bible 2006

¹¹ Cucaah cun ka u Esau kut chung hin ka khamh ko tiah kan nawl. Kanmah doh awk le hrawh awkah, hi nu le ngakchia hna tiang hin hrawh awkah a ra rua tiah ka ruah i ka thin a phang ko.

GENESIS 32:11 交叉參考

GENESIS 24:27

Cun aa thawh i, “Ka bawipa Abraham i a Pathian, ka bawipa sin i a biakam let lo tein a ummi cu thangṭhat si ko seh. Bawipa nih ka bawipa i a unau inn ah ding tein a ka hruai ko,” tiah a ti.

GENESIS 27:41

A pa nih Jakob kha thluachuahnak a pek caah cun Esau nih Jakob cu a huat i a lungchung in, “Ka pa cu va thi deng cang kaw, a zun ngaih kan lim cun Jakob cu ka thah lai,” tiah a ti.

GENESIS 27:42

Sihmanhsehlaw Rebekah nih khan Esau nih aa tinhmi cu a theih i cucaah Jakob kha a auh i, “Ngai hmanh, na u Esau nih phuhlam an timh i thah an timh.

GENESIS 32:3

Jakob nih a u Esau sinah khan, Seir peng Edom ram ah cun lamkaltu a hei thlah hna.

GENESIS 32:7

Jakob cu a thin a phang ngaingai i a awlok a chong. A sin i a ummi minung hna le a tuu hna le a meheh hna le a caw hna le a kalauk hna kha bu hnih ah a ṭhen hna.

GENESIS 33:4

Esau tu nih cun a hun zuanhnawh i a kuh i a pom i a hnamh. An pahnih in an ṭap.

2 SAMUEL 7:18

Khi tikah David cu a lut i Bawipa hmaiah a ṭhu i, “Maw Bawipa Pathian, keimah cu ahodah ka si i ka innchungkhar zong hi zeidah an si, hi tiang nangmah nih na ka hruai hi?

SALM 119:134

A ka hremtu hna kut chung khan ka khamh tuah, cuticun na nawlbia kha ka zulh hna lai.

SALM 142:6

Hnabei donghnak chungah khan a pil in ka pil cang caah ka bawm ko sawh, tiin kan auhnak cu ka ngaihpiak ko. Keimah nakin a let tampi in a ṭhawng deuhmi, ka ral hna kut chungin ka khamh tuah.

SALM 16:1

Maw Pathian, nangmah cu kan fuh ko, ka huppheng ko sawh.

SALM 25:20

Ka huppheng law ka khamh tuah, himnak hmuh duh ah nangmah cu kan fuh caah mualpho in ka umter sawh hlah.

SALM 31:2

Ka thlacamnak cu ka theihpiak law ka khamh ko sawh; ka himnak lungpi si law ka khamhnak ding caah a fekmi ralhau si ko.

SALM 43:1

Pathian, ka sual lo kha ka thanhpiak law Pathian zei i a rel lomi hna lakah hin ka bia ka chimpi tuah; lihchim hmangmi le miṭhalo hna kut chung hin ka chuah tuah.

PHUNGTHLÛKBIA 18:19

U le nau i bawmh hi a fekmi khua bantuk a si, sihmanhsehlaw i sik cu ralhau kharkanh bantuk a si.

DANIEL 3:17

“Maw siangpahrang, hi kong ah hin kan in leh awk a herhmi a um ti awk zeihmanh kan hngal lo; a alh hluahmahmi meiphu chungin le na kut chungin kan biakmi Pathian nih a kan khamh khawh ahcun, kan khamh ko seh;

HOSEA 10:14

Raltuknak cu nan mi hna cungah a tlung lai i nan ralhau vialte cu an rawk dih lai. Shalman siangpahrang nih Beth-arbel a rak hrawh i Nu le ngakchia a rak thah dih hna ni bantuk kha a si lai.

MATTHAI 6:13

Tukforhnak chungah kan phakter hlah, Mi Ṭhalopa sin khan him tein kan khamh tuah.

DEUTERONOMI 22:6

“Thingkung ah siseh, vawlei ah siseh, va bu pakhatkhat nan hmuh i a chungah a fa siseh a ti siseh a um i, a pi nih a fa cu si hna seh, a ti cu si hna seh, a tlumh hna ahcun, a pi cu a fa he nan hlawm chih lai lo;

1 SAMUEL 12:10

Cun Bawipa kha an auh i, ‘Bawipa kha kan hlawt i Baal le Ashtaroth kha an rian kan ṭuan hna caah kan sual cang; sihmanhsehlaw atu cu kan ral hna kut chungin kan chuahter law, nangmah na rian kan ṭuan lai,’ an ti.

1 SAMUEL 24:15

Cucaah Bawipa cu biaceihtu si seh law, nangmah le keimah karlak bia hi chat seh, ka zohpiak seh law ka bia hi ka chimpiak seh law, nangmah kut chung hin ka chuah ko seh,” tiah a ti.