GENESIS 3:5 - Lai (Hakha) Common Language Bible 2006

⁵ Pathian nih cu bantukin a ti cu, kha thingthei nan ei ahcun nan ei cangka in amah bantukin hngalhnak nan ngei ve lai i a ṭha le a ṭhalo kha nan hngal ve lai ti a hngalh caah a si,” a ti.

GENESIS 3:5 交叉參考

GENESIS 2:17

sihmanhsehlaw a ṭha le a ṭhalo hngalhnak pe khotu thingkung a tlai hi cu na ei lai lo. Cu thingthei cu na ei hrimhrim lai lo. Na ei ahcun, na ei ni hrimhrim ah na thi lai,” a ti.

GENESIS 2:9

Vawlei chung cun aa dawhmi thingkung le rawl ca i a ṭhami kung a phunphun kha a khohter hna, dum laifang ah cun nunnak thingkung, chia le ṭha hngalh khawhnak thingkung zong a khohter.

GENESIS 3:10

Mipa nih cun, “Dum chung i naa chawh thawng kha ka theih i taklawng ka si caah ka thin a phang, kaa thup,” tiah a leh.

GENESIS 3:22

Cun Bawipa Pathian nih khan aa thawh i, “Atu cu mipa hi a ṭha le a ṭhalo a hngalh ve cang caah kanmah bantuk a si cang. Cucaah cun nunnak thingkung hi a banh sual lai i a thei hi a ei lai i zungzal in a nung sual ko lai,” a ti.

GENESIS 3:7

An ei dih cangka in hngalhnak kha an vun hmu i taklawng an si kha an i hngal; cucaah theipi hnah kha an i ṭhit i an i hruk.

1 SIANGPAHRANG 22:6

Cu tikah Israel siangpahrang nih profet kha hmunkhat ah a pumh hna, mi za li tluk an si, annih cu a thawh hna i, “Ramoth-gilead cu tuk awkah ka kal hnga maw, asiloah, kaa sum ko lai dah?” tiah a ti. Cun annih nih, “Hung kal ko, zeitintiah Bawipa nih siangpahrang kut chungah a pek lai,” an ti.

2 CHANRELNAK 32:15

Cucaah Hezekiah cu hi bantukin i hlenter hlah u law a pingah i hruaiter hlah u, cun amah kha zum hlah u, zeicahtiah mi zei miphun pathian siseh, zei ram pathian siseh, ka pupa hna kut chungin siseh keimah kut chungin siseh a mi a chanh khotu hna an um lo. Zeitindah nan Pathian chinchin nih cun ka kut chung cun an chuah khawh hna lai!’ a ti,” tiah an ti.

SALM 12:4

Annih nih an i thawh i, “Kan duhmi paoh kan chim ko lai, ahohmanh nih an kan kham kho lai lo. Aho nih dah, cucu nan chim awk a si, tiah an kan chimh khawh lai?” an ti.

EXODUS 20:7

“Bawipa nan Pathian min cu ningcang loin hmang hlah u, ningcang loin ka min a hmangmi cu dan ka tat hna lai.

EXODUS 5:2

Faro nih cun, “Bawipa cu ahodah a si?” tiah a leh hna. “Zeicahdah a bia cu ka ngaih lai i Israel mi cu ka kalter hna lai? Bawipa cu ka hngal lo; Israel mi cu ka kalter hrimhrim hna lai lo,” a ti.

ISAIAH 14:14

Khuadawm cungah khin ka kai lai i Cungnung Bik bantuk ka si lai na ti.

EZEKIEL 13:22

Miding mi cu an cungah ṭhat lonak tuah ka tim lo nain an lung nan donghter hna i cu bantuk ṭhiamṭhiam in miṭhalo mi hna cu an lam ṭhalo kha hlawt i khamh an si nakhnga tu si loin thazang nan pek lehlam hna;

EZEKIEL 28:2

“Mipa, Tair bawi sinah cun va chim law, hihi Bawipa Pathian bia a si, va ti: Porhlawt ruamkainak in naa thawh i, ‘Kei cu pathian ka si, Rilipi cungah pathian bantukin bawiṭhutdan cungah ka ṭhu,’ na ti. Nang cu minung na si ko i pathian na si lo nain pathian tluk ah naa ruat.

EZEKIEL 28:9

Nangmah an thattu hna nih an in dir-onh tikah khan, Pathian ka si, na ti ko rih lai maw? Nangmah an thattu hna kut chungah chungah cun, pathian na si lo, minung na si ko.

EZEKIEL 29:3

Hihi Bawipa Pathian bia an si tiah chim: Izipt siangpahrang Faro, Nail tiva chung i aa bualmi tisartlam, Nangmah cu kan doh. Naa thawh i, ‘Ka Nail tiva cu keimah ta a si, a sertu kha keimah ka si,’ na ti.

DANIEL 4:30

“Mah hihi a liannganmi Babilon, keimah nih siangpahrang umnak caah keimah ṭhawnnak a nganmi le keimah upatnak langhternak caah ka sermi a si lo maw?” tiah a au.

DANIEL 6:7

“Siangpahrang Darius cu saupi nung ko seh! Hi ram chung vuanzi vialte le kuzale vialte le mangki vialte le vuanthok vialte le tlangpi vialte nih kan i ceih i siangpahrang nih hin nawlbia pakhat in chuah seh law phunglam pakhat in fehter seh law, ahohmanh an si ah, kan hmai ni sawm thum chung i siangpahrang nangmah sinah si loin pathian dang sinah siseh, midang sinah siseh, thla a cammi paoh cu, chiandeih thong ah thlak si hna seh, tiah kan hna a tla.

MATTHAI 6:23

sihmanhsehlaw nan mit kha a ṭhat lo ahcun, nan pum cu muihnak chungah a um lai. Cucaah nan chung i a ummi ceunak cu muihnak a si sual ahcun, cu muihnak cu a fak ngaingaimi muihnak a si lai.

LAMKALTU 26:18

Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

2 KORIN 11:3

Evi cu rul nih a zernak le lih in a hlen bantuk khan nannih zong nan lungthin kha a thu sual lai i thiang tein Khrih nan tlaihchannak kha nan ngol sual lai ti ka phang.

2 KORIN 4:4

Annih nih zeicahdah an zumh lo ti ahcun, hi vawlei khuazing ṭhalo nih hin an lungthin cu mui lakah a chiah peng hna caah a si. An cung i a ceumi ceunak cu hmu loin a umter hna, cu ceunak cu Khrih sunparnak kong Thawngṭha in a rami a si i Khrih cu Pathian bantuk taktak a si.

2 THESALON 2:4

Mi nih an biakmi paohpaoh le Pathian thil i an ruahmi paohpaoh kha a doh lai. Amah cu Pathian timi hna paohpaoh le biakmi hna paohpaoh hna cungah khan aa chia lai i Pathian biakinn chung hmanh ah khan a lut lai i Pathian ka si a ti lai.

BIAPHUAN 13:14

Cun vawleicung i khua a sami vialte cu, khuaruahharnak a tuahmi khan a hlen hna; cu khuaruahharnak hna cu sahrang pakhatnak hmaika i tuahnak nawl pek a simi khuaruahharnak kha an si. Vainam in thahhrulhmi a si nain a nungmi sahrang upatnak caah khan milem pakhat nan ser lai, tiah vawlei cung mi vialte kha sahrang nih cun a ti hna.

BIAPHUAN 13:4

Limkeng nih khan a nawlngeihnak cu sahrang kha a pek caah mi vialte nih limkeng cu an biak. Sahrang zong cu an biak i, “Sahrang bantuk hi ahodah a um hnga? Aho nih dah an doh khawh lai?” an ti.

BIACEIHTU 3:2

Israel mi tefa hna nih raldohnak an hngalh nakhnga ca lawng le, cu hlan i raltuk a rak hngal bal lomi hna tei kha raldohnak a cawnpiak hna nakhnga ca lawngah a si.