GENESIS 27:13 - Lai (Hakha) Common Language Bible 2006

¹³ A nu nih cun, “Ka fapa na cung i chiatsernak naa tlunter sual a si le cu chiatsernak cu keimah cung tu ah tlung ko seh. Ka chim bantuk hin va tuah ko, va kal law meheh cu va ka lakpiak ko hna,” a ti.

GENESIS 27:13 交叉參考

GENESIS 25:23

Bawipa nih cun a rak thawh i, “Na chungah hin miphun pahnih an um. Aa ralmi miphun phun hnih na hrin hna lai, pakhat cu a ṭhawng deuh lai i a upa deuh nih a ngakchia deuh kha a rianh lai,” a ti.

GENESIS 25:33

Cun Jakob nih cun, “Na fater sinak cu kan pek hrimhrim lai tiah bia i kam hmasa,” a ti. Esau nih cun biakamnak cu a ser i a fater sinak cu Jakob sinah cun a zuar.

GENESIS 27:14

Cucaah cun a va kal i a sinah cun a ratpi hna i a pa nih a duhmi rawl ah khan a chuan hna.

GENESIS 27:43

Cucaah cun ka fapa, kan chimhning in tuah. I tim law ka ṭa Laban sinah Haran khua ah va zam.

GENESIS 27:8

Cucaah cun ka fapa, ka bia ngai law kan chimhning paoh in tuah.

GENESIS 43:9

Ka nunnak hin amah caah bia kaa kam; amah kong ah hin keimah cungah ṭuanvo na chiah khawh. Na sinah himte le dam tein ka kirpi ṭhan lo ahcun na hmaiah ka nun chung vialte mawhchiatnak cu ka in lai.

2 SAMUEL 14:9

Cun Tekoa minu nih khan siangpahrang sinah cun, “Mawhchiatnak cu keimah le ka pa innchungkhar cungah si ko seh, siangpahrang ka bawipa; siangpahrang le a bawi ṭhutdan cu mawh phor hna hlah seh,” tiah a ti.

2 CHANRELNAK 22:3

Amah zong cu Ahab innchungkhar lam kha a zul ve, zeicahtiah ṭhat lonak tuah i amah fim a chimtu cu a nu kha a si.

MATTHAI 27:25

Mizapi nih cun an dihlak in, “Hi pa thahnak ruang i dantatnak cu kanmah le kan tefa hna cungah tlung ko seh,” an ti.

1 SAMUEL 25:24

A ke hramah khan a bawk i, “Keimah cung lawnglawng ah hin, ka bawipa, mawhnak kha um ko seh; na salnu hi na hna theih ah bia chimter ko law, na salnu bia hi ka ngaihpiak ko sawh.