GENESIS 26:4 - Lai (Hakha) Common Language Bible 2006

⁴ Van i arfi zat khin tefa kan pek lai i hi ram vialte hi annih cu ka pek hna lai. Na tefa thluachuah ka pek hna bantuk hin thluachuah kan pe ve tiah vawlei cung miphun vialte nih an ka hal lai.

GENESIS 26:4 交叉參考

GENESIS 13:16

Tefa tampi kan pek lai i an tam tuk ah ahohmanh nih an rel kho hna lai lo, leidip cu ahohmanh nih an rel khawh hna lo bantuk khi an si lai.

GENESIS 15:18

Cu ni ah cun Bawipa nih Abram cu bia a kam i, “Hi ram hi a dihlak in na tefa kha ka pek hna lai tiah bia kaa kam, Izipt ram ri i a ummi tiva in tiva ngan Zufrates tiang a si lai;

GENESIS 15:5

Bawipa nih cun lengah a chuahpi i, “Van khi zoh law na rel khawh ahcun arfi khi rel tuah hna. Na tefa cu khi arfi zat khi an si lai,” a ti.

GENESIS 18:18

A tefa hna cu a ngan i a ṭhawngmi miphun ah an cang lai i vawlei cung miphun vialte hna nih hin Abraham thluachuahnak ka pekmi bantuk kha kan pe ve tiah an ka hal lai.

GENESIS 26:24

Cu zan ah cun Bawipa kha a sinah a lang i, “Kei cu na pa Abraham Pathian kha ka si. Na thinphang hlah, keimah nih kan umpi ko. Ka sal Abraham ruangah thluachuahnak kan pek lai i tefa tampi kan pek lai,” a ti.

GENESIS 28:14

Na tefa cu an tam tuk ah vawlei cung leidip zat an si lai. An ram cu nichuahlei he nitlaklei he chaklei he thlanglei he a kau chin lengmang lai i vawlei cung miphun vialte nih na tefa hna thluachuah ka pek hna bantuk hin kan pe ve tiah an ka hal lai.

GENESIS 28:3

Lianngan Bik Pathian nih na nupi ṭhitnak ah cun thluachuah in pe seh law fa tam piin in pe seh law miphun tampi hna pa ah in ser seh.

GENESIS 35:12

Abraham le Isak ka pekmi hna ram kha nangmah kan pek lai i cu ram cu na hnu i a ummi na tefa hna zong cu ka pek hna lai,” a ti.

GENESIS 47:27

Israel mi cu Izipt ram ah khan an um i an rum i fa tampi an ngei.

1 CHANRELNAK 27:23

David nih kum kul toi kha cu a rel hna lo, zeicahtiah Bawipa nih Israel cu van i arfi zat ah khin ka ser lai tiah bia a kam cang.

SALM 72:17

A min cu zeitikhmanh ah philh si ti hlah seh; a minthannak cu ni a um chung paohpaoh dai loin um zungzal ko seh. Miphun zakip nih amah cu thangṭhat hna seh, mi vialte nih Pathian cu, siangpahrang thluachuah na pek bantukin kannih zong ka pe ve, tiin nawl hna seh.

EXODUS 32:13

Na sal Abraham le Isak le Israel kha philh hna hlah law, an sinah na min chalh in chiatser in bia naa kam i, ‘Van i a ummi arfi zat khin tefa kan pek hna lai. Kan kamhmi hna ram hi a dihlak in nan tefa kha ka pek hna lai i anmah ta zungzal in a si lai,’ na timi zong kha philh sawh hlah,” a ti.

EXODUS 6:4

Anmah he khan biakamnak zong ka rak tuah i ramdangmi bantukin khua an rak saknak ram Kanaan ram kha kan pek hna lai, tiah bia ka rak kam hna.

LAMKALTU 3:25

Pathian nih a profet hna sinin biakamnak a sermi cu nanmah caah a si i nan pupa hna sinah Pathian nih biakamnak a sermi chung i aa telmi cu nan si. Kha biakamnak a ser tikah khan Abraham sinah cun a thawh i, ‘Nangmah na tefa hna thawngin vawleicung mi vialte cu thluachuahnak ka pek hna lai,’ tiah a rak ti.

GALATI 3:16

Pathian nih bia a kamhmi cu Abraham le a tefa pakhat kha an si. Cathiang nih, mi tampi ti duhnak caah, “na tefa hna,” tiin a ti lo. A timi cu, “na tefa,” ti lawng a si i cucu mi pakhat a ti duhnak a si i cu mi pakhat cu Khrih kha a si.

GALATI 3:8

Pathian nih Jentail mi cu zumhnak thawngin amah he a remter hna lai ti kha Cathiang nih a rak chimchung cang. Cucaah Cathiang nih Thawngṭha cu Abraham kha a rak chimh chung cang i, “Nangmah thawng hin Pathian nih vawleicung mi vialte kha thluachuah a pek hna lai,” a rak ti.

DEUTERONOMI 13:17

A zarhmi thil vialte cu pakhat hmanh nan kut in nan tawng lai lo; zeitintiah Bawipa nan Pathian aw cu nan ngaih i nihin ah kan pekmi hna a nawlbia vialte nan zulh i Bawipa nan Pathian mithmuh ah a dikmi kha nan tuah ahcun,

DEUTERONOMI 9:5

Na dinnak le na lung dinnak thawngin annih ram kha co awkah na luh cu a si lai lo; sihmanhsehlaw Bawipa na Pathian nih annih kha na hmai in a dawi hna lai cu hi miphun hna an ṭhat lonak ruangah le, Bawipa nih na pupa hna Abraham, Isak, le Jakob sinah chiat a sermi bia cu fehnak caah a si lai.

HEBRU 11:2

Zumhnak an rak ngeih caah hlanlio mi hna nih khan Pathian cu a lung an rak ton.